୨୫ ନଭେମ୍ବର ଦିଲ୍ଲୀ ଚାଲ ମହାଆନ୍ଦୋଳନ
ନୂଆଦିଲ୍ଲୀ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ସାରା ଭାରତ ବର୍ଷରେ କାର୍ଯ୍ୟରତ କେନ୍ଦ୍ର ଓ ସମସ୍ତ ରାଜ୍ୟର ସରକାରୀ କର୍ମଚାରୀଙ୍କ ଦାବି ପୁରୁଣା ପେନସନକୁ ସାକାର କରିବା ନେଇ ରାଷ୍ଟ୍ରୀୟ ପୁରୁଣା ପେନସନ ଅଭିଯାନ ସଂଗଠନ ନୂଆଦିଲ୍ଲୀ ଠାରେ କେନ୍ଦ୍ରୀୟ ଏକ୍ଜିକ୍ୟୁଟିଭ ବୈଠକ ଓ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଅଛି । 
ଏଥିରେ ସମସ୍ତ ରାଜ୍ୟର ନେତୃତ୍ୱ ମାନେ କେନ୍ଦ୍ର ସରକାର ଘୋଷଣା କରିଥିବା ୟୁନିଫାଏଡ ପେନସନ ସ୍କିମକୁ ବିରୋଧ କରି ଦେଶର ଏକ କୋଟି ଶିକ୍ଷକ ଏବଂ କର୍ମଚାରୀମାନଙ୍କ ପାଇଁ ପୁରୁଣା ପେନସନ ଲାଗୁକରିବା ନିମନ୍ତେ କେନ୍ଦ୍ରସରକାରଙ୍କୁ ଦାବି କରିଥିଲେ ।
କେନ୍ଦ୍ର ସରକାର ୟୁନିଫାଏଡ ସ୍କିମ ଲାଗୁକରିବା ପରେ ସମଗ୍ର ଦେଶର ସରକାରୀ କର୍ମଚାରୀମାନଙ୍କର ମାତ୍ର ୩%କର୍ମଚାରୀ ନେସନାଲ ପେନସନ ସ୍କିମ ରୁ ୟୁନିଫାଏଡ଼ ପେନସନ ସ୍କିମ କୁ ବିକଳ୍ପ ବାଛିଛନ୍ତି। ଏଥିରୁ ସ୍ପଷ୍ଟ ଅନୁମେୟ ହେଉଛି ଯେ ସମଗ୍ର ଭାରତରେ ସରକାରୀ କର୍ମଚାରୀମାନେ ପୁରୁଣା ପେନସନ ସ୍କିମ ଅତିରିକ୍ତ କୌଣସି ବିକଳ୍ପ ଚାହୁଁନାହାଁନ୍ତି, ଯେଉଁଥିପାଇଁ କି ଏହା ଲାଗୁ କରିବାପାଇଁ ବାରମ୍ବାର କେନ୍ଦ୍ର ସରକାରଙ୍କ ନିକଟରେ ଦାବି କରିଆସୁଛନ୍ତି।
ଉକ୍ତ ବୈଠକରେ ଓଡିଶାରୁ ରାଜ୍ୟ ଏନଏମଓପିଏସ ର ସଭାପତି ଶ୍ରୀ ବିଜୟ ମଲ୍ଲ ଓଡିଶାର ପ୍ରତିନିଧି ଭାବରେ ଯୋଗଦାନ କରିବା ସହ ଭାରତର ପେନସନ ମ୍ୟାନ ଭାବେ ପରିଚିତ ଶ୍ରୀ ବିଜୟ ବନ୍ଧୁ ସାରା ଦେଶରେ ଅଗଣିତ ସରକାରୀ କର୍ମଚାରୀଙ୍କ ଦ୍ଵାରା ଆସନ୍ତା ୨୫ ନଭେମ୍ବର ଦିଲ୍ଲୀରେ ଅନୁଷ୍ଠିତ ହେବାକୁ ଥିବା ପୁରୁଣା ପେନସନ ମହାଆନ୍ଦୋଳନରେ ବହୁ ସଂଖ୍ୟାରେ ଯୋଗଦାନ କରିବାକୁ ସରକାରୀ କର୍ମଚାରୀ ମାନଙ୍କୁ ଅନୁରୋଧ କରିଥିଲେ।
