ଭୁବନେଶ୍ୱରର (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଭୁବନେଶ୍ୱରର ସହିଦନଗର ପୂଜା ମଣ୍ଡପ ଠାରେ 25 ତମ ରାଜଧାନୀ ପୁସ୍ତଜ ମେଳା ଓ ଏକାମ୍ର ପୁସ୍ତକ ଉତ୍ସବ ଉଦଘାଟିତ ହୋଇ ଯାଇଛି ¡ ବିଶିଷ୍ଟ ସାହିତ୍ୟିକ ଡ଼ ଶାନ୍ତନୁ ଆଚାର୍ଯ୍ୟ ଉଦଘାଟକ ଭାବେ ଯୋଗ ଦେଇଥିଲା ବେଳେ ଶ୍ରୀମତୀ ସଂଘମିତ୍ରା ମିଶ୍ର ମୁଖ୍ୟ ଅତିଥି, ଡ଼ ପୀତବାସ ରାଉତରାୟ ମୁଖ୍ୟ ବକ୍ତା, ଡ଼ ଅଭୟ କୁମାର ନାୟକ ସମ୍ମାନିତ ଅତିଥି ଭାବେ ଯୋଗଦେଇଥିଲେ | ପୁସ୍ତକ ମେଳାର ସଭାପତି ଡ଼ ଉପେନ୍ଦ୍ର କୁମାର ଜେନା ଅଧ୍ୟକ୍ଷତା କରିଥିଲା ବେଳେ ସମ୍ପାଦକ ବିଧୁଭୂଷଣ ପଟ୍ଟନାୟକ ବିବରଣୀ ପାଠ କରିଥିଲେ | ସାହିତ୍ୟ ସମାଜର ଦର୍ପଣ | ସମାଜକୁ ଗଢିବାକୁ ହେଲେ ବଳିଷ୍ଠ ସାହିତ୍ୟ ଲେଖା ହେବାର ଆବଶ୍ୟକତା ଅଛି |
ଏଥିପାଇଁ ଲେଖକ ପ୍ରକାଶକ ଓ ପାଠକ ମାନଙ୍କର ଭୂମିକା ଗୁରୁତ୍ୱପୂର୍ଣ୍ଣ ବୋଲି ଉପସ୍ଥିତ ବକ୍ତାମାନେ କହିଥିଲେ | ଏହି ଅବସରରେ କନ୍ଧମାଳର ବିଶିଷ୍ଠ ସାହିତ୍ୟିକ ତଥା କମଳା ପ୍ରକାଶିନୀର ପ୍ରତିଷ୍ଠାତା ଙ୍କ ଏକ ଆଧ୍ୟାତ୍ମିକ ପୁସ୍ତକ “ଐତରୀୟ ଓ,ପ୍ରଶ୍ନ ଉପନିଷଦ” ଉନ୍ମୋଚିତ ହୋଇଥିଲା | ଏହା ପୂର୍ବରୁ ଲେଖାଙ୍କ 55 ରୁ ଉର୍ଦ୍ଧ୍ୱ ପୁସ୍ତକ ପ୍ରକାଶିତ ହୋଇ ସରିଛି | ସେ ଓଡ଼ିଶାର ଜଣେ ଆଗଧାଡିର ସାହିତ୍ୟିକ | ବରିଷ୍ଠ ଶିଶୁ ସାହିତ୍ୟିକ ତଥା କମଳା ପ୍ରସକାଶିନୀର ଉପ ସଭାପତି ଶ୍ରୀ କୈଳାସ ଚନ୍ଦ୍ର ଧଳ ଉପସ୍ଥିତ ରହି ଉନ୍ମୋଚନ ପର୍ବରେ ସହଯୋଗ କରିବା ସହ ଡ଼ ମହାପାତ୍ରଙ୍କୁ ଶୁଭେଚ୍ଛା ଜଣାଇଛନ୍ତି |
