କୃତୀ ଛାତ୍ରଛାତ୍ରୀମାନେ ଖୋର୍ଦ୍ଧା ଜିଲ୍ଲାସ୍ତରରୁ ରାଜ୍ୟସ୍ତରକୁ ଉର୍ତ୍ତିନ୍ନ ହୋଇଅଛନ୍ତି !
ବୋଲଗଡ଼ (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ଭୁବନେଶ୍ୱରସ୍ଥିତ ୟୁନିଟ୍ ୧ ଉଚ୍ଚ ବିଦ୍ୟାଳୟରେ ଅନୁଷ୍ଠିତ ହୋଇଥିବା ଖୋର୍ଦ୍ଧାଜିଲ୍ଲା ସ୍ତରୀୟ ଜୁନିଅର ରେଡ଼କ୍ରସ ପ୍ରଦର୍ଶନୀ ରେ ଭାଗ ନେଇ ବୋଲଗଡ଼ ଶିକ୍ଷାବ୍ଲକ ଅନ୍ତର୍ଗତ ଭୀମପଡ଼ାସ୍ଥିତ ଘରୋଇ ଶିକ୍ଷାନୁଷ୍ଠାନ ଗିଭ ପବ୍ଲିକ ସ୍କୁଲର ଛାତ୍ର ସାଇ ସୋମ୍ୟକାନ୍ତ, ଛାତ୍ରୀ ପ୍ରାଞ୍ଜଳ ପ୍ରତ୍ୟାଶା ରାଉତରାୟ, ସ୍ଵାତିପ୍ରଜ୍ଞା ମହାରଣା, ପ୍ରମୁଖ ନୃତ୍ୟ ଗ୍ରୁପ ଡ୍ୟାନ୍ସରେ ପ୍ରଥମସ୍ଥାନରେ କୃତିତ୍ୱ ଅର୍ଜନ କରି ସଫଳ ହୋଇଅଛନ୍ତି !
ଶିକ୍ଷାନୁଷ୍ଠାନର ଅଧ୍ୟକ୍ଷ ଗୋବିନ୍ଦ ଚନ୍ଦ୍ର ସାହୁଙ୍କ ସଭାପତିତ୍ୱରେ ବୁଧବାର ଦିନ ଏକ ସମ୍ବର୍ଦ୍ଧନା ସଭା ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଥିଲା !’
ଏହି ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥିଭାବେ ବୋଲଗଡ଼ ଗୋଷ୍ଠୀଶିକ୍ଷା ଅଧିକାରୀ ପ୍ରମୋଦ କୁମାର ସ୍ୱାଇଁ,ମୁଖ୍ୟବକ୍ତା ଭାବେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶେଖ ମୁସ୍ତକ ଅଲ୍ଲୀ ଓ ସଂମ୍ମାନିତ ଅତିଥିଭାବେ ନୃତ୍ୟ ଗୁରୁ ସତ୍ୟବାନ ପଶ୍ଚିମ କବାଟ ପ୍ରମୁଖ ଯୋଗଦେଇ ଜଗନ୍ନାଥଙ୍କ ପ୍ରତିମୃତିରେ ଫୁଲଚନ୍ଦନ ଦେଇ ,ପ୍ରଦୀପ ପ୍ରଜ୍ବଳନ କରି ଏହାକୁ ଶୁଭ ଉଦଘାଟନ କରିଥିଲେ !
କାର୍ଯ୍ୟକ୍ରମ ର ପ୍ରାରମ୍ଭରେ ଅଧ୍ୟକ୍ଷ ଗୋବିନ୍ଦ ଚନ୍ଦ୍ର ସାହୁ ସ୍ୱାଗତ ଭାଷଣ ଦେଇ ଦେଶ ଓ ରାଜ୍ୟ ପାଇଁ କନିଷ୍ଠ ରେଡ଼କ୍ରସ ସଂସ୍ଥାର ଲକ୍ଷ୍ୟ ଓ ଆଭିମୁଖ୍ୟ ସମ୍ପର୍କରେ ସୂଚନା ପ୍ରଦାନ କରିଥିଲେ ! ଶିକ୍ଷାନୁଷ୍ଠାନର ସମ୍ପାଦକ ମହମ୍ମଦ ଆଜାଦ ଅତିଥିମାନଙ୍କର ପରିଚୟ ପ୍ରଦାନ କରିଥିବାବେଳେ କନିଷ୍ଠ ରେଡ଼କ୍ରସ କାଉନସିଲର ମାନେ ନିଷ୍ଠାପର ଭାବେ ଦେଶ ଓ ଜାତିର ସେବlକରିବା ପାଇଁ ଛାତ୍ରଛାତ୍ରୀମାନଙ୍କୁ ପରାମର୍ଶ ଦେଇଥିଲେ !
ମୁଖ୍ୟଅତିଥି ପ୍ରମୋଦ କୁମାର ସ୍ୱାଇଁ କୃତୀ କନିଷ୍ଠ ରେଡ଼କ୍ରସ ସଂସ୍ଥାର କାଉନସିଲରମାନଙ୍କୁ ବିଜୟ ମୁକୁଟ ପିନ୍ଧାଇ ଉତ୍ତରୀୟ, ମାନପତ୍ର,ଫୁଲତୋଡ଼ା ଓ ଟ୍ରଫି ପ୍ରଦାନ କରି ସମ୍ବର୍ଦ୍ଧିତ କରିଥିଲେ ! ଦେଶ, ରାଜ୍ୟ ଓ ଜାତିର ପ୍ରଗତିରେ କନିଷ୍ଠ ରେଡ କ୍ରସ ସଂସ୍ଥାର କାଉସିଲର ମାନଙ୍କର ଭୂମିକା ଅତ୍ୟନ୍ତ ଗୁରୁତ୍ୱ ପୂର୍ଣ୍ଣ ବୋଲି ମୁଖ୍ୟଅତିଥି ଶ୍ରୀ ସ୍ୱାଇଁ ମତ ରଖିଥିଲେ !
ସମସ୍ତ କାର୍ଯ୍ୟକ୍ରମକୁ ଶିକ୍ଷୟିତ୍ରୀ ପୁଷ୍ପଲତା ଚୌଧୁରୀ, ପ୍ରମୋଦିନୀ ମହାପାତ୍ର, ଭାରତୀ ସ୍ୱାଇଁ, ସୁବାଶିନୀ ମହାରଣା, ସନାତନ ପରିଡା,ମନୋସ୍ବୀନ ମାନସିଂହ, ଶିକ୍ଷକ ଅବଦୁଲ ରୌଫ ଖାଁ ଓ ପ୍ରବାସ ଷଡ଼ଙ୍ଗୀ ପ୍ରମୁଖ ସହଯୋଗ କରି ପରିଚାଳନା କରିଥିଲେ ! ପରିଶେଷରେ ଶିକ୍ଷକ ପ୍ରିୟବ୍ରତ ଦାଶ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ !
