ଏହି ପରିପ୍ରେକ୍ଷୀରେ ରଣପୁର ବ୍ଲକ ଗୋପାଳପୁର ସ୍ଥିତ ବଣିକ ସଂଘ ଆନୁକୂଲ୍ୟରେ କାଳୀ ପୂଜା ମଣ୍ଡପରେ ମା ଙ୍କ ରୂପା ମେଢ଼ ପୂଜା ପାଉଛନ୍ତି । ପ୍ରତି ବର୍ଷ ଭଳି ଚଳିତ ବର୍ଷ ପୂଜା ମଣ୍ଡପକୁ ସୁନ୍ଦର ଆଲୋକମାଳାରେ ସଜାଇ ମା ଶ୍ୟାମାକାଳୀ ମହୋତ୍ସବ କୁ ଉତ୍ସବମୁଖର କରିଦେଇଛନ୍ତି ।
ପୂଜା ମଣ୍ଡପ ତୋରଣ ଆଲୋକମାଳାରେ ଝଲସି ଉଠୁଥିବା ବେଳେ ମାଙ୍କ ମେଢ଼ ଦେଖିବାକୁ ହଜାର ହଜାର ଭକ୍ତ ଙ୍କ ଗହଳି ଦେଖିବାକୁ ମିଳିଛି ।
ଦୀର୍ଘ ଦିନ ର ପରମ୍ପରା କୁ ପାଥେୟ କରି ନୟାଗଡ ଜିଲ୍ଲା ମଧ୍ୟରେ ପ୍ରସିଦ୍ଧ କାଳୀପୂଜା ୭ ଦିନ ଧରି ଅନୁଷ୍ଠିତ ହୋଇଥାଏ ।
ବରିଷ୍ଠ ଦକ୍ଷ ପୁରୋହିତ ପଣ୍ଡିତ ଆଲୋକ କୁମାର ଷଡ଼ଙ୍ଗୀ ଙ୍କ ଦ୍ଵାରା ସୋମବାର ମଧ୍ୟରାତ୍ର ପରେ ରିତିନୀତି ଅନୁଯାୟୀ ମା’ଙ୍କ ଉପଚାର ତଥା ସ୍ୱତନ୍ତ୍ର ପୂଜାର୍ଚ୍ଚନା କରାଯାଇଥିଲା l ମା ଶ୍ୟାମା କାଳୀଙ୍କ ପୂଜା ସମଗ୍ର ଅଞ୍ଚଳରେ ଏକ ଧାର୍ମିକ ପରିବେଶ ସୃଷ୍ଟି କରିଛି।
ଏଥିରେ ସଂଘର ପ୍ରମୁଖ କର୍ମକର୍ତ୍ତା ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ସଭାପତି ପ୍ରଶାନ୍ତ ପାତ୍ର, ସଂପାଦକ ମାଧବ ଚନ୍ଦ୍ର ରାଉତରାୟ , କୋଷାଧ୍ୟକ୍ଷ ମଦନ ମୋହନ ପାତ୍ର ଙ୍କ ନେତୃତ୍ୱରେ ମା ଙ୍କ ପୂଜା ଅନୁଷ୍ଠିତ ହୋଇଥିବା ବେଳେ ପାଲା ,
ଓ ଶାସ୍ତ୍ରୀୟ ନୃତ୍ୟ ଭଳି ସାଂସ୍କୃତିକକାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ସଭାପତି ପ୍ରତିକ୍ରିୟା ରଖିଛନ୍ତି । ବୃନ୍ଦାବନ ସାହୁ , ବଟକୃଷ୍ଣ ସାହୁ , କାଳି ପ୍ରାସାଦ ମହାପାତ୍ର, ପ୍ରଭାତ ମାଝୀ ପ୍ରମୁଖ ସଦସ୍ୟଙ୍କ ଉପସ୍ଥିତି ରେ ଉକ୍ତ କାଳୀପୂଜା ସୂଚାରୁ ରୂପେ ପାଳିତ ହୋଇଆସୁଛି ।
