ସାକ୍ଷୀଗୋପାଳ (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ରାଜକିଶୋର ସେନାପତି – ୧୦ତମ ସତ୍ୟବାଦୀ ମହୋସ୍ତବ ୨୦୨୬ ପାଇଁ ସ୍ଥାନୀୟ ବକୁଳ ବଟିକାରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ସତ୍ୟବାଦୀ ର ସ୍ୱାଭିମାନ ପଞ୍ଚସଖା ଙ୍କ ଜନ୍ମଭୂମି ର ସଠିଘରୁ ଜ୍ୟୋତି ସଂଗ୍ରହ କରାଯାଇ ସତ୍ୟବାଦୀ ମହୋତ୍ସବ ପ୍ରଥମେ ୨୦୧୫ ମସିହାରେ ଆରମ୍ଭ ହୋଇଥିଲା । ଏହି ମହୋତ୍ସବ ୩ ଦିନ ଧରି ହୋଇଥାଏ ।ପାରମ୍ପରିକ ରିତିନୀତି ଅନୁସାରେ ବାଜା, ବାଣ, ଗୋଟିପୁଅ, ସଂକୀର୍ତନ, ନାଗା, ସାହିଜାତ ସହିତ ପ୍ରଥମେ ଜ୍ୟୋତିଯାତ୍ରା ଅନୁଷ୍ଠିତ ହୋଇଥାଏ ।
ଏହି ଯାତ୍ରା ରେ ହଜାର ହଜାର ସ୍ଥାନୀୟ ଜନସାଧାରଣ ଯୋଗ ଦେଇ ଥାଆନ୍ତି । ୩ ଦିନ ଧରି ଏହି ମହୋତ୍ସବ ସତ୍ୟବାଦୀ ର ଐତିହ୍ୟ ସହିତ ଲୋକ ପରମ୍ପରା କୁ ନେଇ ଅନେକ ସାଂସ୍କୃତିକ କାର୍ଯ୍ୟକ୍ରମ କରାଯାଇଥାଏ । ଦଳଗତ ନିର୍ବିଶେଷରେ ଏହି ମହୋତ୍ସବ କୁ ସମସ୍ତେ ସ୍ୱାଗତ କରି ଥାଆନ୍ତି । ମହୋତ୍ସବ ଆସନ୍ତା ୨୦୨୬ ବର୍ଷ ଫେବୃଆରୀ ମାସ ୬, ୭, ୮ ତାରିଖ ରେ ହେବା ନେଇ ପ୍ରସ୍ତୁତି ବୈଠକ ସ୍ଥିର କରାଯାଇଛି ।
ବିଧାୟକ ଓ ସଭାପତିଓମ ପ୍ରକାଶ ମିଶ୍ର କହିଥିଲି ମହୋଉତ୍ସବ କୁ ସୁଚାର ରୂପେ କରିବା ନେଇ ମତପ୍ରକାଶ କରିଥିଲେ । ସଂପାଦକ ଦୀପକ ଶତପଥୀ କାର୍ଯ୍ୟକ୍ରମ ସମ୍ପର୍କ ରେ ଆଲୋଚନା କରିଥିଲେ । ବୈଠକ ରେ ଉପସଭାପତି ବିଷ୍ନୁପ୍ରିୟା ବରାଳ, ଜିଲ୍ଲାପରିଷଦ ସଭ୍ୟ, ରତିକାନ୍ତ ମିଶ୍ର ତ୍ରିଲୋଚନ ରଥ, ଅଭୟ ନାଥ,ଶରତ ମହାପାତ୍ର, ଶୁବୁନୁ ନାୟକ,ରଞ୍ଜନ ବରାଳ,ଜାନକୀ ବରାଳ, ଦିଲୀପ ମହାନ୍ତି, ବିଶ୍ୱଜିତ ମହାପାତ୍ର,ଭଗବାନ ବେହେରା, ଧୂନିଆ ବେହେରା ଓ ଦେବକିଶୋର ସ୍ୱାଇଁ ଙ୍କ ସମେତ ଅନ୍ୟ ସଦସ୍ୟ ମାନେ ମଧ୍ୟ ଉପସ୍ଥିତ ଥିଲେ ।
