ବିଦ୍ୟାର୍ଥୀଙ୍କ ଦକ୍ଷତା ବିକାଶର ସୁଯୋଗ ଆଣିଛି ସୁରଭି

ଶିଶୁ ହେଉଛି ଦେଶର ସମ୍ପଦ l ସମ୍ବଲପୁରୀ ନୃତ୍ୟ ଦର୍ଶକଙ୍କ ମନମୋହିଥିଲା l

ରଣପୁର (ଓଡ଼ିଶା ତାଜା ନ୍ୟୁଜ୍) ନି.ପ୍ର :-  ରଣପୁର ବ୍ଲକ ଅନ୍ତର୍ଗତ କସନ୍ଦା ସାଧନ କେନ୍ଦ୍ରସ୍ତରୀୟ ଶିଶୁ ମହୋତ୍ସବର ସଭାପତି ତଥା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ସବାସ ଚନ୍ଦ୍ର ମହାପାତ୍ରଙ୍କ ସଭାପତିତ୍ୱରେ ଓ ରାମଚନ୍ଦ୍ର ନୋଡାଲ ସରକାରୀ ଉଚ୍ଚ ବିଦ୍ୟାଳୟ ଆନୁକୂଲ୍ୟରେ ବୁଧବାର ଦିନ କ୍ଲଷ୍ଟରସ୍ତରୀୟ ଶିଶୁ ମହୋତ୍ସବ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଅଛି l

ଏହି ଶିଶୁ ମହୋତ୍ସବରେ ମୁଖ୍ୟ ଅତିଥିଭାବେ ନୂଆପଲ୍ଲୀ ଗୋପବନ୍ଧୁ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଦୀପ କୁମାର ସାହୁ,ମୁଖ୍ୟବକ୍ତାଭାବେ ରଣପୁର ବ୍ଲକ ଶିକ୍ଷକ ସଂଘ ସମ୍ପାଦକ ପବିତ୍ର ମୋହନ ସାମନ୍ତରାୟ ଓ ସମ୍ମାନିତ ଅତିଥିଭାବେ କସନ୍ଦା ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ରୀନାରାଣୀ ପ୍ରଧାନ, କସନ୍ଦା ରାମଚନ୍ଦ୍ର ନୋଡାଲ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ମମତା ବେହେରା ପ୍ରମୁଖ ଯୋଗଦେଇ ଜଗତର ନାଥ ଜଗନ୍ନାଥଙ୍କ ପ୍ରତିମୂର୍ତ୍ତିରେ ଫୁଲ,ଚନ୍ଦନ,

ଧୂପ ଦୀପ ଦେଇ ଏହାକୁ ଶୁଭ ଉଦଘାଟନ କରିଥିଲେ l ଶିକ୍ଷକ ରାମବଲ୍ଳଭ ପଟ୍ଟଯୋଷୀ ବେଦପାଠ ଓ ରାମାବିଲ ନୋଡାଲ ଉ: ପ୍ରା ବିଦ୍ୟାଳୟର ସହକାରୀ ଶିକ୍ଷକ ମାନସ କୁମାର ପଟ୍ଟନାୟକ ସ୍ୱାଗତ ଭାଷଣ ଦେଇଥିଲେ ! ମନୋଜ କୁମାର ସାହୁ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ l ଏହି ଶିଶୁ ମହୋତ୍ସବରେ ସମୁଦାୟ ୧୨ଟି ବିଦ୍ୟାଳୟର ୨୦୦ଜଣ ଛାତ୍ରଛାତ୍ରୀ ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ l ଛାତ୍ର ଛାତ୍ରୀମାନଙ୍କ ମଧ୍ୟରେ ଚିତ୍ରାଙ୍କନ, ବକୃତା, ନୃତ୍ୟ, ସଂଗୀତ,ପ୍ରବନ୍ଧ,

ଗଳ୍ପକଥନ,ସୃଜନ ଶୀଳ ଲିଖନ, ଶୃତ ଲିଖନ, ଝୋଟି ଚିତା ଓ ପି.ଏମ ପୋଷଣ ଇତ୍ୟାଦି ୨୬ଟି ପ୍ରତିଯୋଗିତା ମାନ ଅନୁଷ୍ଠିତ ହୋଇଥିଲା l ଏହି ପ୍ରତିଯୋଗିତା ଗୁଡ଼ିକୁ ଶିକ୍ଷକ ସୁଶିଲ କୁମାର ସାହୁ, ସଚ୍ଚିକାନ୍ତ ଖଣ୍ଡାୟତ ରାୟ, ଶୁଧାଂଶୁ ମହାପାତ୍ର, ଅବକାଶ ନାୟକ, ପୂର୍ଣ୍ଣ ଚନ୍ଦ୍ର ମଣ୍ଡଳ,ସନ୍ତୋଷ ନାୟକ, ପର୍ଶୁରାମ ସ୍ୱାଇଁ,ଓ କାର୍ତ୍ତିକ ଚୌଧୁରୀ ପ୍ରମୁଖ ସହଯୋଗ କରି ପରିଚାଳନା କରିଥିଲେ l ଶିଶୁ ହେଉଛି ଦେଶର ସମ୍ପଦ l ଶିଶୁମାନେ ଦେଶ ଓ ଜାତିର ଭବିଷ୍ୟତ ତେଣୁ ଶିଶୁମାନଙ୍କ ମଧ୍ୟରେ ରହିଥିବା ଅନ୍ତର୍ନିହିତ ଗୁଣାବଳୀ ଓ ପ୍ରତିଭା ବିକଶିତ କରାଇବା ପାଇଁ ରାଜ୍ୟ ସରକାଙ୍କ ସ୍କୁଲ ଓ ଗଣଶିକ୍ଷା ବିଭାଗ ମାଧ୍ୟମରେ ଶିଶୁ ମହୋତ୍ସବ ସୁରଭି କାର୍ଯ୍ୟକ୍ରମ କରୁଅଛନ୍ତି ବୋଲି ମୁଖ୍ୟ ଅତିଥି ଶ୍ରୀ ମହାପାତ୍ର ସମସ୍ତଙ୍କୁ ପରାମର୍ଶ ଦେଇଥିଲେ l

ଶିଶୁମାନେ ଆଦର୍ଶ ତଥା ଗୁଣାତ୍ମକ ଶିକ୍ଷାଦାନ ପାଇଲେ ସମାଜର ଉନ୍ନତି ହୋଇପାରିବ ବୋଲି ମୁଖ୍ୟବକ୍ତା ଶ୍ରୀ ସାମନ୍ତରାୟ ସୂଚନା ପ୍ରଦାନ କରିଥିଲେ l ବିଚାରପତିଭାବେ ପ୍ରାକ୍ତନ ଶିକ୍ଷକ ବେଣୁଧର ଜେନା, ଠଣାପଲ୍ଲୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଫୁଲ୍ଲ କୁମାର ସାହୁ,ଶିକ୍ଷକ ଶୁଧାଂଶୁ ମହାପାତ୍ର ଓ ଅବକାଶ ନାୟକ, ଓ ପର୍ଶୁରାମ ସ୍ୱାଇ, ପ୍ରମୁଖ ଯୋଗଦେଇ ନୃତ୍ୟ, ଗୀତ, ସଂଗୀତ ନିର୍ଦେଶନାରେ ଛାତ୍ର ଛାତ୍ରୀମାନେ ଗୀତ ଗାଇବା ସଙ୍ଗେ ସଙ୍ଗେ ନୃତ୍ୟ ପ୍ରଦର୍ଶନ କରିଥିଲେ l କୃତୀ ପ୍ରତି ଯୋଗୀମାନଙ୍କୁ ସମସ୍ତ ନିମନ୍ତ୍ରିତ ଅତିଥିମାନେ ପ୍ରମାଣ ପତ୍ର ଓ ଟ୍ରଫି ପ୍ରଦାନ କରିଥିଲେ l

ଶିକ୍ଷୟିତ୍ରୀ ମିଲନ ମହାରଣା, ପ୍ରମୋଦିନୀ ପଟ୍ଟନାୟକ ପୁରସ୍କାର ବିତରଣ କାର୍ଯ୍ୟକ୍ରମକୁ ପରିଚାଳନା କରିଥିଲେ l ୨୨ଜଣ କୃତୀ ପ୍ରତିଯୋଗୀମାନେ ବ୍ଲକ ସ୍ତରୀୟ ଶିଶୁ ମହୋତ୍ସବ ସୁରଭି ପ୍ରତିଯୋଗିତାକୁ ଚୟନ ହୋଇପାରିଛନ୍ତି l ଛାତ୍ରୀମାନଙ୍କ ଦ୍ୱାରା ପରିବେଷଣ କରାଯାଇଥିବା “ସମ୍ବଲପୁରୀ ନୃତ୍ୟ” ଦର୍ଶକମାନଙ୍କର ମନମୋହିଥିଲା l ପରିଶେଷରେ ଶିକ୍ଷକ କାହ୍ନୁ ଚରଣ ମହାପାତ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l