ବେଲପଡ଼ା (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ଅଞ୍ଚଳର ଦଳିତ ସମ୍ପ୍ରଦାୟର ଯୁବକ ରାଜ୍ୟ ସରକାରଙ୍କ ପୁଲିସ ବିଭାଗରେ କାର୍ଯ୍ୟ କରି ସୁନାମ ଅର୍ଜନ କରିଥିବା ସତ୍ୟବାନ ମହାନନ୍ଦଙ୍କ ନିଧନ ହୋଇଛି। ସତ୍ୟବାନ ମହାନନ୍ଦ ଭିଜିଲାନ୍ସ ବିଭାଗରେ କାର୍ଯ୍ୟ କରୁଥିଲେ । ବଲାଙ୍ଗିର, କଳାହାଣ୍ଡି ଭିଜିଲାନ୍ସ ଡିଏସପି ଭାବରେ ଅନେକ ବର୍ଷ କାର୍ଯ୍ୟ ତୁଲେଇଥିବା ବେଳେ ଗତ କିଛି ବର୍ଷ ହେଲା ରାଉରକେଲା ଭିଜିଲାନ୍ସ ବିଭାଗର ମୁଖ୍ୟା ଭାବରେ କାର୍ଯ୍ୟ କରୁଥିଲେ ।
ବର୍ତ୍ତମାନ ସେ କଟକ ଜିଲ୍ଲାର ଭିଜିଲାନ୍ସ ଏସପି ରହିଥିବା ବେଳେ କାର୍ଯ୍ୟ ସାରି ଗୁରୁବାର ଫେରୁଥିବା ବେଳେ ରାସ୍ତାରେ ଅସୁସ୍ଥତା ଅନୁଭବ କରିଥିଲେ । ଫଳରେ ତାଙ୍କର ଗାଡ଼ି ଚାଳକ ଏକ ଘରୋଇ ଚିକିତ୍ସାଳୟରେ ଭର୍ତ୍ତି କରିଥିଲେ। ଡ଼ାକ୍ତର ପ୍ରାଥମିକ ଚିକିତ୍ସା କଲାପରେ ହୃଦଘାତରେ ପ୍ରାଣ ଯାଇଥିବା ଘୋଷଣା କରିଥିଲେ। ଶୁକ୍ରବାର ତାଙ୍କ ମର ଶରୀର କଣ୍ଟାବାଞ୍ଜି ସ୍ଥିତ ଗାଁ ଚଟୁଅନକା ପହଁଞ୍ଚି ପରେ ସ୍ଥାନୀୟ ମାନ୍ୟଗଣ୍ୟ ବ୍ୟକ୍ତି ବିଶେଷ ଶେଷ ଦର୍ଶନ କରିବା ପାଇଁ ପହଞ୍ଚିଥିଲେ ।
ବିଜଦ ଯୁବନେତା ଗିରିରାଜ ସିଂ ମାଝି ଚଟୁଅନକା ସ୍ଥିତ ମଶାଣୀକୁ ଯାଇ ପାର୍ଥବ ଶରୀରର ଶେଷ ଦର୍ଶନ କରି ତାଙ୍କ ଅମର ଆତ୍ମାର ସଦଗତି ପାଇଁ ପ୍ରାର୍ଥନା କରିଥିଲେ । ସେହିପରି ପୁଲିସ ବିଭାଗ ପକ୍ଷରୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା । ପ୍ରକାଶ ଯେ, ଆଉ ୧୧ ମାସ ରହିଥିଲା ତାଙ୍କର ଚାକିରି କାର୍ଯ୍ୟକାଳ । ସେ ଅନେକ ଗରିବ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ଶିକ୍ଷା କ୍ଷେତ୍ରରେ ସହଯୋଗ କରୁଥିଲେ ।
