ପଡ଼ିଆ (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ପଡ଼ିଆରେ ସି ଏସ୍ ଆଇ ସେଣ୍ଟ ମାର୍କ ଚର୍ଚ୍ଚ ସହ ଅନ୍ୟ ଚର୍ଚ୍ଚ ମାନଙ୍କ ମଧ୍ୟରେ ଖୁସି, ଆନନ୍ଦ ଓ ଭାଇଚାରାର ଉତ୍ସବ ମେରି ଖ୍ରୀଷ୍ଟମାସ ଉତ୍ସାହର ସହ ପାଳନ କରାଯାଇଛି । ପଡ଼ିଆ ରେ ଥିବା ସମସ୍ତ ଚର୍ଚ୍ଚ ଗୁଡ଼ିକ ଆଲୋକମାଳା, କ୍ରିସମାସ ଟ୍ରୀ ଓ ଆକର୍ଷଣୀୟ ସାଜସଜ୍ଜାରେ ଉଜ୍ଜ୍ୱଳ ହୋଇଉଠିଥିଲା । ବିଶ୍ବାସୀ ମାନେ ପ୍ରାର୍ଥନା ସଭାରେ ଯୋଗଦେଇ ପ୍ରଭୁ ଯୀଶୁଙ୍କ ଜନ୍ମଦିନକୁ ଶ୍ରଦ୍ଧାର ସହ ସ୍ମରଣ କରିଥିଲେ ।
ଏହି ଅବସରରେ ଶାନ୍ତି, ସହନଶୀଳତା ଓ ମାନବତାର ବାର୍ତ୍ତା ପ୍ରସାରିତ ହୋଇଥିଲା । ଶିଶୁମାନଙ୍କ ମଧ୍ୟରେ ସାନ୍ତାକ୍ଲଜ ଉପହାର ବଣ୍ଟନ କରି ଖୁସିର ପରିବେଶ ସୃଷ୍ଟି ହୋଇଥିଲା । ବଡ଼ଦିନ ଉପଲକ୍ଷେ ପଡ଼ିଆ ର ସମସ୍ତ ଚର୍ଚ୍ଚର ଵିଶ୍ବାସୀ ମାନେ ମିଳିମିଶି ଯୀଶୁଖ୍ରୀଷ୍ଟ ଙ୍କ ଜନ୍ମଦିନର ବାର୍ତ୍ତା କୋଣ ଅନୁକୋଣରେ ପ୍ରକାଶ କରିବା ଉଦ୍ଦେଶ୍ୟରେ ଏକ ବିରାଟ ଶୋଭାଯାତ୍ରାରେ ବାହାରି ନାଚ, ଗୀତ ଓ ଡେମସା ମାଧ୍ୟମରେ ପଡ଼ିଆ ପରିଭ୍ରମଣ କରିଥିଲେ । ଶାନ୍ତି ଶୃଙ୍ଖଳା ରକ୍ଷା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା ।
