ସାକ୍ଷୀଗୋପାଳ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ରାଜକିଶୋର ସେନାପତି – ସତ୍ୟବାଦୀ ଥାନା ଅନ୍ତର୍ଗତ ପୁରୀ ଭୁବନେଶ୍ୱର ଜାତୀୟ ରାଜପଥର କାଦୁଆ ଛକ ପେଟ୍ରୋଲ ପମ୍ପ ସମ୍ମୁଖରେ ଗତକାଲି ରାତି ପ୍ରାୟ ଗୋଟାଏ ସମୟରେ ଏକ ଦୁର୍ଘଟଣା ଘଟିଅଛି l ଏହି ଦୁର୍ଘଟଣାରେ ୨ ଜଣ ଗୁରୁତର ଆହତ ହୋଇଛନ୍ତି l ବାଲିଯାତ୍ରା ଦେଖିବାକୁ ଚନ୍ଦନ ପୁର ଥାନା ଅନ୍ତର୍ଗତ ଶାସନ ଦାମୋଦର ପୁର ସାମିଲ ନରହରି ପୁର ଗ୍ରାମର ୪ ଜଣ ବନ୍ଧୁ ୨ ଗୋଟି ବାଇକ ରେ କଟକ ଯାଇଥିଲେ l ବାଲିଯାତ୍ରା ଦେଖି ୪ ଜଣ ବନ୍ଧୁ ୨ ଗୋଟି ବାଇକରେ ଗ୍ରାମକୁ ଫେରିବା ସମୟରେ ରାତି ପ୍ରାୟ ଗୋଟାଏ ସମୟରେ କାଦୁଆ ପେଟ୍ରୋଲ ପମ୍ପ ସମ୍ମୁଖରେ
ଭୁବନେଶ୍ୱରରୁ ପୁରୀ ଆସୁଥିବା ଓ ଡି – ୦୨ – ବି ଏଲ – ୮୧୮୮ କାର ବାଇକ ଦ୍ବୟକୁ ପଛ ପଟୁ ଧକ୍କା ଦେଇଥିଲା l ଗୋଟିଏ ବାଇକ ଛିଟିକି ପଡି ରାଜପଥ ଅତିକ୍ରମ କରି ଦିଭାଇଡ଼ର ଉପରେ ପଡିଥିଲା l ଆଉ ଗୋଟିଏ ବାଇକ କାର ସହିତ ରାଜପଥ ପାର୍ଶ୍ୱରେ କ୍ରାସ ବ୍ୟାରିଅର ସହିତ ଚିପି ହୋଇ ଯାଇଥିଲା l ବାଇକ ଆରୋହୀ ବିକାଶ ସାହୁ (୨୯) ଓ କୁଶିଆ ପ୍ରଧାନ (୩୦) ଗୁରୁତର ଆହତ ହୋଇଥିଲେ l ସ୍ଥାନୀୟ ଜନସାଧାରଣ,
ସତ୍ୟବାଦୀ ପୋଲିସ, ଓ ହାଇ ୱେ ପେଟ୍ରୋଲିଂ ଗାଡି ଘଟଣା ସ୍ଥଳରୁ ଆହତ ଦ୍ବୟଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ସାକ୍ଷୀଗୋପାଳ ଡାକ୍ତରଖାନାରେ ଭର୍ତ୍ତି କରିଥିଲେ l ଅବସ୍ଥା ଗୁରୁତର ଥିବାରୁ ଆହତ ଦ୍ବୟଙ୍କୁ ଅଧିକ ଚିକିତ୍ସା ନିମନ୍ତେ ଭୁବନେଶ୍ୱର ସ୍ଥାନାନ୍ତର କରା ଯାଇଥିଲା l ଅନ୍ୟ ୨ ଜଣଙ୍କୁ ସାକ୍ଷୀଗୋପାଳ ଡାକ୍ତରଖାନାରେ ପ୍ରାଥମିକ ଚିକିତ୍ସା କରା ଯାଇଥିଲା l ସେମାନେ ସୁସ୍ଥ ଅଛନ୍ତି l ସତ୍ୟବାଦୀ ପୋଲିସ ଏକ ମୋକଦ୍ଦମା ରୁଜୁ କରି ଘଟଣା ର ତଦନ୍ତ କରୁଛନ୍ତି ବୋଲି ଜଣା ପଡ଼ିଅଛି l
