ପୁରୀ ଜିଲ୍ଲା ସ୍ତରୀୟ ବିଜ୍ଞାନ ସେମିନାର ରେ ୩ କୃତିତ୍ବ ଛାତ୍ରଛାତ୍ରୀ

ପୁରୀ  (ଓଡ଼ିଶା ତାଜା ନ୍ୟୁଜ୍) ନି.ପ୍ର :-  ଜିଲ୍ଲା ସ୍ତରୀୟ ବିଜ୍ଞାନ ସେମିନାର ପୋଲିସ ଲାଇନ ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି l ଜିଲ୍ଲାରେ ଥିବା ୧୧ଟି ବ୍ଲକ ରୁ ସେମାନଙ୍କ ବ୍ଲକ ରେ ପ୍ରଥମ ହୋଇଥିବା ଛାତ୍ରଛାତ୍ରୀ ଜିଲ୍ଲା ସ୍ତରୀୟ ପ୍ରତିଯୋଗିତା ରେ ଅଂଶଗ୍ରହଣ କରିଥିଲେ l କ୍ୱାଣ୍ଟମ ଯୁଗ – ଏକ ଆହ୍ୱାନ ବିଷୟ ଆଧାରିତ ସେମିନାର ରେ କଡା ଟକ୍କର ଦେଖିବାକୁ ମିଳିଥିଲା lସେମାନଙ୍କ ମଧ୍ୟରୁ ଗୋପ ନିଗମାନନ୍ଦ ସରକାରୀ ହାଇସ୍କୁଲ ର ଶୁଭଶ୍ରୀ ସାହୁ ୧ମ ସ୍ଥାନ ଅଧିକାର କରିଥିଲେ l ପୁରୀ ବିଶ୍ୱମ୍ବର ବିଦ୍ୟା ପୀଠ ର ଦିବ୍ୟାଂଶୁ ବାହିନୀପତି ୨ୟ ସ୍ଥାନ ଅଧିକାର କରିଥିଲେ l ନିମାପଡା ହାଇ ସ୍କୁଲ ର ସୋମେଶ ପ୍ରତାପ ପ୍ରଧାନ ୩ୟ ସ୍ଥାନ ଅଧିକାର କରିଥିଲେ l

ପୋଲିସ ହାଇସ୍କୁଲ ରେ ଆୟୋଜିତ ଏକ ଉତ୍ସବ ରେ ମୁଖ୍ୟ ଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ଦୀପକ କୁମାର ପାଢ଼ୀ,ଶିକ୍ଷା ଅଧିକାରୀ ଦ୍ବିତିକାନ୍ତ ପ୍ରଧାନ ଓ ବିଜ୍ଞାନ ବିଭାଗ ର ସମସ୍ତ ସଦସ୍ୟମାନେ ଯୋଗ ଦେଇ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରିଥିଲେ l