ବୋଲଗଡ଼ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ବୋଲଗଡ଼ ଶିକ୍ଷା ବ୍ଲକ ସଦର ମହକୁମାରେ ଅବସ୍ଥିତ ସରକାରୀ ବାମନ ଉଚ୍ଚ ବିଦ୍ୟାଳୟରେ ପ୍ରଥମ ଶ୍ରେଣୀରୁ ୧୦ମ ଶ୍ରେଣୀ ପର୍ଯ୍ୟନ୍ତ ସମୁଦାୟ ୬୦୦ ଜଣ ଛାତ୍ରଛାତ୍ରୀମାନେ ଶିକ୍ଷାଅଧ୍ୟୟନ କରୁଅଛନ୍ତି ! ସରକାରୀ ବାମନ ଉଚ୍ଚ ବିଦ୍ୟାଳୟ ୬୦ବର୍ଷର ସର୍ବ ପୁରାତନ ଶିକ୍ଷା ଅନୁଷ୍ଠାନ ଅଟେ ! ରାଜ୍ୟ ସରକାରଙ୍କ ସ୍କୁଲ ଓ ଗଣଶିକ୍ଷା ବିଭାଗ ଦ୍ୱାରା ବିଭିନ୍ନ ସମୟରେ ଭିନ୍ନ ଭିନ୍ନ ଜନ କଲ୍ୟାଣ ସଚେତନତା କାର୍ଯ୍ୟକ୍ରମ ସରକାରୀ ବାମନ ହାଇସ୍କୁଲ ପରିସରରେ କରାଯାଉଅଛି ! ଏହି କାର୍ଯ୍ୟକ୍ରମ ଗୁଡିକରେ ବୋଲଗଡ଼ ଶିକ୍ଷା ବ୍ଲକ ଅନ୍ତର୍ଗତ ୨୮ସରକାରୀ ଉଚ୍ଚ ବିଦ୍ୟାଳୟର ଛାତ୍ରଛାତ୍ରୀମାନେ ଯୋଗଦେଉଅଛନ୍ତି !
ସରକାରୀ ବାମନ ଉଚ୍ଚ ବିଦ୍ୟାଳୟରେ ଛାତ୍ରଛାତ୍ରୀମାନଙ୍କର ସାଇକେଲ ସୁରକ୍ଷା ପାଇଁ ବୋଲଗଡ଼ ବ୍ଲକ ପ୍ରଶାସନ ୩୦ହଜାର ଟଙ୍କା ଅର୍ଥ ରାଶି ଯୋଗାଇଦେଇଥିଲେ ! କିନ୍ତୁ ଆଜି ପର୍ଯ୍ୟନ୍ତ ଛାତ୍ରଛାତ୍ରୀମାନଙ୍କର ସଇକେଲ ସୁରକ୍ଷା ପାଇଁ ଏକ ସ୍ଥାୟୀ ସାଇକେଲ ଷ୍ଟାଣ୍ଡ ନିର୍ମାଣ କରାଯାଇ ପାରିନାହିଁ ! ଫଳରେ ଛାତ୍ରଛାତ୍ରୀମାନେ ପ୍ରତିଦିନ ସେମାନଙ୍କର ସାଇକେଲକୁ ବିଦ୍ୟାଳୟ ପରିସରରେ ଏଣେ ତେଣେ ରଖୁଅଛନ୍ତି !
ଫଳରେ ବହୁ ସମୟରେ ଅଧିକାଂଶ ଛାତ୍ର ଛାତ୍ରୀମାନଙ୍କର ନୂତନ ସାଇକେଲ ଚୋରି ହୋଇଯାଉଅଛି ! ଏ ସମ୍ପର୍କରେ ସରକାରୀ ବାମନ ଉଚ୍ଚ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ପୀତବାସ ଲେଙ୍କାଙ୍କୁ ପଚାରିବାରୁ ସେ କହିଲେ ମୁଁ ଏସମ୍ପର୍କରେ କୌଣସି ସଠିକ ଉତ୍ତର ଦେଇପାରିବି ନାହିଁ ! ତେଣୁ ବୋଲଗଡ଼ ବ୍ଲକ ପ୍ରଶାସନ ଓ ସରକାରୀ ବାମନ ଉଚ୍ଚ ବିଦ୍ୟାଳୟର ପରିଚାଳନା କମିଟି ମିଳିତ ଭାବେ ଛାତ୍ରଛାତ୍ରୀମାନଙ୍କର ସାଇକେଲ ସୁରକ୍ଷା ନିମନ୍ତେ ବିଦ୍ୟାଳୟ ପରିସରରେ ଏକ ନୂତନ ସାଇକେଲ ଷ୍ଟାଣ୍ଡ ନିର୍ମାଣ କରିବାକୁ ସମସ୍ତ ଅଭିଭାବକ, ବୁଦ୍ଧିଜୀବୀ, ଶିକ୍ଷାବିତ ଓ ସାମ୍ବାଦିକମାନେ ଅନୁରୋଧ କରିଅଛନ୍ତି !
