ବାଲିପାଟଣା (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ଅନ୍ତର୍ଗତ ଦେଉଳିଧରପୁର ପଞ୍ଚାୟତ ଭେଙ୍କାଟରାୟପୁର, ଖୁଣ୍ଟିଆସାହି ଗ୍ରାମର ବିଜୟ କୁମାର ସେଠୀଙ୍କ ପତ୍ନୀ ଉର୍ମିଳା ସେଠୀ (୩୧) ଙ୍କର ଏକ ବିଷାକ୍ତ ସାପ କାମୁଡ଼ାରେ ଅକାଳ ମୃତ୍ୟୁ ଘଟିବା ନେଇ ଗ୍ରାମରେ ଶୋକର ଛାୟା ଖେଳି ଯାଇଛି । ଉର୍ମିଳା ଗତ ଗୁରୁବାର ଦିନ ଅପରାହ୍ନ ସମୟରେ ଘରେ ଖାଇସାରି ନିଜ ବାସନ ଧୋଇବାକୁ ଯାଉଥିବା ବେଳେ ଘର ଦୁଆର ମୁହଁରେ କାଳରୁପି ଯମ ରୂପକ,ଏକ ବିଷାକ୍ତ ସାପ ଜଗି ରହିଥିଲା । ଅଜାଣତରେ ଉର୍ମିଳା ସେଠୀଙ୍କର ସାପଟି ଉପରେ ଗୋଡ ପଡିଯାଇଥିଲା । ସାପଟି ତାଙ୍କୁ ସେଠାରେ କାମୁଡି ଦେବାରୁ ସେ ଚେତାଶୂନ୍ୟ ହୋଇଥିଲେ ।
ଉର୍ମିଳାଙ୍କୁ ଗୁରୁତର ଅବସ୍ଥାରେ ତାଙ୍କ ପରିବାର ଲୋକେ ପ୍ରଥମେ ନିମାପଡା ମେଡିକାଲ ଏଵଂ ପରେ ଭୁବନେଶ୍ବର କ୍ୟାପିଟାଲ ହସ୍ପିଟାଲକୁ ନେଇଥିଲେ, ହେଲେ ଯମ ତାଙ୍କୁ ଛାଡିନଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ। ଉର୍ମିଳାଙ୍କର ଏପରି ଅକାଳ ମୃତ୍ୟୁକୁ ନେ଼ଇ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି । ଉର୍ମିଳାଙ୍କ ପରିବାର ଜଣେ ଗରିବ ଲୋକ ହେଇଥିବାରୁ ତାଙ୍କ ପରିବାରକୁ ସରକାର ତୁରନ୍ତ ଆର୍ଥିକ ସହାୟତା ଯୋଗାଇ ଦେବାକୁ ଗ୍ରାମବାସୀଙ୍କ ପକ୍ଷରୁ ଦାବୀ କରାଯାଇଅଛି ।
