ପୁରୀ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଶ୍ରୀମନ୍ଦିରରେ ଦେବ ଦୀପାବଳି ଉତ୍ସବ ୩ ଦିନ ଧରି ଶ୍ରୀକ୍ଷେତ୍ରରେ ଧୁମ୍ ଧାମରେ ପାଳନ ହେଉଛି । ଦୀପମାଳାରେ ଶ୍ରୀମନ୍ଦିରକୁ ସୁସଜ୍ଜିତ କରାଯାଇଛି । ଏହି ଅବସରରେ ପରମ୍ପରା ଅନୁଯାୟୀ ପୁରୀରେ ବିଭିନ୍ନ ଅନୁଷ୍ଠାନ ପକ୍ଷରୁ ସିଂହଦ୍ବାର ଠାରୁ ଶ୍ରୀଗୁଣ୍ଡିଚା ମନ୍ଦିର ପଯ୍ୟନ୍ତ ବଡ଼ଦାଣ୍ଡ ଦୀପ ଆଲୋକରେ ଝଲସି ଉଠିଥିଲା । ଏହି ଅବସରରେ ଇଣ୍ଡିଆ – ଜାପାନ ଫ୍ରେଣ୍ଡଶିପ ସେଣ୍ଟରର ତରଫରୁ ବିଦେଶୀ ପର୍ଯ୍ୟଟକମାନଙ୍କୁ ନେଇ ସିଂହଦ୍ବାର ସମ୍ମୁଖ ଓ ବଡ଼ଦାଣ୍ଡରେ ସୁସ ଜ୍ଜିତ ଦୀପର ଆଲୋକମାଳାକୁ ବୁଲି ଦେଖି ଥିଲେ ।
ଦେବ ଦୀପାବଳି ଉତ୍ସବ ସଂପର୍କରେ ଇଣ୍ଡିଆ – ଜାପାନ ଫ୍ରେଣ୍ଡଶିପ ସେଣ୍ଟରର ସଭାପତି ଶ୍ରୀମନ୍ତ କୁମାର ଦାଶ ଜାପାନ ଭାଷାରେ ବିସ୍ତୃତ ଭାବେ ଅବଗତ କରିବା ପରେ ସେମାନଙ୍କ ମନରେ ଭକ୍ତି ଭାବ ଆସିଥିଲା । ସେମାନେ ଏକ ସମୟରେ ଲକ୍ଷାଧିକ ଦୀପ ଜଳୁଥିବା ଦେଖି ଅତ୍ୟନ୍ତ ଖୁସି ପ୍ରକଟ କରିଥିଲେ । ଅନ୍ୟପକ୍ଷରେ ବିଦେଶୀ ପର୍ଯ୍ୟଟକମାନଙ୍କୁ ଶ୍ରୀମନ୍ଦିର ପ୍ରବେଶ ବାରଣ ରହିଥିବାରୁ ପୂର୍ବରୁ ସିଂହଦ୍ଵାର ସମ୍ମୁଖରେ ଥିବା ରଘୁନନ୍ଦନ ଲାଇ ବ୍ରେରୀ କୋଠା ଉପରେ ଚଢି ଶ୍ରୀମନ୍ଦିର ଦୃଶ୍ୟକୁ ଉପଭୋଗ କରୁଥିଲେ l ବିଦେଶୀ ନାଗରିକ ଲାଗି ଶ୍ରୀମନ୍ଦିର ନିକଟର ଏକ ୱାଚ ଟାୱ୍ୟାର ସ୍ଥାପନ ପାଇଁ ଶ୍ରୀ ଦାଶ ଦାବୀ କରିଛନ୍ତି ।
