ଚିଲିକା (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଚିଲିକା ବ୍ଲକ ସ୍ତରୀୟ ଶିଶୁ ମହୋତ୍ସବ ସୁରଭୀ ଚିଲିକା ସରକାରୀ ଉଚ୍ଚ ବିଦ୍ୟାଳୟ,ବଡକୁଳ ପରିସରରେ ଅନୁଷ୍ଠିତ ହୋଇଯାଇଛି। ଏହି ଉତ୍ସବ କୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ ଚିଲିକା ର ପ୍ରାକ୍ତନ ବିଧାୟକ ଡାକ୍ତର ବିଭୂତି ଭୂଷଣ ହରିଚନ୍ଦନ।ଉଦ୍ ଘାଟନୀ ସଭାରେ ମାନ୍ୟଗଣ୍ୟ ଅତିଥି ମାନଙ୍କ ମଧ୍ୟରେ ଵଡକୂଳ ସରପଞ୍ଚ ପ୍ରହଲ୍ଲାଦ ବେହେରା, ପଞ୍ଚସଖା ଶିକ୍ଷା ସେତୁର ସଭାପତି ବିଦ୍ୟାଧର ଯୁଝାର ସିଂହ ,
ବିଦ୍ୟାଳୟ ପରିଚାଳନା କମିଟି ର ସଭାପତି ବଳଭଦ୍ର ବିଶୋଇ, ବାଲୁଗାଁ ସରକାରୀ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ସ୍ଵାଧୀନା ମଞ୍ଜରୀ ବେହେରା, ଚିଲିକା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ କୈଳାସ ଚନ୍ଦ୍ର ସାହୁ, ମଣ୍ଡଳ ସାଧନ କେନ୍ଦ୍ର ସଂଯୋଜକ ନୀଳାଦ୍ରି ଭୂଷଣ ଦାଶ, ପ୍ରମୁଖ ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ଉଦ୍ ଵୋଧନ ଦେଇଥିଲେ। ସେହିପରି ଉଦ୍ ଯାପନୀ ସଭା ରେ ମୁଖ୍ୟ ଅତିଥି ଭାବେ ରାଜ୍ୟ ଆଇନ ଓ ଅବକାରୀ ମନ୍ତ୍ରୀ ପ୍ରୃଥ୍ଵୀରାଜ ହରିଚନ୍ଦନ -ମୁଖ୍ୟ ଅତିଥି, ସାଂସଦ ଡ଼ଃ ସମ୍ବିତ ପାତ୍ର -ସ୍ଵତନ୍ତ୍ର ଅତିଥି, ଖୋର୍ଦ୍ଧା ଜିଲ୍ଲା ଶିକ୍ଷା ଅଧିକାରୀ ସୋନାମିକା ରାୟ-ସମ୍ମନିତ ଅତିଥି,
ଚିଲିକା ବ୍ଲକ ଅଧ୍ୟକ୍ଷା ଜ୍ୟୋତ୍ସ୍ନା ବେହେରା, ଉପାଧ୍ୟକ୍ଷ ଅରୁଣ ପଟ୍ଟନାୟକ, ବଡକୁଳ ସରପଞ୍ଚ ପ୍ରହଲ୍ଲାଦ ବେହେରା ପ୍ରମୁଖ ଉପସ୍ଥିତ ରହି ଉଦ୍ ଵୋଧନ ଦେବା ସହ କ୍ରୃତୀ ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରିଥିଲେ।ଉଭୟ ଅଧିବେଶନ ରେ ଚିଲିକା ଗୋଷ୍ଠୀ ଶିକ୍ଷା ଅଧିକାରୀ ଦ୍ବାରିକା ନାଥ ବେହେରା ଅଧ୍ୟକ୍ଷତା କରିଥିବାବେଳେ କବି ଗୋପୀନାଥ ଦାଶ ଓ ସି ଆର୍ ସି ସି ପ୍ରଶାନ୍ତ କୁମାର ସାହୁ ମଞ୍ଚ ପରିଚାଳନା କରିଥିଲେ । ବ୍ଲକ ଅନ୍ତର୍ଗତ ସମସ୍ତ ସି ଆର୍ ସି ସି,ସହ ଗୋଷ୍ଠୀ ଅଧିକାରୀ ଗଗନ ବିହାରୀ ବେହେରା , ନୀଳାଦ୍ରି ଭୂଷଣ ଦାଶ ସକ୍ରିୟ ସହଯୋଗ କରିଥିଲେ ।
ଜିଲ୍ଲା ସ୍ତରକୁ ଉନ୍ନୀତ ହୋଇଥିବା ପ୍ରତିଯୋଗୀ ମାନେ ହେଲେ ସଙ୍ଗୀତ ରେ ଶୁଭ ସ୍ମିତା ବେହେରା, ଚିତ୍ରାଙ୍କନ ରେ ସ୍ବୟଂ ଶ୍ରୀ ସାହୁ, କୁଇଜ୍ ରେ ସସ୍ମିତା ଖଣ୍ଡାୟତ ରାୟ,ଶ୍ରୃତଲିଖନରେ ଆରାଧ୍ୟା ରଥ, ତର୍କରେ ଅର୍ପିତା ମହାପାତ୍ର, ପ୍ରବନ୍ଧ ରେ ସ୍ବର୍ଣ୍ଣ ପ୍ରଜ୍ଞା ରାଉତରାୟ,ବତ୍କ୍ରୃତାରେ ଵିଵେଚିତା ଦାଶ,ପି ଏମ୍ ପୋଷଣ ହସ୍ତକଳା ରେ ରାହୁଲ ବେହେରା,ପି ଏମ୍ ପୋଷଣ ଚିତ୍ର କଳାରେ ଶ୍ରଦ୍ଧାଞ୍ଜଳି ଭୁଜବଳ, ଲୋକନୃତ୍ୟ ରେ ସୋରଣ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ଛାତ୍ରୀ ଵ୍ରୃନ୍ଦ ।
