ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) (ନି.ପ୍ର ) :- ରୁଷିଆର ସବୁଠାରୁ ବଡ଼ ବ୍ୟାଙ୍କ, ସବରବ୍ୟାଙ୍କ ଓ ଜେଏସସି ଫାର୍ଷ୍ଟ ଆସେଟ ମ୍ୟାନେଜମେଂଟ ମିଳିତ ଭାବେ ଏକ ନୂଆ ମ୍ୟୁଚୁଆଲ ଫଣ୍ଡ ଆରମ୍ଭ କରିଛନ୍ତି ଯାହାର ନାମ ହେଉଛି “ଫାର୍ଷ୍ଟ–ଇଣ୍ଡିଆ” । ଏହି ଫଣ୍ଡ ରୁଷିଆର ସାଧାରଣ ନିବେଶକମାନଙ୍କୁ ଭାରତର ଷ୍ଟକ ବଜାରରେ ନିବେଶ କରିବାର ସୁଯୋଗ ଦେଉଛି । ଏହା ଏନଏସଇର ମୁଖ୍ୟ ସୂଚକାଙ୍କ ନିଫ୍ଟି୫୦ର କାର୍ଯ୍ୟଦକ୍ଷତାକୁ ଅନୁସରଣ କରୁଛି । ନିଫ୍ଟି୫୦ ହେଉଛି ଦେଶର ବଜାର ମୂଲ୍ୟ ଅନୁସାରେ ଶ୍ରେଷ୍ଠ ୫୦ଟି କମ୍ପାନିର ସୂଚକାଙ୍କ ।
ଏହି ଉଦ୍ୟୋଗର ଘୋଷଣା ସବରବ୍ୟାଙ୍କ ସିଇଓ ତଥା କାର୍ଯ୍ୟନିର୍ବାହୀ ବୋର୍ଡର ଅଧ୍ୟକ୍ଷ ହର୍ମାନ ଗ୍ରେଫଙ୍କ ଭାରତ ଗସ୍ତ ସମୟରେ ନ୍ୟାସନାଲ ଷ୍ଟକ ଏକ୍ସଚେଞ୍ଜ ଅଫ ଇଣ୍ଡିଆ (ଏନଏସଇ)ରେ କରାଯାଇଥିଲା । ନିଫ୍ଟି୫୦ ବିଶ୍ୱର ସବୁଠାରୁ ଅଧିକ ଅନୁସରଣ କରାଯାଉଥିବା ଷ୍ଟକ ମାର୍କେଟ ସୂଚକାଙ୍କଗୁଡ଼ିକ ମଧ୍ୟରୁ ଅନ୍ୟତମ । ଏଥିରେ ଭାରତୀୟ ଅର୍ଥନୀତିର ୧୫ଟି ପ୍ରମୁଖ କ୍ଷେତ୍ରରୁ ୫୦ଟି ବଡ଼ ଓ ଉଚ୍ଚ ଲିକ୍ୱିଡିଟି ବିଶିଷ୍ଟ କମ୍ପାନି ରହିଛନ୍ତି ।
ଭାରତରେ ୪୫ରୁ ଅଧିକ ଏବଂ ବିଦେଶରେ ୨୨ଟି ଫଣ୍ଡ ନିଫ୍ଟି୫୦କୁ ଅନୁସରଣ କରନ୍ତି । ୧୯୯୬ ମସିହାରେ ଆରମ୍ଭ ହୋଇଥିବା ଏହି ସୂଚକାଙ୍କ ୨୦୨୬ ମସିହା ଅପ୍ରେଲ୍ ୨୨ ତାରିଖରେ ନିଜର ୩୦ତମ ବାର୍ଷିକୀ ପାଳନ କରିବ । ଏସମ୍ପର୍କରେ ଏନଏସଇର ଏମଡି ଓ ସିଇଓ ଆଶିଷ କୁମାର ଚୌହାନ କହିଛନ୍ତି ଯେ, “ସବରବ୍ୟାଙ୍କ ସହ ଜଡ଼ିତ ନିଫ୍ଟି୫୦ ନିବେଶ ସମାଧାନ ଆରମ୍ଭ କରିବାରେ ସହଯୋଗ କରି ଆମେ ଖୁସି । ଏହା ପୁଞ୍ଜି ପ୍ରବାହକୁ ମଜବୁତ କରିବ ଏବଂ ଭାରତର ଇକ୍ୱିଟି ବୃଦ୍ଧିକୁ ରୁଷିଆର ନିବେଶକମାନଙ୍କ ପାଇଁ ଖୋଲିବ ।
ଏହି ଉଦ୍ୟୋଗ ଭାରତୀୟ ବଜାର ପ୍ରତି ଦୃଢ଼ ବିଶ୍ୱାସକୁ ପ୍ରତିଫଳିତ କରୁଛି ଏବଂ ଭାରତ–ରୁଷିଆ ଆର୍ôଥକ ସହଯୋଗକୁ ଆହୁରି ଗଭୀର କରୁଛି । ଏନଏସଇ ସବରବ୍ୟାଙ୍କ ସହ ମିଶି ବଜାର ସଂଯୋଗକୁ ବଢ଼ାଇବା, ନିୟାମକ ଓ ନିବେଶକ ସୁରକ୍ଷା ମାନକକୁ ବଜାୟ ରଖିବା ଏବଂ ଦୁଇ ଦେଶର ନିବେଶକମାନଙ୍କ ପାଇଁ ନୂଆ ସୁଯୋଗ ସୃଷ୍ଟି କରିବାକୁ ପ୍ରତିଶ୍ରୁତିବଦ୍ଧ ।” ସବରବ୍ୟାଙ୍କର ସିଇଓ ଓ କାର୍ଯ୍ୟନିର୍ବାହୀ ବୋର୍ଡର ଅଧ୍ୟକ୍ଷ ହର୍ମାନ ଗ୍ରେଫ କହିଛନ୍ତି ଯେ, “ଆମେ ଆମର ରୁଷିଆର ଗ୍ରାହକମାନଙ୍କ ପାଇଁ ନିବେଶର ଆଉ ଏକ ଝରକା ଖୋଲୁଛୁ ଯାହା ଏଥର ଦକ୍ଷିଣ ଏସିଆରେ ।
ଆମର ନୂଆ ଉତ୍ପାଦ ବିଶ୍ୱର ଅନ୍ୟତମ ଗୁରୁତ୍ୱପୂର୍ଣ୍ଣ ଅର୍ଥନୈତିକ ବଜାର ଭାରତୀୟ ଷ୍ଟକ୍ ବଜାରରେ ସହଜରେ ପ୍ରବେଶ କରିବାର ସୁବିଧା ଦେଉଛି । ଏ ପର୍ଯ୍ୟନ୍ତ ରୁଷିଆର ନିବେଶକମାନଙ୍କ ପାଇଁ ଭାରତୀୟ ସମ୍ପତିରେ ବ୍ୟକ୍ତିଗତ ନିବେଶ ପାଇଁ କୌଣସି ସରଳ ବିକଳ୍ପ ନଥିଲା । କିନ୍ତୁ ଆମେ ଦୁଇ ଦେଶ ମଧ୍ୟରେ ଏକ ନୂଆ ଓ କାର୍ଯ୍ୟକ୍ଷମ ଆର୍ôଥକ ସେତୁ ନିର୍ମାଣ କରିଛୁ ।”
