ଖୋର୍ଦ୍ଧା-ଜଟଣୀ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଯାତ୍ରୀ ସୁରକ୍ଷା, ସମୟନିଷ୍ଠା ଓ ସୁବିଧା ପ୍ରଦାନ ହେଉଛି ମୁଖ୍ୟ ଲକ୍ଷ୍ୟ।ପାର୍ବଣ ସମୟରେ ଯାତ୍ରୀ ଭିଡକୁ ନିୟନ୍ତ୍ରଣ କରିବା ସହ ଯାତ୍ରୀ ସୁରକ୍ଷା ଓ ପରିଷ୍କାର ପରିଚ୍ଛନତା ସହ ବିଭିନ୍ନ ଯାତ୍ରୀ ପରିସେବା ଓ ଯାତ୍ରୀ ଭିଡ଼ ନିୟନ୍ତ୍ରଣକୁ ପୂର୍ବତଟ ରେଳପଥ ଖୋର୍ଦ୍ଧାରୋଡ଼ ରେଳ ମଣ୍ଡକ ବ୍ୟାପକ ପ୍ରସ୍ତୁତି କରିଅଛିl ଭାରତୀୟ ରେଳ ଦେଶ ବ୍ୟାପୀ ଯାତ୍ରୀଙ୍କୁ ସୁରକ୍ଷିତ, ସୁବିଧା ଜନକ ଓ ସମୟୋପଯୁକ୍ତ ଯାତ୍ରା ପ୍ରଦାନ ପାଇଁ ମହାଅଭିଆନ ଆରମ୍ଭ କରିଛି ।
ଖୋର୍ଦ୍ଧା ରୋଡ଼ ରେଳ ମଣ୍ଡଳ ଠାରେ ଅତିରିକ୍ତ ମଣ୍ଡଳ ରେଳବାଇ ପ୍ରବନ୍ଧକ ଶ୍ରୀ ପି କେ ବେହେରା ଏହି ସୂଚନା ଦେଇ କହିଛନ୍ତି। ଯାତ୍ରୀ ପରିଚାଳନା ଓ ଭିଡ଼ ନିୟନ୍ତ୍ରଣ ଭାରତ ସରକାରଙ୍କ ରେଳମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ ନିଜେ ଦିଲ୍ଲୀରେ ଥିବା ଜାତୀୟ ରେଳ ୱାର୍ ରୁମ୍ ମାଧ୍ୟମରେ ଦେଶ ସାରା ଯାତ୍ରୀ ଗତିବିଧି ଓ ସେବା ନିରୀକ୍ଷଣ କରୁଛନ୍ତି । ଏହା ସହିତ ଖୋର୍ଦ୍ଧାରୋଡ଼ ଓ ଭୁବନେଶ୍ୱର ମୁଖ୍ୟାଳୟ କାର୍ଯ୍ୟାଳୟରେ ମଧ୍ୟ ଉପ-ୱାର୍ ରୁମ୍ ସଂଚାଳିତ ହେଉଛି,
ଯେଉଁଠାରେ ବରିଷ୍ଠ ଅଧିକାରୀ ମାନେ ଲଗାତାର ଯାତ୍ରୀ ଭିଡ଼ ଓ ସେବା ପରିଚାଳନା ଉପରେ ନିରୀକ୍ଷଣ କରୁଛନ୍ତି। ମୁଖ୍ୟ ଷ୍ଟେସନଗୁଡିକରେ ସି ସି ଟିଭି ମନିଟରିଂ ସିଷ୍ଟମ୍ ଦ୍ୱାରା ଭିଡ଼ ନିୟନ୍ତ୍ରଣ ଓ ସୁରକ୍ଷା ସୁନିଶ୍ଚିତ କରାଯାଉଛି । ଭିଡ଼ ନିୟନ୍ତ୍ରଣ ଓ ଯାତ୍ରୀ ସୁବିଧା ଭୁବନେଶ୍ୱର, କଟକ,ପୁରୀ, ବ୍ରହ୍ମପୁର ଓ ଖୋର୍ଦ୍ଧାରୋଡ଼ ଭଳି ମୁଖ୍ୟ ଷ୍ଟେସନ ଗୁଡିକରେ ସଠିକ୍ ଧାଡ଼ି ପ୍ରଣାଳୀ ଲାଗୁ କରାଯାଇଛି। ଆର୍ ପି ଏଫ୍ ଓ ଜି ଆର୍ ପି କର୍ମଚାରୀ ମାନେ ୨୪ ଘଣ୍ଟା ସେବାରେ ନିଯୁକ୍ତ ରହି ଭିଡ଼ ନିୟନ୍ତ୍ରଣ ଓ ଯାତ୍ରୀ ସୁରକ୍ଷା ନିଶ୍ଚିତ କରୁଛନ୍ତି ।
ଅଧିକ ଭିଡ଼ ଥିବା ଷ୍ଟେସନ ଗୁଡିକରେ ହୋଲ୍ଡିଂ ଏରିଆ ବ୍ୟବସ୍ଥା ଦ୍ୱାରା ଯାତ୍ରୀ ଗତିବିଧି ସୁବିଧା ପାଇଁ ଉପଯୋଗ କରାଯାଉଅଛି। ଡାକଵାଜି ଓ ପବ୍ଲିକ ଅନାଉନ୍ସମେଣ୍ଟ ମାଧ୍ୟମରେ ଯାତ୍ରୀମାନଙ୍କୁ ଟ୍ରେନ ସମୟ ସୂଚୀ ଓ ପ୍ଲାଟଫର୍ମ ସୂଚନା ଦିଆଯାଉଛି ଏବଂ ସଠିକ ସମୟରେ ଦିଆଯାଉଛି । ବିଶେଷ ଟ୍ରେନ ସେବା ପୂର୍ବତଟ ରେଳ ଦ୍ୱାରା ୩୬୭ ବିଶେଷ ଟ୍ରେନ (୧୮ ଜୋଡ଼ି) ଚଳାଚଳ କରାଯାଉଛି, ଯାହା ଉତ୍ସବ ଋତୁ ଯାତ୍ରୀ ଭିଡ଼ ପାଇଁ ଆବଶ୍ୟକ। ଦୀପାବଳି ସମୟରେ ଦଶପଲ୍ଲା ପୁରୀ ବିଶେଷ ଟ୍ରେନ ଚଳାଯାଇଥିଲା ଓ ପୁରୀ ଖୋର୍ଦ୍ଧାରୋଡ଼ ମେମୋକୁ ଦସପଲ୍ଲା ପର୍ଯ୍ୟନ୍ତ ସମ୍ପ୍ରସାରଣ କରାଯାଇଛି ।
ଯାତ୍ରୀ ଚାହିଦା ଅନୁଯାୟୀ ଅଧିକ ବିଶେଷ ଟ୍ରେନ ଚଳାପାଇଁ ଯୋଜନା ଚାଲିଛି । ପରିଚ୍ଛନ୍ନତା ଓ ସ୍ଵଛ ପରିବେଶ ୫.୦ଅନ୍ତର୍ଗତ ମୁଖ୍ୟ ଷ୍ଟେସନ ଗୁଡିକରେ ବ୍ୟାପକ ପରିଚ୍ଛନ୍ନତା ଅଭିଯାନ ଚାଲୁରହିଛି । ପ୍ଲାଟଫର୍ମ, ଅପେକ୍ଷାାଳୟ, ଶୌଚାଳୟ ଓ ପାନୀୟ ଜଳ ସ୍ଥଳଗୁଡିକୁ ପରିଚ୍ଛନତା ରଖିବା ପାଇଁ ସ୍ଥାୟୀ କର୍ମଚାରୀ ଦଳ ନିଯୁକ୍ତ ଅଛନ୍ତି । ପ୍ଲାଷ୍ଟିକ୍ ମୁକ୍ତ ଷ୍ଟେସନ ଅଭିଯାନ ମଧ୍ୟ ଚାଲୁରହିଛି । ଯାତ୍ରୀ ସୁରକ୍ଷା ବ୍ୟବସ୍ଥା ଆର୍ ପି ଏଫ୍ ଓ ବାଣିଜ୍ୟ ବିଭାଗ ସଂଯୁକ୍ତ ଭାବେ ଯାତ୍ରୀ ଓ ସାମଗ୍ରୀ ଯାଞ୍ଚ ଅଭିଯାନ କରୁଛନ୍ତି ।
ଅଗ୍ନିଶୀଳ ଓ ବିସ୍ଫୋରକ ଦ୍ରବ୍ୟ (ଯେପରିକି ଆତଶବାଜି) ନେବାକୁ ନିଷେଧ ଜାରି ରହିଛି । ପାର୍ସଲ୍ ଗୋଦାମ,କ୍ଲକ୍ ରୁମ୍,ପ୍ଲାଟଫର୍ମ ଓ ଯାତ୍ରୀ ଲଗେଜ୍ ଉପରେ ବିଶେଷ ଯାଞ୍ଚ ହେଉଛି । ଯାତ୍ରୀ ଅସୁବିଧା ହେଲେ ଆର୍ ପି ଏଫ୍ କିମ୍ବା 139 ହେଲ୍ପଲାଇନ୍ ସଂପର୍କ କରିପାରିବେ । ପରିଚାଳନା ଓ ସେବା ଦକ୍ଷତା ଉଚ୍ଚ ଯାତ୍ରୀ ଭିଡ଼ ସତ୍ୱେ ଖୋର୍ଦ୍ଧାରୋଡ଼ ରେଳମଣ୍ଡଳ ବ୍ୟାପକ ପ୍ରସ୍ତୁତି ଜାରିରଖିଛି । କ୍ରିୟୁ ବ୍ୟବସ୍ଥାପନ, ରେକ୍ ମ୍ୟାନେଜମେଣ୍ଟ ଓ ବିଭାଗୀୟ ସମନ୍ୱୟ ମାଧ୍ୟମରେ ସମସ୍ତ ଟ୍ରେନ ଚଳାଚଳ ସମୟ ମାନ୍ୟ ହେଉଛି ।
ଜନ ସଚେତନତା ଓ ଯାତ୍ରୀ ସଂଯୋଗ ‘ଅମୃତ ସଂଵାଦ’ ଅଭିଯାନ ମାଧ୍ୟମରେ ଯାତ୍ରୀଙ୍କ ମତାମତ ଓ ପ୍ରସ୍ତାବ ଗ୍ରହଣ କରାଯାଉଛି । ପ୍ଲାଟଫର୍ମ ଓ ଷ୍ଟେସନରେ ବ୍ୟାପକ ଘୋଷଣା, ପୋଷ୍ଟର ଓ ପ୍ୟାମ୍ଫ୍ଲେଟ୍ ବିତରଣ ମାଧ୍ୟମରେ ସୁରକ୍ଷା ସଚେତନତା ବୃଦ୍ଧି କରାଯାଉଛି । ଖୋର୍ଦ୍ଧାରୋଡ଼ ରେଳ ମଣ୍ଡଳ ପୂର୍ଣ୍ଣ ଭାବେ ପ୍ରସ୍ତୁତ ଅଛି,ଏହି ପରିଚାଳନା ଓ ସେବା ଉପଲବ୍ଧି କରାଇବା ପାଇଁ ଏହି ଉତ୍ସବ ଋତୁରେ ଆମେ ସମସ୍ତେ ମିଶି ସୁରକ୍ଷିତ,ସ୍ୱଚ୍ଛ ଓ ସୁବିଧା ଜନକ ଯାତ୍ରାକୁ ସୁନିଶ୍ଚିତ କରିବା । ଆମ କର୍ମଚାରୀ ମାନେ ଦିନ ଓ ରାତି ଅବିରତ ଭାବେ ଯାତ୍ରୀ ସେବା ପାଇଁ ନିଷ୍ଠା ପୂର୍ବକ ଅର୍ପିତ ବୋଲି ଅତିରିକ୍ତ ମଣ୍ଡଳ ରେଳବାଇ ପ୍ରବନ୍ଧକ ଶ୍ରୀ ବେହେରା କହିଛନ୍ତି ।
