ସାକ୍ଷୀଗୋପୀନାଥ ମନ୍ଦିରରେ ତୁଳସୀ ବିଵାହ ବୈଦିକ ରୀତିନୀତି ଅନୁଯାୟୀ ଅନୁଷ୍ଠିତ ହୋଇଯାଇଛି

ସାକ୍ଷୀଗୋପାଳ  (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ସାକ୍ଷୀଗୋପୀନାଥ ମନ୍ଦିର ସମ୍ମୁଖ ଶ୍ରୀରାମ ମନ୍ଦିର ପ୍ରାଙ୍ଗଣରେ ସନ୍ଧ୍ୟାରେ  ତୁଳସୀ ବିଵାହ ବୈଦିକ ରୀତିନୀତି ଅନୁଯାୟୀ ଅନୁଷ୍ଠିତ ହୋଇଯାଇଛି । କାର୍ତ୍ତିକ ମାସ ଶୁକ୍ଲପକ୍ଷ ଦ୍ୱାଦଶୀ ତିଥିରେ ତୁଳସୀ ବିଭାହ ଉତ୍ସବ ଅନୁଷ୍ଠିତ ହୋଇଥାଏ । ବରପିତା ଶରତ ଚନ୍ଦ୍ର ହୋତା ତାଙ୍କ ସପତ୍ନୀ ସଂଯୁକ୍ତା ହୋତା କନ୍ୟା ପିତା ଭାବରେ ସତ୍ୟପ୍ରିୟ ମହାପାତ୍ର ତାଙ୍କ ସପତ୍ନୀ ରଞ୍ଜିତା ମହାପାତ୍ର ଙ୍କ ସହ ବିଵାହ ବେଦିରେ କନ୍ୟା ଦାନ କରିଥିଲେ ।

ବରଯାତ୍ରୀ  ମାନଙ୍କୁ ସ୍ବାଗତ କରାଯାଉ ମିଠା ବଣ୍ଟନ ହୋଇଥିଲା । ତାପରେ ପ୍ରଥମ ବରଣ, ଦ୍ବିତୀୟ ଵରଣ କରାଯାଉ ନାରାୟଣ ଙ୍କ ସହିତ ତୁଳସୀ ଙ୍କ ର ହାତଗଣ୍ଠି ପକାଯାଇ ଯଜ୍ଞ ଅନୁଷ୍ଠିତ ହୋଇଥିଲା । ଦୋଳମକୁଟ ହୋଇ ବରକନ୍ୟାଙ୍କୁ ଵିଵାହ ଉତ୍ସବ ରେ ଶ୍ରଦ୍ଧାଳୁ ମାନେ ଦର୍ଶନ କରିଥିଲେ ।

ଏହି ଉତ୍ସବ ରେ ଯୋଗଦେଇଥିବା ମହିଳା ମାନେ ହୁଳହୁଳି ଦେଇ ବନ୍ଦାପନା କରିଥିଲେ ।  ପଣ୍ଡିତ ଵଶିଂଧର ପାଢ଼ୀ ଵୈଦିକ କାର୍ଯ୍ୟ ସମ୍ପାଦନ କରିଥିଲେ । ଏହି ବିବାହ କାର୍ଯ୍ୟା କୁ ରାମଚନ୍ଦ୍ର ନନ୍ଦ, ଵିଶ୍ବନାଥ ମହାପାତ୍ର ଜିତେନ୍ ମହାପାତ୍ର ଓ ଲୋକନାଥ ବାରିକ ପ୍ରମୁଖ ସହଯୋଗ କରିଥିଲେ। ଵିଵାହ ଉତ୍ସବରେ ଶତାଧିକ ଶ୍ରଦ୍ଧାଳୁ ଯୋଗଦେଇ ପ୍ରସାଦ ସେବନ କରିଥିଲେ ।