ଖୋର୍ଦ୍ଧା-ଜଟଣୀ (ଓଡ଼ିଶା ତାଜା ନ୍ୟୁଜ୍) (ନି.ପ୍ର ) :- ଚଳିତ ମାସ ସାତ ତାରିଖରୁ ଜଟଣୀ ଟାଉନ ହଲ (ସ୍ରଷ୍ଟା) ଠାରେ ୨୩ତମ ଜଟଣୀ ପୁସ୍ତକ ମେଳା ଅନୁଷ୍ଠିତ ହେବାକୁ ଯାଉଛି। ଚଳିତ ବର୍ଷ ଏହି ପୁସ୍ତକ ମେଳାରେ ୨୦ରୁ ଅଧିକ ପ୍ରକାଶନି ସଂସ୍ଥା ଯୋଗଦେବେ ବୋଲି କର୍ମ କର୍ତ୍ତାଙ୍କ ଦ୍ଵାରା ଆହୂତ ଏକ ସାମ୍ବାଦିକ ସମ୍ମିଳନୀରେ ସୁଚନା ଦିଆଯାଇଛି। ୭ ତାରିଖରୁ ଆରମ୍ଭ ହୋଇ ୧୩ ତାରିଖ ପର୍ଯ୍ୟନ୍ତ ୭ଦିନ ଧରି ଏହି ପୁସ୍ତକ ମେଳା ଆୟୋଜିତ ହେବ।
ପ୍ରତିଦିନ ସଂଧ୍ୟାରେ ପୁସ୍ତକ ମେଳା ସହିତ ମଞ୍ଚରେ ସାହିତ୍ୟ ସଭା,ଭଞ୍ଜ ସାହିତ୍ୟ ଆଲୋଚନା, କବିତା ପାଠୋତ୍ସବ, ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ। ଏଥିରେ ପ୍ରତିଷ୍ଠିତ ବ୍ୟକ୍ତିତ୍ଵ,ବିଦ୍ୱାନ,ସୁ’ବକ୍ତା ମାନେ ଯୋଗଦେବେ। ସ୍କୁଲ ଛାତ୍ର,ଛାତ୍ରୀ ଓ ଗୃହିଣୀ ମାନଙ୍କୁ ନେଇ ବିଭିନ୍ନ ପ୍ରତିଯୋଗୀତା କରାଯିବା ସହିତ ପୁରସ୍କୃତ କରାଯିବ।ତତ୍ ସହିତ ବିଭିନ୍ନ କ୍ଷେତ୍ରରେ ପାରଦର୍ଶିତା ଅର୍ଜନ କରିଥିବା ବ୍ୟକ୍ତି ବିଶେଷଙ୍କୁ ମଧ୍ୟ ସମ୍ବର୍ଦ୍ଧିତ କରାଯିବ।
ଏହି ସାମ୍ୱାଦିକ ସମ୍ମିଳନୀରେ ପୁସ୍ତକ ମେଳା କମିଟିର କାର୍ଯ୍ୟକାରୀ ସଭାପତି ଜବାହର ଲାଲ୍ ସୁବୁଦ୍ଧି,ଯୁଗ୍ମ ସମ୍ପାଦକ ଡ଼ଃ ଶୁଶାନ୍ତ କୁମାର ରାଉତ,ଡ଼ଃ ଶଶି ରଥ, ଉପସଭାପତି ଆଦି ନାରାୟଣ ଖଣ୍ଡୁଆଳ, କାର୍ଯ୍ୟ କାରିଣୀ ସଭ୍ୟ ପଦ୍ମନାଭ ପାଣିଗ୍ରାହୀ, କିଶୋର ଚନ୍ଦ୍ର ପାଇକରାୟ, ପ୍ରତିଯୋଗୀତା ସଂଯୋଜକ ଭବାନୀ ଶଙ୍କର ମହାପାତ୍ର, ସଭ୍ୟା ଡ଼ଃ ସୁକାନ୍ତି ମହାପାତ୍ର, କ୍ଷୀରୋଦ କୁମାର ନନ୍ଦ ପ୍ରମୁଖ ଉପସ୍ଥିତ ଥିଲେ ।
