ଏନଏସି ଅଧ୍ୟକ୍ଷା ଏବଂ କାର୍ଯ୍ଯ ନିର୍ବାହୀ ଅଧିକାରୀଙ୍କ ଦୃଷ୍ଟି ଗୋଚର ହେଉଥିଲେ ମଧ୍ୟ କୌଣସି ପଦକ୍ଷେପ ନ ନେବା ସାମାଜିକ ସ୍ବାର୍ଥ ସାଧନ କାର୍ଯ୍ୟରେ ବାଧା ସୃଷ୍ଟି କରିଛି ।
ରଣପୁର (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ବିଗତ ବର୍ଷରେ ରାଜ୍ୟ ସରକାରଙ୍କ ସହାୟତା ଅର୍ଥ ରାଶି ଅନୁମୋଦନ କରାଯାଇ ରଣପୁର ଏନଏସି ପକ୍ଷରୁ ଜିମ୍ ସେଣ୍ଟର୍ ଗୁଡ଼ିକ ନିର୍ମାଣ କରାଯାଇଥିଲା । ଯାହାକି ଏକ ସୁସ୍ଥ ସମାଜ ଗଢ଼ିବାରେ ସହାୟକ ହେବ । ସୁସ୍ଥ ସମାଜ ଗଠନ ପାଇଁ ଶାରିରୀକ ବ୍ୟାୟାମର ନିତ୍ୟାନ୍ତ ଆବଶ୍ୟକ ରହିଛି । ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ସମାଜ ର ସୁସ୍ଥତା କୁ ଆଖି ଆଗରେ ରଖି ସରକାରଙ୍କ ସହାୟତା ରାଶି ପ୍ରଦାନ କରାଯାଇଥିଲା ।
ତେବେ ଜିମ୍ ସେଣ୍ଟର୍ ନିର୍ମାଣ ହେବାର ଦୀର୍ଘବର୍ଷ ହେଲେ ହେଁ ତାହା କୌଣସି ବ୍ୟବହାର ଉପଯୋଗୀ ହୋଇପାରିନାହିଁ । ତନ୍ମଧ୍ୟରୁ ଏନଏସି କାର୍ଯ୍ୟାଳୟ ସମ୍ମୁଖରେ ଏକ ଜିମ୍ ସେଣ୍ଟର୍ ନିର୍ମାଣ କରାଯାଇଥିଲା ଏବଂ ତାହାର ସଠିକ୍ ରକ୍ଷଣା ବେକ୍ଷଣ ନ ହେବା କାରଣରୁ ତାହାର ଗେଟ୍ ଭାଙ୍ଗିଯିବା ସହିତ ତାହା ମଦୁଆ ଓ ଗାଈଗୋରୁଙ୍କ ଆଡ୍ଡା ସ୍ଥଳୀ ପାଲଟିଥିବା ଦେଖିବାକୁ ମିଳିଛି ।
ପ୍ରତ୍ୟେକ ଦିନ ଶତାଧିକ ଗାଈ ଜିମ ସେଣ୍ଟର୍ ଭିତରେ ଆଶ୍ରୟ ନେଉଥିବା ବେଳେ ଗଞ୍ଜେଇ ମଦ ପିଉଥିବା ନିଶାଶକ୍ତ ଲୋକ ମାନଙ୍କ ଦ୍ଵାରା ତାହା ସମ୍ପୂର୍ଣ୍ଣ ଅପରିଷ୍କାର ହୋଇ ପଡ଼ିରହିଛି । ଏନଏସି ଅଧ୍ୟକ୍ଷା ଏବଂ କାର୍ଯ୍ଯ ନିର୍ବାହୀ ଅଧିକାରୀଙ୍କ ଦୃଷ୍ଟି ଗୋଚର ହେଉଥିଲେ ମଧ୍ୟ କୌଣସି ପଦକ୍ଷେପ ନ ନେବା ସାମାଜିକ ସ୍ବାର୍ଥ ସାଧନ କାର୍ଯ୍ୟରେ ବାଧା ସୃଷ୍ଟି କରିଛି ।
ବିଜେଡି ସରକାରଙ୍କ ଦ୍ଵାରା ନିର୍ମିତ ଜିମ୍ ସେଣ୍ଟର୍ ଖତ ଖାଉଥିବା ବେଳେ ଡବଲ ଇଞ୍ଜିନ ସରକାରର ନେତାନେତ୍ରୀ ଙ୍କ କୌଣସି ରକ୍ଷଣା ବେକ୍ଷଣ ଦେଖିବାକୁ ମିଳୁନାହିଁ । ଏଭଳି ଲୋକ ହିତକର ପ୍ରକଳ୍ପର ଯତ୍ନ ନେବା ତଥା ସୁସ୍ଥ ସମାଜ ଗଠନ ଦିଗରେ
ଆଗକୁ ପ୍ରେରଣା ପ୍ରଦାନ କରିବା ଲୋକ ପ୍ରତିନିଧି ମାନଙ୍କ କର୍ତ୍ତବ୍ୟ ହୋଇଥିଲେ ହେଁ ରକ୍ଷକ ଭକ୍ଷକ ସାଜିଲା ପରି ରକ୍ଷଣା ବେକ୍ଷଣ ଦାୟିତ୍ଵ ବହନ କରୁଥିବା ଏନଏସି ଜିମ୍ ସେଣ୍ଟରକୁ ଗୋରୁ ଗାଈମାନଙ୍କ ର ଆଶ୍ରୟ ସ୍ଥଳୀ କରାଇବାରେ ସହାୟକ ସାଜିଥିବା ରଣପୁର ଏନଏସିରେ ବଡ ଚର୍ଚ୍ଚାର ବିଷୟ ପାଲଟିଛି ।
