ନିଆଳି (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ରାତି ପାହିଲେ ପୋଢୁଆଁ ଅଷ୍ଟମୀ ଭଣଜା, ଭାଣିଜୀଙ୍କ ପାଇଁ ମାମୁଁ ଘରୁ ଯାଇଥାଏ ପୋଢୁଆଁ ଭାର । ସେହି ନୀତିରେ ପୁରୀ ଶ୍ରୀଜିଉଙ୍କ ମାମୁଁ ଘର ପ୍ରାଚୀ କ୍ଷେତ୍ର ନିଆଳି ମାଧବ ପୀଠରୁ ଆଜି ଶ୍ରୀମନ୍ଦିର ଯାଉଛି ପୋଢୁଆଁ ଭାର , ଯେଉଁଥିରେ ପାଟ ବସ୍ତ୍ର ଠାରୁ ଆରମ୍ଭ କରି ବିଭିର ପ୍ରକାର ପିଠା ପ୍ରସ୍ତୁତ ପାଇଁ ସାମଗ୍ରୀ, ଫୁଲ, ତୁଳସୀ, ଦୟଣ। , ଫଳ ଆଦି ସାମିଲ ହୋଇଛି। ଶତାଧିକ ସଙ୍କୀର୍ତ୍ତନ ମଣ୍ଡଳୀଙ୍କ ଶୋଭା ଯାତ୍ରାରେ କଟକ ଜିଲ୍ଲା ନିଆଳି ବ୍ଲକ୍ ମାଧବାନନ୍ଦଜିଉଙ୍କ ମନ୍ଦିରରୁ ପୁରୀ ଶ୍ରୀମନ୍ଦିରକୁ ଯାଉଛନ୍ତି ନୂଆ ବସ୍ତ୍ର ସହ ଅଷ୍ଟମୀ ଭାର ।
ମାର୍ଗଶୀର ମାସ କୃଷ୍ଣପକ୍ଷ ଅଷ୍ଟମୀ ତିଥିରେ ପୁରୀ ଶ୍ରୀଜିଉ ହେବେ ପୋଢୁଆଁ, ମାଧବାନନ୍ଦ ବିକାଶ ପରିଷଦର ସମସ୍ତ କର୍ମକର୍ତ୍ତାଙ୍କ ଏବଂ ବିଭିନ୍ନ ଅଞ୍ଚଳରୁ ପୋଢୁଆଁ ଭାର ନେଇ ଆସିଥିବା , ଶହ ଶହ ଭକ୍ତମାନଙ୍କ ସମେତ ବହୁ ସଂକୀର୍ତ୍ତନମଣ୍ଡଳୀ ଶ୍ରୀଜିଉଙ୍କୁ ନୂଆ ବସ୍ତ୍ର ଲାଗି ପୁରୀ ଶ୍ରୀକ୍ଷେତ୍ର ଯାଉଛନ୍ତି । ଶ୍ରୀଜିଉଙ୍କ ମାମୁଁଘର ଭାବେ ପରିଚିତ କଟକ ଜିଲ୍ଲା ନିଆଳି ବ୍ଲକ୍ ମାଧବଗ୍ରାମ ସ୍ଥିତ ମାଧବାନନ୍ଦଙ୍କ ମନ୍ଦିର ପକ୍ଷରୁ ବହୁ ବର୍ଷ ପୂର୍ବରୁ ପ୍ରଚଳିତ ପୁରୀ ଶ୍ରୀମନ୍ଦିରକୁ ପ୍ରଥମାଷ୍ଟମୀରେ ପୋଢୁଆଁ ଭାର ପଠାଯାଉଥିଲା।
ସେହି ଅନୁସାରେ ଆଜି ସକାଳେ ଶ୍ରୀମାଧବଙ୍କ ସ୍ନାନ ଓ ମାର୍ଜନା ପରେ ମହାପ୍ରଭୁଙ୍କୁ ରାଜାରାଜେଶ୍ଵର ବେଶରେ ସୁସଜ୍ଜିତ କରାଯିବା ପରେ, ମାଧବଙ୍କ ମନ୍ଦିରରୁ ଭାର ଶୋଭାଯାତ୍ରା ଆରମ୍ଭ ହୋଇଥିଲା , ଆଗେଆଗେ ଭୋଇସେବକମାନେ ପତାକା ଧରି ଶୋଭାଯାତ୍ରାରେ ସାମିଲ ହୋଇଥିଲା ବେଳେ ଏଥିସହ ପାଇକ ଆଖଡ଼ା, ରାମତାଳି, ଲଉଡ଼ି ଖେଳ ପ୍ରଦର୍ଶନ କରାଯାଇଥିଲା | ଶ୍ରୀଜିଉଙ୍କ ଅଙ୍ଗଲାଗି ଖଣ୍ଡୁଆ ବସ୍ତ୍ର, ବିଭିନ୍ନ ଫଳମୂଳ, ତୁଳସୀ, ପଦ୍ମଫୁଲ ମାଳ ସହ ପୋଢୁଆଁ ଭୋଗ ନିମନ୍ତେ ଅରୁଆ ଚାଉଳ, ବିରି, ନଡ଼ିଆ, ଗୁଡ଼, ଡାଲି, ପାଚିଲା କଦଳୀ,
ଘିଅ, ଅଳେଇଚ, ଲବଙ୍ଗ ସମେତ ପାନ, ଗୁଆ ଭାରରେ ଯାଇଛି , ଏହି କାର୍ଯ୍ୟକ୍ରମରେ ସହ ସହ ସଂଖ୍ୟାରେ ଭକ୍ତ , ଶ୍ରଦ୍ଧାଳୁମାନେ ପରିଚାଳନାରେ ସହଯୋଗ କରିଥିଲେ । ପ୍ରତି ବର୍ଷ ପରି ଆଜି ମାମୁଁ ଘରୁ ଶ୍ରୀକ୍ଷେତ୍ରରର ବଡ ଠାକୁର ଶ୍ରୀଜୀଉଙ୍କ ପୋଡୁଁଆ ଲାଗି ଶ୍ରଦ୍ଧା, ଓ ଭକ୍ତି ସହକାରେ ନାମ ସଙ୍କୀର୍ତ୍ତନରେ ନାଚି ନାଚି ଭକ୍ତମାନେ ଭାର ନେଇ ଯାଉଛନ୍ତି । ଆଜିର କାର୍ଯ୍ୟକ୍ରମ ପାଇଁ ସମଗ୍ର ନିଆଳିର ଆବାଳ ବୃଦ୍ଧ ବନିତା ସହ ଶ୍ରଦ୍ଧାଳୁ ମହିଳାମାନଙ୍କର ହୂଳହୁଳୀ, କରତାଳିର ଆନନ୍ଦ ଉଲ୍ଲାସରେ ଉଛୁଳି ପଡିଥିଲା ମାମୁଁ ଘର ମାଧବ, ସତେ ଯେମିତି ପୁରୀର ଶ୍ରୀକ୍ଷେତ୍ର ପାଲଟିଥିବାର ଦୃଶ୍ୟ ଦେଖିବାକୁ ମିଳିଥିଲା ।
