ବାଲିପାଟଣା (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଲିପାଟଣା ବ୍ଲକ୍ ତୁରିନ୍ତିରା ଗ୍ରାମ ପଞ୍ଚାୟତର ଆଇତଳଙ୍ଗ ଗ୍ରାମର ଅସହାୟ ଗରିବ, ଅର୍ଥହୀନ ଶରତ ଚନ୍ଦ୍ର ଭୋଇଙ୍କ ଦେହ ଖରାପ ଥିବାର ଖବର ପାଇ ବାଲିଅନ୍ତା ବ୍ଲକ୍ ଓ ବାଲିପାଟଣା ବ୍ଲକର ସମସ୍ତ ସଂଗ୍ରାମୀ ଦଳିତ ନେତା ଓ ଜୟଦେବ ନ୍ୟୁଜ୍ ଆଣ୍ଡ ମିଡିଆ ଫାଉଣ୍ଡେସନର ସହଯୋଗରେ ଏକ ମାସର ରାସନ ସାମଗ୍ରୀ ସହ ଶୀତ ବସ୍ତ୍ର ପ୍ରଦାନ କରାଯାଇଛି ।
ଏହି କାର୍ଯ୍ୟକ୍ରମରେ ବାଲିଅନ୍ତା ବ୍ଲକର ଦଳିତ ନେତା ସନ୍ତୋଷ ଭୋଇ, ବାସୁଦେବ ଭୋଇ,ବେଣୁଧର ଭୋଇ, ଦିଗା (ପପୁ) , ଦୀପକ ଭୋଇ, ଶୁଭକାନ୍ତ ବେହେରା, ସ୍ଥାନୀୟ ୱାର୍ଡ ମେମ୍ବରଙ୍କ ସହ ଜୟଦେବ ନ୍ୟୁଜର ସମ୍ପାଦକ ତଥା ଜୟଦେବ ନ୍ୟୁଜ୍ ଆଣ୍ଡ ମିଡିଆ ଫାଉଣ୍ଡେସନର ଚେୟାରମ୍ୟାନ୍ ଗଗନ ଭୋଇ ଗରୀବ ଶରତଙ୍କ ଚିକିତ୍ସା ଲାଗି ଏବଂ ପିଲାଙ୍କ ପଢା ଓ ଖାଇବା ପାଇଁ ସହାୟତାର ହାତ ବଢାଇଛନ୍ତି ।
ଅର୍ଥାଭାବ ଯୋଗୁଁ ଶରତ ଭୋଇ ନିଜର ପିଲାମାନଙ୍କୁ ପାଠ ପଢାଇ ପାରୁ ନ ଥିବା ବେଳେ ନିଜ ଦେହ ଅସୁସ୍ଥ ଥିବାରୁ ଔଷଧ ଟିକେ କିଣି ପାରୁ ନାହାଁନ୍ତି କି ଖାଇବାକୁ ଟିକେ ମିଳୁ ନାହିଁ ଏପରି ଦୁଃଖଦ ଅବସ୍ଥାରେ ଶରତ କାଳାତିପାତ କରୁଛନ୍ତି କିଛି କିଛି ବଦାନ୍ୟ ବ୍ୟକ୍ତି ତଥା ସରକାରଙ୍କ ପକ୍ଷରୁ ଅସହାୟ ଗରିବ ଅର୍ଥହୀନ ଶରତ ଭୋଇଙ୍କୁ ସହଯୋଗ କରିବା ପାଇଁ ଦଳିତ ସଂଘ ପକ୍ଷରୁ ନିବେଦନ କରାଯାଇଛି ।
