ବାଲିପାଟଣା (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକର ଶେଷ ପଲ୍ଲୀ ପମ୍ଫାଲୋ ଗ୍ରାମ ପଞ୍ଚାୟତରେ ପ୍ରଶାସନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ପୂର୍ବରୁ ଅନ୍ୟ ୧୬ ଗୋଟି ପଞ୍ଚାୟତରେ ସଫଳତାର ସହିତ ଏହି କାର୍ଯ୍ୟକ୍ରମ ହୋଇ ଶତାଧିକ ଲୋକଙ୍କର ସମସ୍ୟା ସମାଧାନ ପାଇଁ ପଦକ୍ଷେପ ନିଆଯାଇଛି ।
ଆଜିର କାର୍ଯ୍ୟକ୍ରମରେ ବାର୍ଦ୍ଧକ୍ୟ ଭତ୍ତା ପାଇଁ ୨୮ ଗୋଟି,ଖାଉଟି କାର୍ଡ ପାଇଁ ୫,ଜମିବାଡ଼ି ସମ୍ବନ୍ଧୀୟ ୧୧,ଗ୍ରାମୀଣ ଗୃହ ଯୋଜନା ପାଇଁ ୧୦୦ ଓ ଅନ୍ୟାନ୍ୟ ୮ ଗୋଟି ଅଭିଯୋଗ ଶୁଣାଣି ପାଇଁ ଆସିଥିଲା। ଗୋଷ୍ଠୀ ଉନ୍ନୟନ ଅଧିକାରୀ ଶୁଭ୍ରାଂଶୁ ଶେଖର ପାଢୀ,ତହସିଲଦାର କଳ୍ପନା ଦାସ,ସମନ୍ୱିତ ଶିଶୁ ବିକାଶ ଅଧିକାରୀ ରୁନୁବାଳା ସାହୁ,
କଲ୍ୟାଣ ଅଧିକାରୀ ରଶ୍ମିରେଖା ଦାସ,ସାମାଜିକ ସୁରକ୍ଷା ଅଧିକାରୀ ଦିବ୍ୟଜ୍ୟୋତି ଭୂତିଆ,ପଶୁ ଚିକିତ୍ସା ଅଧିକାରୀ ଦୂର୍ମନ୍ ବେହେରା,କୃଷି ଅଧିକାରୀ ସୁଭାଷ ଚନ୍ଦ୍ର ବାରିକ,ଗ୍ରାମ ଉନ୍ନୟନ ଯନ୍ତ୍ରୀ ତ୍ରିଲୋଚନ ନାୟକ ଙ୍କ ସହିତ ଅନ୍ୟାନ୍ୟ ବିଭାଗୀୟ ଅଧିକାରୀ ଉପସ୍ଥିତ ରହି ଶୁଣାଣି କରିଥିଲେ ।ସରପଞ୍ଚ ବାହାନ ଭୋଇ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଏଥିରେ ବହୁ ସଂଖ୍ୟାରେ ଲୋକେବିଭିନ୍ନ ସମସ୍ୟା ସମ୍ପର୍କରେ ଅଭିଯୋଗ କରିଥିଲେ ।
