କେନ୍ଦ୍ରାପଡ଼ା (ଓଡ଼ିଶା ତାଜା ନ୍ୟୁଜ୍) :- ଚର୍ଚାରେ କେନ୍ଦ୍ରାପଡ଼ା ଉପଜିଲ୍ଲାପାଳ ଅରୁଣ କୁମାର ନାୟକ ସାଧାରଣ ଲୋକଙ୍କ ଠାରୁ ଆରମ୍ଭ କରି ନିଜ କାର୍ଯ୍ୟାଳୟର କର୍ମଚାରୀ ଏବଂ ସର୍ବୋପରି ଓଡ଼ିଶା ଉଚ୍ଚ ନ୍ୟାୟାଳୟର ଜଣେ ଆଇନଜୀବୀଙ୍କୁ ନିଜ ଚାମ୍ବର ଭିତରେ ଦୁବ୍ୟବହାର କରିଥିବା ନେଇ ଜିଲ୍ଲାପାଳଙ୍କ ନିକଟରେ ଲିଖିତ ଅଭିଯୋଗ ହୋଇଛି। ଲୋକଙ୍କୁ ଦୁବ୍ୟବହାର କରୁଛନ୍ତି ଉପଜିଲ୍ଲାପାଳ ଅରୁଣ କୁମାର ନାୟକ । ଓଡ଼ିଶା ହାଇକୋର୍ଟର ଆଇନଜୀବୀ ଲଳିତମାଧବ ଦତ୍ତ। ଘଟଣାନୁଯାୟୀ ଆଇନଜୀବ ଜୀବୀ ଲଳିତମାଧବ ଦତ୍ତ ଏକ ପିଟିସନ୍ ଅଗଷ୍ଟ ୨୧ରେ ଉପ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ଅନ୍ଲାଇନ୍ ମାଧ୍ଯମରେ ଦାଖଲ କରିଥିଲେ।
ପୁନର୍ବାର ଆଇନଜୀବୀ ଶ୍ରୀ ଦଇ ୧୯ରେ ଉପଜିଲ୍ଲାପାଳଙ୍କ ଚାମ୍ବରକୁ ଯାଇ ମାମଲା ବିଷୟରେ ପଚାରନ୍ତେ ଉପଜିଲ୍ଲାପାଳ ଶ୍ରୀଯୁକ୍ତ ନାୟକ ଉତ୍କ୍ଷିପ୍ତ ହୋଇ ଆଇନଜୀବୀଙ୍କୁ ଖରାପ ବ୍ୟବହାର କରି ଚାମ୍ବରରୁ ବାହାରକୁ ଯିବାକୁ କହିଥିଲେ। ଉପଜିଲ୍ଲାପାଳଙ୍କ ଏପରି ଅସୌଜନ୍ୟ ବ୍ୟବହାରକୁ ନେଇ ଆଇନଜୀବୀ ଶ୍ରୀ ଦତ୍ତ ହାଇକୋର୍ଟ ବାର ଆସୋସିଏସନ୍ ଏବଂ କେନ୍ଦ୍ରାପଡା ବାର୍ ଆସୋସିଏସନ୍କୁ ଏ ବିଷୟରେ ଅବଗତ କରିବା ସହିତ ଆଳି ଜିଲ୍ଲାପାଳଙ୍କୁ ଏକ ଲିଖିତ ଅଭିଯୋଗ କରିଛନ୍ତି। ଏକ କନଭରସନ ଓ ଏଲିଆର କେଶ ନଂ-୮୪୦୯/୨୦୨୫ ସମ୍ପର୍କରେ ବୁଝିବାକୁ ଉପଜିଲ୍ଲାପାଳଙ୍କ ନିକଟକୁ ଯାଇଥିବା ବେଳେ ହଠାତ ଉପଜିଲ୍ଲାପାଳ ଅରୁଣ କୁମାର ନାୟକ ତାଙ୍କୁ କାହିଁକି ମୋ ଚାମ୍ବରକୁ ଆସିଲ ବୋଲି କହି ଦୁର୍ବ୍ଯବହାର କରିଥିଲେ ।
ସୂଚନାଯୋଗ୍ୟ, ଗତ ୩ ଦିନ ତଳେ ଜଣେ ଭିନ୍ନକ୍ଷମ ଯୁବକଙ୍କୁ ଦୁବ୍ୟବହାର କରିଥିବାବେଳେ ଗଜଲକ୍ଷ୍ମୀ ପୂଜା ଶକ୍ତି କମିଟି ବୈଠକରେ ଜଣେ ସାମ୍ବାଦିକଙ୍କୁ ତୁ ତା କରି ଦୁବ୍ୟବହାର କରିଥିଲେ। ଏହାକୁ ନେଇ ଜିଲ୍ଲାପାଳ କ୍ଷୁବ୍ଧ ହୋଇଥିଲେ । କାରଣ ଜିଲ୍ଲାପାଳ ଓ ଏସ୍ପିଙ୍କ ସମ୍ମୁଖରେ ଜଣେ କର୍ତ୍ତବ୍ୟରତ ସାମ୍ବାଦିକଙ୍କୁ ଉପଜିଲ୍ଲାପାଳ ଅସୌଜନ୍ୟ ବ୍ୟବହାର କରିଥିଲେ । ଏହାଦ୍ବାରା ସାମ୍ବାଦିକମାନେ ଉପଜିଲ୍ଲାପାଳଙ୍କୁ ଘେରିଥିଲେ। ଉପଜିଲ୍ଲାପାଳଙ୍କ ବିରୋଧରେ ତଦନ୍ତ ହେବ ବୋଲି ଜିଲ୍ଲାପାଳ ରଘୁରାମ ଆର ଆୟାର କହିଥିଲେ । ଏବେ ପୁଣି ଜଣେ ହାଇକୋର୍ଟର ଆଇନଜୀବୀଙ୍କୁ ଉପଜିଲ୍ଲାପାଳ ଦୁବ୍ୟବହାର ବୁଦ୍ଧିଜୀବୀମାନଙ୍କୁ ଆନ୍ଦୋଳିତ କରିଛି । ଏତେ ଅଭିଯୋଗ ପାଇଲା ପରେ ମଧ୍ଯ ଜିଲ୍ଲାପାଳ ଉପଜିଲ୍ଲାପାଳଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିବା ଭିତରେ କ’ଣ ରହସ୍ୟ ରହିଛି ବୋଲି ସଚେତନ ନାଗରିକ ମହଲରେ ଆଲୋଚନା ହେଉଛି !
