ସାକ୍ଷୀଗୋପାଳ (ଓଡ଼ିଶା ତାଜା ନ୍ୟୁଜ୍) (ନି.ପ୍ର ) :- ରାଜକିଶୋର ସେନାପତି – ପୁରୀ ଜିଲ୍ଲା ବଳଙ୍ଗା ଥାନା ଅନ୍ତର୍ଗତ ସାଇଁଶାସନ ଗ୍ରାମ ପଂଚାୟତ ସରପଞ୍ଚଙ୍କ ବିରୋଧରେ ସଙ୍ଗିନୀ ଅଭିଯୋଗ । ବଳଙ୍ଗା ପୋଲିସ ଅଭିଯୋଗ ପାଇ ତଦନ୍ତ ଚଳାଇ ଅଛି। ଏଭଳି ବଲାତ୍କାରୀ ଘଟଣା ଘଟାଇ ଛନ୍ତି ଜଣେ ଚର୍ଚ୍ଚିତ ସରପଞ୍ଚ। ଅଭିଯୋଗ ଅନୁଯାୟୀ ଜଣା ଯାଏ ବଳଙ୍ଗା ଥାନା ଅଞ୍ଚଳ ଉଗ୍ରେଶ୍ୱର ଦେଉଳି ର ଶୈଳବାଳା ବେହେରା (୪୯) ନାମକ ମହିଳାଙ୍କର ଏକ ଗ୍ରୋସରୀ ଦୋକାନ ଗାଁ କେନାଲ ବନ୍ଧ କଡ଼ରେ ଅଛି ।
ଗତ୨୮ ରିଖରେ ମହିଳାଙ୍କ ସ୍ବାମୀ ଧୋବେଇ ବେହେରା ବନ୍ଧୁ ଘରୁକୁ ଯାଇଥିଲେ.ରାତ୍ରରେ ଘରକୁ ନ ଫେରିବାରୁ ପୀଡ଼ିତା ମହିଳା ଛୋଟ ନାତିକୁ ନେଇ ଦୋକାନରେ ଘରେ ଶୋଇଥିଲେ । ସ୍ବାମୀ ନ ଥିବାର ସୁଯୋଗ ନେଇ ୨୯ ତାରିଖ ରାତ୍ର ପ୍ରାୟ ୩ ଘ.ସମୟରେ ଦୋକାନ କବାଟକୁ ବାଡ଼େଇବାରୁ କିଏସେ ଦୋକାନ କବାଟ ବାଡଉଛ ବୋଲି ପୀଡ଼ିତା ମହିଳା ପଚାରିଥିଲେ ସେ ସରପଞ୍ଚ ଟୁଲା ଭାଇନା ପରିଚୟ ଦେଇ ଥିଲା ।
ତାଙ୍କ ପାଟି ଶୁଣି ପୀଡ଼ିତା ମହିଳା ଶୋଇଥିବା ଘରର କବାଟ ଖୋଲି ଦେବା ମାତ୍ରେ ଟୁଲା ଘର ଭିତରକୁ ପଶିଯାଇ ଥିଲା। ହାତରେ ଧରିଥିବା ଏକ ଭୁଜାଲିକୁ ପୀଡ଼ିତାଙ୍କ ବେକରେ ଲଗାଇ ଦେଲେ । ଅଶ୍ଳୀଳ ଅସଭ୍ୟ ଭାଷାରେ ଗାଳିମନ୍ଦ କରି ଧମକ ଦେଇ କହିଲା କହିଦେବୁ ମୋ ବିରୁଦ୍ଧରେ ଯିବ ନାହିଁ, ନଚେତ ଗାଡି ମଡେଇ ଜୀବନରୁ ମାରିଦେବି । ପୀଡ଼ିତା ମହିଳା ପ୍ରତିବାଦ କରିବାରୁ ସେ ଚୁଟିକୁ ଧରି ପକାଇଥିଲା ।ତା ସହିତ ଗାଲକୁ ଦୁଇଚାରି ଚାପୁଡା ମାରିଥିଲା ।
ପରେ ଇଜ୍ଜତ ନେଇଯିବି ବୋଲି କହି ଲୁଗାପଟାକୁ ଭିଡା ଓଟରା କଲେ । ପୀଡ଼ିତା ମହିଳା ଡାକ ପକାଇବାରୁ ସେ ବଲାତ୍କାରୀ ଟୁଲୁ ତଣ୍ଟିକୁ ଧରି ପକାଇ ଜୀବନରୁ ମାରିଦେବା ପାଇଁ ଉଦେଶ୍ୟ ରଖ୍ ଜୋରରେ ତଣ୍ଟିକୁ ଚିପିଦେଇ ଥିଲା ପୀଡ଼ିତା ଅଣ ନିଶ୍ବାସୀ ହୋଇ ଗଁ ଗଁ ଡାକ ପକାଇ ଚେତାଶୂନ୍ୟ ହୋଇଯିବାବାରୁ ମରିଗଲି ବୋଲି ଭାବି ଛାଡି ପଳାଇ ଯାଇଥିଲେ ସରପଞ୍ଚ।ସ୍ଥାନୀୟ ଲୋକମାନେ ଉଦ୍ଧାର କରି ବଳଙ୍ଗା ଡାକ୍ତରଖାନା କୁ ଆଣିଥିଲେ।ଏନେଇ ଥାନା ରେ ଅଭିଯୋଗ ଆଣିଛନ୍ତି ପୀଡିତା ମହିଳା।
