ବେଲପଡ଼ା (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ସହରକୁ ଚୋର ମାନେ କିଛି ବର୍ଷ ହେଲା ଚୋର ଡ଼କାୟତର ଏକ ସୁରକ୍ଷିତ ସହର ଭାବି ନେଇଥିଲେ । ଓ ଚୋରି ପରେ ଚୋରି କରିଚାଲିଥିଲେ, ତଥା ଅନ୍ୟ ଅଞ୍ଚଳରୁ ଚୋରି କରି ଆଣି କଣ୍ଟାବାଞ୍ଜି ସହରରେ ଆଶ୍ରୟ ନେଉଥିଲେ । କାରଣ ସେତେବେଳକୁ ଯେଉଁ ସବୁ ଦାୟିତ୍ଵ ହୀନତା ପୁଲିସ ଅଧିକାରୀ ମାନେ ରହିଥିଲେ, ତେଣୁକରି ଚୋର ମାନେ କଣ୍ଟାବାଞ୍ଜି ସହରକୁ ନିଜର ଆଶ୍ରୟ ସ୍ଥଳୀ ଭାବି ନେଇଥିଲେ ।
କିନ୍ତୁ ବର୍ତ୍ତମାନ ଯେଉଁ ଜଣେ ଦାୟିତ୍ୱବାନ ପୁଲିସ ଅଧିକାରୀ ଶ୍ରୀ ଗୋପାଳ ଚନ୍ଦ୍ର କର୍ଣ୍ଣ କଣ୍ଟାବାଞ୍ଜି ଥାନାର ଦାୟିତ୍ଵ ଗ୍ରହଣ କରିଛନ୍ତି, ସେବେଠାରୁ ଏହି ଚୋର ମାନଙ୍କ ପାଇଁ ଅଭିଶପ୍ତ ସହରରେ ପରିଣତ ହୋଇ ଯାଇଛି କଣ୍ଟାବାଞ୍ଜି । ସୂଚନା ଯୋଗ୍ୟ ଯେ କଣ୍ଟାବାଞ୍ଜି ଥାନାରେ ଯେବେ ଠାରୁ ଗୋପାଳ ଚନ୍ଦ୍ର କର୍ଣ୍ଣ ଯୋଗଦେଲେଣି, ସେବେଠାରୁ ସମସ୍ତ ଚୋରି ଘଟଣାର ପର୍ଦ୍ଦାଫାସ କରି ଜନସାଧାରଣଙ୍କ ପ୍ରିୟ ହେବାରେ ସଫଳତା ହାସଲ କରିଛନ୍ତି । କିଛି ଦିନ ତଳେ ସୁଶାନ୍ତ ମହାନ୍ତିଙ୍କ ଘରେ ଚୋରି ହୋଇଥିବା ଘଟଣାର ଚୋରଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ ।
ନିକଟରେ ୧୫୦ ତେଲ ଟିଣ ଗୋଦାମରୁ ଚୋରି ଘଟଣାର ଚୋରଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ, ବର୍ତ୍ତମାନ କଣ୍ଟାବାଞ୍ଜି ସହରରେ ମୋଟର ସାଇକେଲ ଚୋରୀ କରୁଥିବା ବେଳେ ଜଣେ ଚୋରଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ଅଭିଯୁକ୍ତ ଚୋର ଜଣକ ହେଉଛନ୍ତି ନୂଆପଡ଼ା ଜିଲ୍ଲା ଖଡ଼ିଆଳ ଥାନା ମହରା ଗାଁ’ରେ ସ୍ୱର୍ଗୀୟ ପ୍ରକାଶ ପୁଟେଲଙ୍କ ପୁଅ କିଷନ ପୁଟେଲ (ଓରଫ ରାଜ) ୧୮ ବର୍ଷକୁ ଗିରଫ କରି କୋର୍ଟ ଚାଲାଣ କରିଛି କଣ୍ଟାବାଞ୍ଜି ପୁଲିସ ।
ଅଭିଯୁକ୍ତ ଚୋର ଠାରୁ ୫ ଟି ମୋଟର ସାଇକେଲ ଉଦ୍ଧାର କରାଯାଇଛି, ଅନ୍ୟ ପକ୍ଷରେ ଅଭିଯୁକ୍ତ ଚୋରର ଅନେକ ଚୋର ସାଙ୍ଗ ମାନେ କଣ୍ଟାବାଞ୍ଜିରେ ରହିଛନ୍ତି ବୋଲି କୁହାଯାଉଛି । ତେଣୁକରି ପୁଲିସ ଏଦିଗରେ ମଧ୍ଯ ଦୃଷ୍ଟି ଦେଇ ଅନ୍ୟ ଚୋର ମାନଙ୍କୁ ଗିରଫ କରିବା ପାଇଁ ଦାବି ହେଉଛି । ଏନେଇ କଣ୍ଟାବାଞ୍ଜି ସଚେତନ ନାଗରିକ ସମାଜ ପକ୍ଷରୁ ଏହି ଚୋର ମାନଙ୍କ ପ୍ରତି ସଚେତନ ରହିବା ପାଇଁ କୁହାଯାଇଛି । ଯେମିତି ନିଜର କୌଣସି ସମ୍ପତ୍ତି କେମିତି ଚୋରି ନହେବ, ସେଥି ପ୍ରତି ଧ୍ୟାନ ଦେବା ସହ, ଏହି ଚୋର ବ୍ୟକ୍ତି ବିଶେଷଙ୍କ ପ୍ରତି ସଦାବେଳେ ସତର୍କ ଅବଲମ୍ବନ ରହିବା ପାଇଁ ମତ ପ୍ରକାଶ ପାଇଛି I
