– ସମଗ୍ର ଭାରତରୁ ୩୫ ଜଣ ଜାତୀୟ ଫାକଲ୍ଟି: ପ୍ରଫେସର ମାମ୍ମେନ ଚାଣ୍ଡି, ପ୍ରଫେସର ତପନ ସାଇକିଆ, ପ୍ରଫେସର ହରପ୍ରସାଦ ପତି, ପ୍ରଫେସର ଆର କେ ଜେନା, ପ୍ରଫେସର ଟି କେ ଡୋଲାଇ, ପ୍ରଫେସର ଜ୍ୟୋତିର୍ମୟ ପାଲ, ପ୍ରଫେସର ବିଜୁ ଜର୍ଜ, ପ୍ରଫେସର ନିରଞ୍ଜନ ତ୍ରିପାଠୀ, ପ୍ରଫେସର ମୈତ୍ରେୟୀ ଭଟ୍ଟାଚାର୍ଯ୍ୟ, ପ୍ରଫେସର ଡି କେ ମିଶ୍ର, ପ୍ରଫେସର ମନୋରଞ୍ଜନ ମହାପାତ୍ର, ପ୍ରଫେସର ରାଜୀବ ଦେ, ପ୍ରଫେସର ପ୍ରାନ୍ତର ଚକ୍ରବର୍ତ୍ତୀ, ପ୍ରଫେସର ଶୈଳେନ୍ଦ୍ର ପ୍ରସାଦ ବର୍ମା, ପ୍ରଫେସର ପ୍ରିୟଙ୍କା ସାମଲ, ଡ. ସୁଧା ସେଠୀ,
ଡ. ପ୍ରୀତିଶ ଚନ୍ଦ୍ର ପାତ୍ର, ଡ. ଶୁଭ୍ରନୀଳ ବଉଲ, ଡ. ଏକତା ଜାଜୋଡିଆ, ଡ. ସରୋଜ ବାଲା, ଡ. ଗୁରମିତ ସିଂ, ଡ. ବାସବ ବାଗଚୀ, ଡ. ଦେବମାଲ୍ୟ ଭଟ୍ଟାଚାର୍ଯ୍ୟ, ଡ. ଅନିଲ ଇରୋମ ସିଂ, ଡ. ଦାମୋଦର ଦାସ, ଡ. ଅଙ୍କିତ ଜିତାନି, ଡ. ରାଧିକା ସେଟ୍ଟି, ଡ. ମୀରା ଭି, ଡ. ଦିବ୍ୟଜ୍ୟୋତି ସାହୁ । ସମଗ୍ର ଓଡ଼ିଶାରୁ ୩୦୦ରୁ ଅଧିକ ଡାକ୍ତର ଅଂଶଗ୍ରହଣ କରୁଛନ୍ତି l
– ଜାତୀୟ ସିକଲ ସେଲ୍ ନିରାକରଣ କାର୍ଯ୍ୟକ୍ରମ ସମୟରେ ଦେଶରେ ଓଡ଼ିଶାରେ ସର୍ବାଧିକ ସଂଖ୍ୟକ ସିକଲ ସେଲ୍ ରୋଗୀ ରହିଥିବା ଜଣାଯାଇଛି: ଏହି ପ୍ରସଙ୍ଗ ଆଲୋଚନା କରାଯିବ ।
– ଲିମ୍ଫୋମା, ମାଇଲୋମା ଏବଂ ଲ୍ୟୁକେମିଆ ଭଳି ରକ୍ତ କର୍କଟ ରୋଗଗୁଡିକ ଯୋଗ୍ୟତାସମ୍ପନ୍ନ ହେମାଟୋଲୋଜିଷ୍ଟମାନଙ୍କ ଦ୍ୱାରା ସର୍ବୋତ୍ତମ ଭାବରେ ପରିଚାଳନା କରାଯାଉଛି ଯାହା ସମଗ୍ର ପୃଥିବୀରେ ଏକ ମାନକ କାର୍ଯ୍ୟଧାରା ହୋଇଛି ।
– ପ୍ରତ୍ୟେକ ଚିକିତ୍ସା ସଂସ୍ଥାନ/ଟର୍ସିଆରୀ ପ୍ରଯତ୍ନକାରୀ ସେଣ୍ଟର ପୂର୍ଣ୍ଣାଙ୍ଗ କ୍ଲିନିକାଲ ହେମାଟୋଲୋଜି ବିଭାଗ ଏବଂ ବିଏମ୍ଟି ୟୁନିଟ ଖୋଲିବାକୁ ଚାହୁଁଛନ୍ତି ଯାହାଦ୍ୱାରା ରୋଗୀମାନେ ଉପକୃତ ହେବେ ।
– ନିଖିଳ ଓଡ଼ିଶା ହେମାଟୋଲୋଜି କୁଇଜ୍ ଅନୁସ୍ନାତକମାନଙ୍କ ମଧ୍ୟରେ୨୦୨୫ ଅକ୍ଟୋବର ୧୨ ତାରିଖରେ ଆୟୋଜିତ ହେବ ।
– ପ୍ରାୟ ୬୦ଟି ଗବେଷଣା ନିବନ୍ଧ ଉପରେ ଆଲୋଚନା କରାଯିବ ।
– ବିଭିନ୍ନ ବିଭାଗର ବିଶେଷଜ୍ଞଙ୍କ ମଧ୍ୟରେ ସାଧାରଣ ପ୍ରସଙ୍ଗଗୁଡିକ ଉପରେ ପରସ୍ପର ମଧ୍ୟରେ ଭାବ ବିନିମୟ ଏବଂ ମତର ଆଦାନ ପ୍ରଦାନ କରାଯିବ; ହେମାଟୋଲୋଜିଷ୍ଟ ବନାମ ଫିଜିସିଆନ / ଅବ୍ଷ୍ଟେଟ୍ରିସିଆନ/ ଟ୍ରାନ୍ସଫ୍ୟୁଜନ ମେଡିସିନ ଫିଜିସିଆନଗଣ ।
– ରକ୍ତ ବ୍ୟତିକ୍ରମ ଏବଂ ରୋଗଗୁଡିକ ସମ୍ପର୍କରେ ଆଲୋଚନା କରିବା, ରୋଗ ନିରୂପଣ ଓ ଚିକିତ୍ସା କ୍ଷେତ୍ରରେ ଅଧୁନାତମ ପ୍ରଗତି ସମ୍ପର୍କରେ ଚିନ୍ତାଧାରାର ବିନିମୟ ସମ୍ପର୍କରେ ଆଲୋଚନା କରାଯିବ ଯାହା ଓଡ଼ିଶାରେ ପ୍ରତ୍ୟକ୍ଷ ଭାବରେ ରୋଗୀ ଚିକିତ୍ସାରେ ସହାୟକ ହେବ ।
– ଓଡ଼ିଶା ସମଗ୍ର ଦେଶରେ ହେମାଟୋଲୋଜି ସମ୍ପର୍କିତ ଚିକିତ୍ସା କ୍ଷେତ୍ରରେ ଦେଶରେ ନେତୃତ୍ୱ ନେଇଛି, ଏହା ରକ୍ତ ସମ୍ପର୍କିତ ରୋଗରେ ଆକ୍ରାନ୍ତ ରୋଗୀଙ୍କୁ ମାଗଣାରେ ପୂର୍ଣ୍ଣାଙ୍ଗ ଚିକିତ୍ସା ଏବଂ ସେବା ଯୋଗାଇ ଦେଉଛି ।
ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ସଂକ୍ରାମ, ଜୀବନଶୈଳୀ ସମ୍ପର୍କିତ ପୁରୁଣା ରୋଗଗୁଡିକର ବର୍ଦ୍ଧିତ ଉପସ୍ଥିତିର ମୁକାବିଲା କରିବାକୁ ଭାରତ କଠିନ ସଂଗ୍ରାମ କରୁଛି । ଭାରତ ବିଶେଷଭାବରେ ରକ୍ତହୀନତା, ଥାଲାସେମିଆ,ସିକଲ ସେଲ୍ ଆନେମିଆ, ହେମୋଫିଲିଆ ଏବଂ ରକ୍ତ କର୍କଟ ଭଳି ରକ୍ତ ସମ୍ପର୍କିତ ରୋଗ ଜନିତ ବିଶାଳ ବୋଝରେ ପ୍ରଭାବିତ ହେଉଛି ।
ଓଡ଼ିଶା ସମଗ୍ର ରାଷ୍ଟ୍ରରେ ଜାତୀୟ ସିକଲ୍ ସେଲ ନିରାକରଣ କାର୍ଯ୍ୟକ୍ରମ ସମୟରେ ସର୍ବାଧିକ ସଂଖ୍ୟକ ସିକଲ ସେଲ୍ ରୋଗରେ ଆକ୍ରାନ୍ତ (ଓଡ଼ିଶା ଜନସଂଖ୍ୟାର ବୟସ୍କ: ୨.୨%, ନାବାଳକ: ୮.୫%) ଭାବରେ ରେକର୍ଡ କରାଯାଇଥିଲା । ଥାଲାସେମିଆ ଏବଂ ଏଚ୍ବି ଇ ଭଳି ଅନ୍ୟ ପ୍ରକାରର ରୋଗକୁ ମିଶାଇଲେ ଓଡ଼ିଶା ଜନସଂଖ୍ୟାର ୧୫% ଏହି ଗୁଣସୂତ୍ର ରକ୍ତଜନିତ ରୋଗରେ ଆକ୍ରାନ୍ତ ହେଉଛନ୍ତି, ଯାହା ରାଜ୍ୟ ଉପରେ ବିପୁଳ ସାମାଜିକ-ଅର୍ଥନୈତିକ ବୋଝ ପକାଉଛି ।
ଏକ ଆକଳନରୁ ଜଣାଯାଇଛି ଯେ ଭାରତର ମୋଟ ଜନସଂଖ୍ୟାର ୫୦ ପ୍ରତିଶତ ବଂଶଗତ, ଗୁଣସୂତ୍ର ଠାରୁ ନେଇ ଅପପୁଷ୍ଟି ଓ ଅନ୍ୟାନ୍ୟ ଅଭାବରୁ ଯେକୌଣସି ପ୍ରକାର ରକ୍ତହୀନତାର ଶିକାର ହେଉଛନ୍ତି । ଓଡ଼ିଶାରେ ରକ୍ତହୀନତା ସମସ୍ୟା ଅଧିକ ଗୁରୁତର ରହିଛି ଏବଂ ରାଜ୍ୟର ଅନେକ ସ୍ଥାନରେ ହେମୋଗ୍ଲୋବିନୋପାଥିଜ୍ ଚିନ୍ତାଜନକ ସ୍ଥିତିରେ ରହିଛି । କେତେକ ସ୍ଥାନରେ ଏବଂ ସମୁଦାୟରେ ଏହା ୬୦ ପ୍ରତିଶତ ଭଳି ସ୍ଥିତିରେ ରହିଛି । ଏହାବ୍ୟତୀତ ହେମୋଫିଲିଆ ଏବଂ ରକ୍ତ କର୍କଟ ଭଳି ଅନ୍ୟାନ୍ୟ ରକ୍ତଜନିତ ରୋଗ ଦେଶର ଏହି ଭାଗରେ ସାଧାରଣ ଘଟଣା ହୋଇଛି ।
ଏହି ପୃଷ୍ଠଭୂମିରେ ଓଡ଼ିଶା ହେମାଟୋଲୋଜି, ଅକ୍ଟୋବର ୧୧ ଓ ୧୨ ତାରିଖରେ ଓଡ଼ିଶା ହେମାଟୋଲୋଜିର ୧୫ତମ ବାର୍ଷିକ ସମ୍ମିଳନୀ ଆୟୋଜନ କରୁଛି । ଏହାର ଉଦ୍ଦେଶ୍ୟ ହେଉଛି ରକ୍ତ ବ୍ୟତିକ୍ରମ ଏବଂ ତତ୍ସମ୍ପର୍କିତ ରୋଗଗୁଡିକର ବୋଝ ଏବଂ ହେମାଟୋଲୋଜି କ୍ଷେତ୍ରରେ ଦେଖା ଦେଉଥିବା ନୂଆ ନୂଆ ସମସ୍ୟାଗୁଡିକ ସମ୍ପର୍କରେ ଆଲୋଚନା କରିବା । ରୋଗ ନିରୂପଣ ଓ ଚିକିତ୍ସା କ୍ଷେତ୍ରରେ ଅଧୁନାତମ ପ୍ରଗତି ଏବଂ ଡାକ୍ତରମାନଙ୍କୁ ସାମ୍ପ୍ରତିକ ଘଟଣାଗୁଡିକ ପରିପ୍ରେକ୍ଷୀରେ ପୁନଃପ୍ରସ୍ତୁତ କରିବା ସମ୍ପର୍କିତ ଚିନ୍ତାଧାରା ଓ ଜ୍ଞାନର ବିନିମୟ କରାଯିବ ।
ଓଡ଼ିଶା, ପୂର୍ବ ଭାରତରୁ ୩୦୦ରୁ ଅଧିକ ଡାକ୍ତର ଏବଂ ବାଙ୍ଗାଲୋର, ମୁମ୍ବାଇ, ପଶ୍ଚିମବଙ୍ଗ, ଝାଡଖଣ୍ଡ, ରାଞ୍ଚି, ଭିଲାଇ, ପାଟନା, ରାୟପୁର, ଦିଲ୍ଲୀ, ଉତ୍ତର-ପୂର୍ବାଞ୍ଚଳ ଏବଂ ବିହାର ଆଦି ଦେଶର ବିଭିନ୍ନ ଭାଗରୁ ୩୫ ଜଣ ଜାତୀୟସ୍ତରର ଫାକଲ୍ଟି ଏହି ସମ୍ମିଳନୀରେ ଅଂଶଗ୍ରହଣ କରୁଛନ୍ତି । କର୍ମଶାଳା କାର୍ଯ୍ୟକ୍ରମରେ ବିପୁଳ ଆଗ୍ରହ ଥିବା ୧୨୦ ରେସିଡେଣ୍ଟ ଯୁବ ସ୍ନାତକୋତ୍ତର ମାନେ ଅଂଶଗ୍ରହଣ କରୁଛନ୍ତି । ଅକ୍ଟୋବର ୧୦ ତାରିଖରେ ଏସ୍ସିବି ମେଡିକାଲ କଲେଜ ଆଣ୍ଡ ହସପିଟାଲ, କଟକ; ଏମ୍ସ୍ ଭୁବନେଶ୍ୱର; ଆଇଏମଏସ୍ ଆଣ୍ଡ ସମ୍ ହସପିଟାଲ ୧ ଓ୨; ବାଗ୍ଚୀ କ୍ୟାନସର ହସପିଟାଲ, ଭୁବନେଶ୍ୱର ଠାରେ ପ୍ରାକ୍-ସମ୍ମିଳନୀ କର୍ମଶାଳା ଆୟୋଜିତ ହୋଇଥିଲା ଯେଉଁଥିରେ ସମଗ୍ର ଓଡ଼ିଶାରୁ ୧୨୦ ରେସିଡେଣ୍ଟ ଓ ସ୍ନାତକୋତ୍ତର ଅଂଶଗ୍ରହଣ କରିଥିଲେ ।
ପ୍ରଫେସର ଆର କେ ଜେନା, ପ୍ରାକ୍ତନ ଏଚ୍ଓଡି, କ୍ଲିନିକାଲ ହେମାଟୋଲୋଜି ବିଭାଗ, ଏସ୍ସିବିଏମସିଏଚ ଏବଂ ଇଣ୍ଡିଆନ ସୋସାଇଟି ଅଫ ହେମାଟୋଲୋଜି ଆଣ୍ଡ ବ୍ଲଡ ଟ୍ରାନ୍ସଫ୍ୟୁଜର ପୂର୍ବତନ ସଭାପତି, ଇଣ୍ଡିଆନ କଲେଜ ଅଫ ହେମାଟୋଲୋଜି, ଇଷ୍ଟର୍ଣ୍ଣ ହେମାଟୋଲୋଜି ଗ୍ରୁପ୍ ଏବଂ ଓଡ଼ିଶା ହେମାଟୋଲୋଜିର ସେକ୍ରେଟାରୀ କହିଥିଲେ, “ସମୁଦାୟ ଚିକିତ୍ସା ବିଜ୍ଞାନରେ ହେମାଟୋଲୋଜି ଦ୍ରୁତତମ ପ୍ରଗତିଶୀଳ ଶୃଙ୍ଖଳା ହୋଇଛି, ଯେଉଁକ୍ଷେତ୍ରରେ ରୋଗ ନିରୂପଣ ଏବଂ ଚିକିତ୍ସାର ସମସ୍ତ ଦିଗରେ ବିଜୁଳି ବେଗରେ ପରିବର୍ତ୍ତନ ଘଟୁଛି ।
ବିଶ୍ୱ ହେମାଟୋଲୋଜିର ବିଶିଷ୍ଟ ବ୍ୟକ୍ତିବିଶେଷଙ୍କ ଉପସ୍ଥିତିରେ ଏହି ସମ୍ମିଳନୀ ଆମପାଇଁ ଏକ ବିଶାଳ ସଫଳତା ହେବାକୁ ଯାଉଛି କାରଣ ଏହା ଓଡ଼ିଶାରେ ରୋଗୀ ଯତ୍ନ ସେବାରେ ଉନ୍ନତି ଆଣିବା ନିମନ୍ତେ ଉଲ୍ଲେଖନୀୟ ସହାୟକ ହେବାକୁ ଯାଉଛି । ଏଥିରେ ହେବାକୁ ଥିବା ଆଲୋଚନା ଏବଂ ଜ୍ଞାନର ଆଦାନ ପ୍ରଦାନ ରୋଗୀ ପରିଚାଳନାକୁ ପ୍ରତ୍ୟକ୍ଷ ଭାବରେ ରୂପାନ୍ତରିତ ହେବ ।” ଡ. ପ୍ରୀତିଶ ଚନ୍ଦ୍ର ପାତ୍ର, କନସଲ୍ଟାଣ୍ଟ, ହେମାଟୋଲୋଜି ଆଣ୍ଡ୍ ହେମାଟୋ-ଅଙ୍କୋଲୋଜି ଆପୋଲୋ ହସପିଟାଲ,
ଭୁବନେଶ୍ୱର ଏହି ସମ୍ମିଳନୀର ଅର୍ଗାନାଇଜିଂ ସେକ୍ରେଟାରୀ ଥିବାବେଳେ ସେ ଗୋଟିଏ ବିଷୟକୁ ଗୁରୁତ୍ୱ ଦେଇ କହିଛନ୍ତି ଯେ, “ଲିମ୍ଫୋମା, ମାଇଲୋମା ଏବଂ ଲ୍ୟୁକେମିଆଭଳି ରକ୍ତସମ୍ପର୍କିତ କର୍କଟ କ୍ଷେତ୍ରରେ ବ୍ୟାପକ ପରିବର୍ତ୍ତନ ଘଟିଛି । ସମସ୍ତ କର୍କଟ ରୋଗୀଙ୍କ କ୍ଷେତ୍ରରେ ଜଣେ ସବୁ ବିଭାଗର ବିଶାରଦ ହେବା ସମ୍ଭବ ନୁହେଁ । ସେଥିପାଇଁଏହି ରୋଗଗୁଡିକ ଯୋଗ୍ୟତା ସମ୍ପନ୍ନମାନଙ୍କ ଦ୍ୱାରା ସର୍ବୋତ୍ତମ ଭାବରେ ପରିଚାଳିତ ହେଉଛି ଯାହା ସମ୍ପ୍ରତି ସମୁଦାୟ ବିଶ୍ୱରେ ଏକ ମାନକ କାର୍ଯ୍ୟାଭ୍ୟାସ ହୋଇଛି ।”
ଓଡ଼ିଶା ଦୃଶ୍ୟପଟ୍ଟ ବିଗତ ବର୍ଷଗୁଡିକରେ ଓଡ଼ିଶା ହେମାଟୋଲୋଜି କ୍ଷେତ୍ରରେ ବିଶାଳ ଲମ୍ଫ ପ୍ରଦାନ କରିଛି । ଏହା ରୋଗୀମାନଙ୍କୁ ଯୋଗାଇ ଦିଆଯାଉଥିବା ସେବାଗୁଡିକ ନିମନ୍ତେ ସମଗ୍ର ଦେଶରେ ବାସ୍ତବରେ ଏକ ଆଦର୍ଶ ରାଜ୍ୟ ହୋଇଛି, ଯେଉଁଗୁଡିକ ମଧ୍ୟରୁ ଅଧିକାଂଶ ଅନ୍ୟ ରାଜ୍ୟ ସମେତ ସମସ୍ତ ରୋଗୀଙ୍କ ପାଇଁ ସମ୍ପୂର୍ଣ୍ଣ ମାଗଣା ଅଟେ । ରାଜ୍ୟ ସରକାର ନିଜର ପ୍ରୟାସ ଦ୍ୱାରା ଏସସିବି ଏମସିଏଚ୍ରେ ଏକ ପୂର୍ଣ୍ଣାଙ୍ଗ ବୋନ୍ ମ୍ୟାରୋ ପ୍ରତିରୋପଣ ସ୍ଥାପନ କରିଛନ୍ତି ଯାହା ଭାରତରେ ବିଏମ୍ଟି ଯୋଗାଇବାରେ ଏକମାତ୍ର ସରକାରୀ ହସପିଟାଲ ହୋଇଛି ଏବଂ ତାହାସହିତ ସମୁଦାୟ ପ୍ରତିରୋପଣ ସେବାଗୁଡିକ ମାଗଣାରେ ଯୋଗାଇ ଦିଆଯାଉଛି ।
ଆଜି ସୁଦ୍ଧା ୧୮୦ ଜଣ ରକ୍ତ କର୍କଟ ରୋଗୀ ସଫଳତାର ସହିତ ସମ୍ପୂର୍ଣ୍ଣ ମାଗଣା ବିଏମ୍ଟି ସେବା ପାଇସାରିଛନ୍ତି । ଓଡ଼ିଶାରେ ଆଇଏମଏସ୍ ଆଣ୍ଡ ସମ୍ ହସପିଟାଲ ଅନ୍ୟ ଏକ ସେଣ୍ଟର ଯାହା ବିଏମ୍ଟି ସେବା ଯୋଗାଇ ଦେଉଛି ଏବଂ ଏଠାରେ ପୂର୍ଣ୍ଣାଙ୍ଗ କ୍ଲିନିକାଲ ହେମାଟୋଲୋଜି ବିଭାଗ ରହିଛି । ଏମସ୍ ଭୁବନେଶ୍ୱର, କିମ୍ସ ବାଗଚୀ କ୍ୟାନସର ହସପିଟାଲ ଏବଂ ଆପୋଲୋ ହସପିଟାଲ ମଧ୍ୟ ବିଏମ୍ଟି ସେବା ସହିତ ପୂର୍ଣ୍ଣାଙ୍ଗ ହେମାଟୋଲୋଜି ଅଙ୍କୋଲୋଜି ବିଭାଗର ସେବା ଯୋଗାଇ ଦେଉଛନ୍ତି ।
ଓଡ଼ିଶା ସରକାର ମଧ୍ୟ ଭିମ୍ସାର, ବୁର୍ଲାରେ ଏକ ପୂର୍ଣ୍ଣାଙ୍ଗ କ୍ଲିନିକାଲ ହେମାଟୋଲୋଜି ବିଭାଗ ଖୋଲିଛନ୍ତି ଏବଂ ନିକଟ ଭବିଷ୍ୟତରେ ପିଜିଆଇଏମ୍ଇଆର, ଭୁବନେଶ୍ୱର ଓ ଏମ୍କେସିଜି ମେଡିକାଲ କଲେଜ, ବ୍ରହ୍ମପୁର ଆଦି ଅନ୍ୟାନ୍ୟ ପ୍ରତିଷ୍ଠାରେ ଏହା ଖୋଲିବା ଯୋଜନା ରଖିଛନ୍ତି । ରାଜ୍ୟ ମଧ୍ୟ ଥାଲାସେମିଆ, ସିକଲ ସେଲ୍ ରୋଗ ଏବଂ ହେମୋଫିଲିଆ ପାଇଁ ରକ୍ତ ଯୋଗାଣ ମାଗଣା କରିଛି ଏବଂ ତାହାସହିତ ରୋଗୀମାନଙ୍କୁ ମାଗଣାରେ ଜୀବନ ରକ୍ଷାକାରୀ ଔଷଧ ଓ ବ୍ଲଡ ଫାକ୍ଟର ଯୋଗାଇ ଦେଉଛି ।
ଏହି ସମସ୍ତ ବିଶାଳ ଚିକିତ୍ସା ସମସ୍ୟା ରୋକିବାକୁ ଏକ ପୂର୍ଣ୍ଣାଙ୍ଗ ଆଭିମୁଖ୍ୟ ସହିତ ଓଡ଼ିଶା ସରକାରଙ୍କ ଦ୍ୱାରା ନିକଟରେ ‘ଓଡ଼ିଶାସିକଲ ସେଲ୍ ଡିଜିଜ ଆଣ୍ଡ ଥାଲାସେମିଆ କଣ୍ଟ୍ରୋଲ ପ୍ରୋଗ୍ରାମ’ କାର୍ଯ୍ୟକାରୀ କରାଯାଇଛି- ଯାହା ସମୁଦାୟ ଦେଶରେ ଏହି ଧରଣର ପ୍ରଥମ କାର୍ଯ୍ୟକ୍ରମ ହୋଇଛି ଏବଂ ଜାତୀୟ ସିକଲ ସେଲ୍ ନିରାକରଣ କାର୍ଯ୍ୟକ୍ରମ ପାଇଁ ବିପୁଳ ସହାୟକ ହେଉଛି । କଟକ, ଭୁବନେଶ୍ୱର, ବୁର୍ଲା ଏବଂ ବ୍ରହ୍ମପୁର ସମେତ ଅନେକ ସ୍ଥାନରେ ଡେ କେୟାର ସେଣ୍ଟର କାର୍ଯ୍ୟ କରୁଛି ଯାହା ଥାଲାସେମିଆ, ସିକଲସେଲ୍ ରୋଗ, ହେମୋଫିଲିଆ ଏବଂ ରକ୍ତ କର୍କଟ ରୋଗୀମାନଙ୍କୁ ସ୍ୱାସ୍ଥ୍ୟସେବା ଯୋଗାଇ ଦେଉଛି ।
ଥାଲାସେମିଆ, ସିକଲସେଲ୍ ରୋଗ, ଆପ୍ଲାଷ୍ଟିକ ଆନେମିଆ, ବିଭିନ୍ନ ରକ୍ତ କର୍କଟ ଏବଂ ଅନ୍ୟାନ୍ୟ କର୍କଟ ରୋଗାକ୍ରାନ୍ତ ହଜାର ରୋଗୀ ଆମ ରାଜ୍ୟରେ ଆରୋଗ୍ୟ ଲାଭ କରିବା ଏବଂ ବଞ୍ଚିବା ନିମନ୍ତେ ବିଏମ୍ଟି ପଦ୍ଧତି ଆବଶ୍ୟକ କରୁଛନ୍ତି । ଏହିଭଳି ସୁବିଧା ଉପଲବ୍ଧ କରିବା କ୍ଷେତ୍ରରେ ବିଶାଳ ତାରତମ୍ୟ ରହୁଛି ଏବଂ ସେଥିପ୍ରତି ତୁରନ୍ତ ଦୃଷ୍ଟି ଦିଆଯିବାର ଆବଶ୍ୟକତା ରହିଛି । ଋକ୍ତ କର୍କଟ ଏବଂ ଅନ୍ୟାନ୍ୟ ରକ୍ତଜନିତ ରୋଗଗୁଡିକ ନିମନ୍ତେ ସମସ୍ତ ରୋଗୀଙ୍କୁ ବିଭିନ୍ନ କଲ୍ୟାଣକାରୀ ଯୋଜନାଗୁଡିକ ଦ୍ୱାରା ବ୍ୟୟବହୁଳ ଔଷଧ ଯୋଗାଇଦେବାକୁ ମଧ୍ୟ ସରକାର ପଦକ୍ଷେପ ନେଉଛନ୍ତି । ଆମ ରାଜ୍ୟର ବିଭିନ୍ନ ଭାଗରେ ସମସ୍ତ ପ୍ରକାର ରକ୍ତଜନିତ ରୋଗ ପରିଚାଳନା ସୁଗମ କରିବା ନିମନ୍ତେ ସରକାର ଉପରୋକ୍ତ ବିଷୟଗୁଡିକ ପ୍ରତି ସକ୍ରିୟ ଭାବରେ ପଦକ୍ଷେପ ନେଉଛନ୍ତି ।
ଡ.ପ୍ରୀତିଶ ଚନ୍ଦ୍ର ପାତ୍ର ପ୍ରଫେସର (ଡ.) ଆର କେ ଜେନା କନ୍ସଲଟାଣ୍ଟ, ପ୍ରଫେସର ଆଣ୍ଡ୍ ବିଏମଟି ଫିଜିସିଆନ ହେମାଟୋଲୋଜିଷ୍ଟ ଆଣ୍ଡ ହେମାଟୋ-ଅଙ୍କୋଲୋଜି ଅର୍ଗାନାଇଜିଂ ଚେୟାରପର୍ସନ ଆପୋଲୋ ହସପିଟାଲ, ଭୁବନେଶ୍ୱର ଓଡ଼ିଶା ହେମାଟୋଲୋଜି ସେକ୍ରେଟାରୀ ଅର୍ଗାନାଇଜିଂ ସେକ୍ରେଟାରୀ ସେଲ୍ ନମ୍ବର: – ୯୧ ୯୪୩୭୦୨୨୪୩୪
