ବେଲପଡ଼ା (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ବଲାଙ୍ଗୀର ଜିଲ୍ଲା ମୁରିବାହାଲ ଥାନା ପୋଲିସ୍ ନାଇଟ୍ ପେଟ୍ରୋଲିଂ କରୁଥିବା ବେଳେ କୁର୍ଲ୍ଲବାହାଲ ଛକ ଠାରେ ବେଆଇନ୍ ଦାଦନ ଚାଲାଣ ହେଉଥିବା ୧୨ ଦାଦନକୁ ଉଦ୍ଧାର କରିଛି । ଏଥୂସହ ଦାଦନ ଚାଲାଣରେ ବ୍ୟବହୃତ ଏକ ଅଟୋକୁ ଜବତ୍ କରିବା ସହ ଅଟୋ ଡ୍ରାଇଭର ଚଣାବାହାଲ ଗାଁର ବିନୋଦ ଛନ୍ଦକୁ ଗିରଫ କରି କୋର୍ଟ ଚାଲାଣ କରାଯାଇଛି । ସେହିପରି ଉଦ୍ଧାର ହୋଇଥିବା ଉକ୍ତ ଦାଦନ ଶ୍ରମିକ ମାନଙ୍କୁ ସଂପୂକୁ ପୋଲିସ୍ ଥାନାକୁ ଆଣି ପଚରା ଉଚରା କରିଛି ।
ଉଦ୍ଧାର ଦାଦନ ଶ୍ରମିକ ମାନଙ୍କ ମଧ୍ୟରେ ୧ ଜଣ ଶିଶୁ ସମେତ ୪ ମହିଳା ଏବଂ ୮ ଜଣ ପୁରୁଷ ରହିଛନ୍ତି । ଏମାନଙ୍କୁ ଧାତୁକଜୁରୀ ଗାଁର ସର୍ଦ୍ଦାର ତେଜରାଜ୍ ନାଗ ବେଆଇନ୍ ଭାବେ ଚାଲାଣ କରୁଥିବା ବେଳେ ଘଟଣାସ୍ଥଳରୁ ସେ ଫେରାର୍ ମାରିଥିବା ପୋଲିସ୍ କହିଛି । ଉଦ୍ଧାର ହୋଇଥିବା ଦାଦନ ଶ୍ରମିକ ମାନେ ମୁରିବାହାଲ ଥାନା ଚଣାବାହାଲ ଗାଁର ବୋଲି ଜଣାପଡିଛି । ପୋଲିସ୍ ଏନେଇ ଏକ ମାମଲା ୨୩୭/୨୦୨୫ ରୁଜୁ କରି ଅଧୂକ ତଦନ୍ତ କରୁଛନ୍ତି ତଦନ୍ତି ଅଧୂକାରୀ ପଙ୍କଜନୀ ବାଗ ବୋଲି ମୁରିବାହାଲ ଥାନା ଅଧିକାରୀ ସନାତନ ସାହୁ ସୂଚନା ଦେଇଛନ୍ତି ।
