ଜଗତସିଂହପୁର (ଓଡିଶା ତାଜା ନ୍ୟୁଜ ) ନି. ପ୍ର :- ବିରିଡି ବ୍ଲକ ଅଞ୍ଚଳରେ ପବିତ୍ର ଶ୍ୟାମା କାଳୀ ପୂଜା ଓ ଆଲୋକର ପର୍ବ ଦୀପାବଳୀ ସୋମବାର ପାଳିତ ହୋଇଯାଇଛି l ବିଶେଷ କରି ବୈଶିମୌଜା କମଳପୁର, ମଙ୍ଗୁଲି ମଧୁବାବାଙ୍କ ମଠ, ନୂଆପାରୀ ଓ ସାଡେଇଶାସନ ଲଷ୍ମୀନାରାୟଣ ମନ୍ଦିର ପ୍ରାଙ୍ଗଣରେ ଏକ ଆଧ୍ୟାତମିକ ପସରିବେଶରେ ଅନୁଷ୍ଠିତ ହୋଇଯାଇଛି l
କାମଳପୁରରେ ପରମାନନ୍ଦ ପାଢ଼ୀ ଙ୍କ ତତ୍ୱାବଧାନରେ ପୂଜା ହେବାସହ ମଙ୍ଗୁଲି ମଠରେ ମା ବିନୋଦିନୀ ଦାସ ଙ୍କ ତତ୍ୱାବଧାନରେ,ସଡେଇ ଶାସନରେ ଆଲୋକ ପଣ୍ଡାଙ୍କ ତତ୍ୱାବଧାନରେ ପୂଜା ଅନୁଷ୍ଠିତ ହୋଇଥିଲା l ନୂଆପାରିରେ ଗ୍ରାମବାସୀଙ୍କ ସହାୟତାରେ ଏହି ପୂଜା ଅର୍ଚନା କରାଯାଇଥିଲା l ସ୍ଥାନୀୟ ଅଂଚଳର ଭକ୍ତ, ଶ୍ରଦ୍ଧାଳୁ ଓ ଜନସାଧାରଣ ଉପସ୍ଥିତ ହୋଇ ପୂଜା ଅର୍ଚନା କରିଥିଲେ l
ଦିବସ ସାରା ଭଜନ କୀର୍ତ୍ତନ ଅନୁଷ୍ଠିତ ହୋଇଥିଲା l ଏହି ପୂଜା ଦେଖିବାଲାଗି ଭିଡ ଜମିଥିଲା l ରାତ୍ରରେ ସବୁ ପରିବାର ପକ୍ଷରୁ ବଡ ବଡୁଆଙ୍କୁ ଆବାହନ କରିବାସହ ଶ୍ରାଦ୍ଧ ପକାଯାଇ କାଉଁରିଆ କାଠି ଜଳାଯାଇ ବଡ଼ବଡ଼ୁଆ ଙ୍କୁ ଡକାଯାଇଥିଲା l ଘରେ ଓ ବାହାରେ ଦୀପ ଓ ଆଲୋକ ସଜାଯାଇ ବାଣ ଫୁଟାଯାଇଥିଲା l
