ବେଲପଡ଼ା (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ମାରୱାଡ଼ି ଯୁବା ମଞ୍ଚ ଏବଂ ପ୍ରଗତି ଶାଖା ‘ଆନନ୍ଦ ସବକେ ଲିଏ’ କାର୍ଯ୍ୟକ୍ରମ ର ଆୟୋଜନ କରାଯାଇଥିଲା। ମଞ୍ଚର ସଭାପତି ମନୀଷ ଅଗ୍ରୱାଲଙ୍କ ନେତୃତ୍ବରେ ଯୁବା ମୋହନ ସୋନି ଏହି କାର୍ଯ୍ୟକ୍ରମରେ ସହଯୋଗ କରିଥିଲେ । ଚଳିତ ବର୍ଷ କଣ୍ଟାବାଞ୍ଜି ବାଳ ଆଶ୍ରମରେ କୁନି କୁନି ଛୁଆଙ୍କ ସହ ମିଶି ଦୀପାବଳୀ ପର୍ବ ପାଳନ କରାଯାଇଥିଲା ।
କାର୍ଯ୍ୟକ୍ରମରେ ରାଜ୍ୟ ବିଜେପି ଉପସଭାପତି ଶିବାଜୀ ମହାନ୍ତି, ଜିଲ୍ଲା ଉପସଭାପତି ବେଦବ୍ୟାସ ନାଗ, ସାଂସଦ ପ୍ରତିନିଧୂ ରାଜେଶ ଅଗ୍ରୱାଲ, ବାଳ ଆଶ୍ରମ ପରିଚାଳନା କମିଟି ସଦସ୍ୟ ଚିନ୍ମୟ ଯୋଶୀ ପ୍ରମୁଖ ଯୁବା ମଞ୍ଚର ସଦସ୍ୟ ଓ ସଦସ୍ୟା ସହ ମିଶି ଦୀପ ଜାଳି ଦୀପାବଳୀ ପର୍ବ ପାଳନ କରିଥିଲେ ।
ଅନ୍ୟ ପକ୍ଷରେ ସମସ୍ତ ଛୁଆଙ୍କ ପାଇଁ ଖେଳ ସାମଗ୍ରୀ, ପଢାରେ ଉପଯୋଗ ଆସୁଥିବା ଗଣିତ ବାକ୍ସ, ପାଣି ବୋତଲ ସହ ଅନ୍ୟ ପାଠ ପଢିବା ସାମଗ୍ରୀ ମଧ୍ୟ ବଣ୍ଟନ କରାଯାଇଥିଲା । କାର୍ଯ୍ୟକ୍ରମ ଅନ୍ୟତମ ସଂଯୋଜକ ଟୋଫି ଶର୍ମା ଏହି କାର୍ଯ୍ୟକ୍ରମ ବ୍ୟବସ୍ଥା ଦେଖୁବା ସହ ବାଳ ଆଶ୍ରମ କୁନି କୁନି ଛୁଆଙ୍କ କ୍ରିକେଟ ଖେଳ ଖେଳି ସମସ୍ତ ମୁହଁରେ ହସ ଆଣିଥିଲେ ।
