ପୁରୀ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଶୁକ୍ରବାର ପୁରୀ ଶରଧାବାଲି ଠାରେ ସାଇବର ସଚେତନତା ଅଭିଯାନର ଉଦ୍ଘାଟନୀ ଅନୁଷ୍ଠାନ ଅନୁଷ୍ଠିତ ହୋଇଯାଇଛି । ଏହି ଅଭିଯାନ ରାଜ୍ୟ ସରକାରଙ୍କ ପକ୍ଷରୁ ସମଗ୍ର ଓଡ଼ିଶାରେ ଗୋଟିଏ ମାସ ଧରି ଆୟୋଜିତ ହେଉଥିବା ସାଇବର ସଚେତନତା ଅଭିଯାନର ଅଂଶ । ଲୋକଙ୍କ ମଧ୍ୟରେ ସାଇବର ଅପରାଧ ଓ ଠକିବା ସଂପର୍କିତ ସଚେତନତା ବଢ଼ାଇବା ଏହାର ପ୍ରଧାନ ଉଦ୍ଦେଶ୍ୟ। ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଲୋକସଭା ସାଂସଦ ଡ଼ା. ସମ୍ବିତ ପାତ୍ର, ସାଂସଦ ଓ ରାଜ୍ୟସଭା ସାଂସଦ ସୁଭାଶିଷ ଖୁଣ୍ଟିଆ, ଏସପି ପ୍ରତୀକ ସିଂହ, ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ୍ ଏବଂ ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।
କାର୍ଯ୍ୟକ୍ରମରେ ବହୁ ସଂଖ୍ୟକ ଛାତ୍ରଛାତ୍ରୀ, ସେବାୟତ, ସ୍ଥାନୀୟ ଜନସାଧାରଣ ଏବଂ ସାମ୍ବାଦିକ ଉପସ୍ଥିତ ହୋଇ ସାଇବର ସୁରକ୍ଷା ସଂପର୍କିତ ବିଭିନ୍ନ ପ୍ରକାର ଜାଣିବା ଓ ଶିଖିବାରେ ଭାଗ ନେଇଥିଲେ । ପୁରୀ ପୁଲିସ ଦ୍ୱାରା ଅନେକ ଜାଣିବା ସଚେତନତା କାର୍ଯ୍ୟକ୍ରମ ଆୟୋଜିତ ହେଲା ଯେଉଁଠି ସାଇବର ଠକିବା, ଫେକ ଆକାଉଣ୍ଟ, ଅନଲାଇନ୍ ଠକିବା ଏବଂ ଡିଜିଟାଲ ସୁରକ୍ଷା ବିଷୟରେ ଲୋକଙ୍କୁ ସଚେତନ କରାଯାଇଥିଲା । ପୁରୀ ଏସପି ସୂଚନା ପ୍ରଦାନ କରିଥିଲ l ଏହି ସାଇବର ସଚେତନତା ଅଭିଯାନ ସମଗ୍ର ଓଡ଼ିଶା ରାଜ୍ୟରେ ଗୋଟିଏ ମାସ ଧରି ଚାଲିବ ।
ଏହାର ଉଦ୍ଦେଶ୍ୟ ହେଉଛି ଲୋକମାନଙ୍କୁ ସାଇବର ଅପରାଧରୁ ସତର୍କ କରିବା, ସଚେତନ କରିବା ଏବଂ ଅପରାଧୀମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବା । ପୁରୀ ଜିଲ୍ଲାରେ ୨୦୨୫ ମସିହାରେ ଏପର୍ଯ୍ୟନ୍ତ ୨୬ଟି ସାଇବର ସମ୍ପର୍କିତ ମାମଲା ରଜିଷ୍ଟର ହୋଇଛି । ଏହି ମାମଲାରେ ୮ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ସେଥିସହ ଇନ୍ଷ୍ଟାଗ୍ରାମ୍, ଫେସବୁକ୍ ଓ ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟଫର୍ମରେ ଥିବା ୧୭୦ଟି ନକଲି ଆକାଉଣ୍ଟକୁ ଡିଆକ୍ଟିଭେଟ୍ କରାଯାଇଛି । ଏହାସହ ଠକିବା ମାମଲାରେ ୧,୩୧୮ଟି ବ୍ୟାଙ୍କ ଆକାଉଣ୍ଟକୁ ଫ୍ରିଜ୍ କରାଯାଇଛି ଓ ମୋଟ ୯୩ ଲକ୍ଷ ୯୧ ହଜାର ଟଙ୍କା ଠକିବା ଟଙ୍କା ଫ୍ରିଜ୍ ହୋଇଛି ବ୍ୟାଙ୍କରେ ।
ପୁଲିସ ବିଭାଗ ସଦା ସାଇବର ଅପରାଧ ପାଇଁ ଲୋକଙ୍କୁ ସଚେତନ କରି ସହାୟତା ପାଇଁ ସଚେତନତା ସୃଷ୍ଟି କରିଚାଲିଛି । ସେହିପରି ଜନସାଧାରଣଙ୍କୁ ଅନୁରୋଧ, କୌଣସି ସନ୍ଦିଗ୍ଧ ମେସେଜ୍ କିମ୍ବା ଲିଙ୍କ ଦେଖିଲେ ତାହାକୁ ଖୋଲିବେ ନାହିଁ ଏବଂ ନିକଟସ୍ଥ ଥାନା କିମ୍ବା ସାଇବର ହେଲ୍ପଲାଇନ୍ ୧୯୩୦ କୁ ତଥ୍ୟ ଦିଅନ୍ତୁ। ପୁରୀ ପୁଲିସ ପକ୍ଷରୁ ଅନୁରୋଧ କରାଯାଇଥିଲା । ଅଜଣା ଲିଙ୍କ, ଫୋନ୍ କଲ୍ କିମ୍ବା ମେସେଜ୍ରେ ବିଶ୍ୱାସ କରନ୍ତୁ ନାହିଁ । ଓଟିପି ବ୍ୟାଙ୍କ ଡିଟେଲ୍ସ କାହାରିକୁ ଦିଅନ୍ତୁ ନାହିଁ । ସାଇବର ଠକିବା ମେଳିଲେ ତୁରନ୍ତ ୧୯୩୦/ ୮୨୮୦୪୯୧୩୦୦ ରେ ଯୋଗାଯୋଗ କରନ୍ତୁ । ଅନଲାଇନ୍ ସୁରକ୍ଷା ଆପଣଙ୍କ ହାତରେ ସଚେତନ ହୁଅନ୍ତୁ, ସୁରକ୍ଷିତ ରୁହନ୍ତୁ । ବୋଲି ପୁରୀ ପୋଲିସ ପକ୍ଷରୁ ଅନୁରୋଧ କରାଯାଇଛି ।
