ଘରେ ଘରେ ଦୀପାବଳିର ଶୁଭ ଅବସରରେ ସାରା ଅଞ୍ଚଳବାସୀ ଙ୍କ ଦୁଆରେ ଦୀପ ପ୍ରଜ୍ଜ୍ଵଳିତ କରାଯିବା ସହ ଲିଚୁ ମାଳରେ ସମ୍ମୁଖ ଦ୍ଵାର ସୁସଜ୍ଜିତ କରାଯାଇଥିବା ଦେଖିବାକୁ ମିଳିଥିଲା । ବିଭିନ୍ନ ପ୍ରକାରର ପିଠା, ପଣା, ଫଳ, ମୂଳ ଦେଇ ପରିବାର , କୁଟୁମ୍ବ ଲୋକ ବଡ଼ ବଡୁଆଙ୍କୁ ଘର ଆଗରେ ଡାକିଥିଲେ ।
ସାଧାରଣରେ ସମସ୍ତେ ଏକାଠି ହୋଇ କାଉଁରିଆ କାଠିକୁ ଜଳାଇ ସପରିବାର ସହ ସାହି ପଡ଼ୋଶୀ ଓ ବନ୍ଧୁ ବାନ୍ଧବଙ୍କ ସହ ମିଳିମିଶି ଡ଼ାକିଥାନ୍ତି । ଚଳିତ ବର୍ଷ ଅତ୍ୟାଧିକ ଭକ୍ତ ଜଗନ୍ନାଥ ମନ୍ଦିର ରେ ବଡ ବଡୁଆ ଡାକିଥିଲେ । ସେହିପରି ସକାଳୁ ସମସ୍ତ ଦେବାଳୟ ରେ ଭକ୍ତଙ୍କ ଭିଡ ପରିଲକ୍ଷିତ ହୋଇଥିଲା ।
ଜଗନ୍ନାଥ ମନ୍ଦିରକୁ ଆଲୋକ ମାଳାରେ ସଜା ଯାଇଥିବା ବେଳେ ମନ୍ଦିର ପ୍ରାଙ୍ଗଣ ରେ କାଉଁରିଆ କାଠି ଜାଳି ବଡବଡୁଆ ଟେକିବା ପାଇଁ ବିଶେଷ ବ୍ୟବସ୍ଥା ମଧ୍ୟ କରାଯାଇଥିଲା । ମଉଳା ଶ୍ରାଦ୍ଧ ଦେଇ ପିତୃ ପୁରୁଷଙ୍କୁ ନିମନ୍ତ୍ରଣ କରି ଘରେ ଘରେ ପୂଜା କରାଯାଇଥାଏ ଯାହାଙ୍କୁ ଦୀପାବଳିରେ ଦୀପ ଦାନ କରି ସେମାନଙ୍କୁ ବିଦାୟ ଦେବାର ବିଧି ରହିଛି ।
ଦୀପାବଳି ପାଇଁ ଘରେ ଘରେ ପୂଜାର୍ଚନା କରି ମାତା ଲକ୍ଷ୍ମୀ ଙ୍କ ଆଶ୍ରୀର୍ବାଦ ଭିକ୍ଷା କରିଥାନ୍ତି । ତେବେ ଚଳିତ ବର୍ଷ ରଣପୁର ଅଞ୍ଚଳ ରେ ଦୀପାବଳିକୁ ଲୋକ ମାନେ ବେଶ୍ ଧୁମ୍ ଧାମରେ ପାଳନ କରିଥିବା ଦେଖିବାକୁ ମିଳିଥିଲା ।
ଭିନ୍ନ ଭିନ୍ନ ଆଲୋକ ମାଳରେ ସାରା ସହର ଉତ୍ସବମୁଖର ହୋଇ ପଡ଼ିଥିଲା । ଆଲୋକର ପର୍ବ ଦୀପାବଳି ସମସ୍ତଙ୍କ ପାଇଁ ସୁଖ ସମୃଦ୍ଧି ଆଣିଦେଉ ଏହା ହିଁ ଆମର ଭଗବାନ ଙ୍କ ନିକଟରେ କାମନା ।
