ପୁରୀ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଧର୍ମମାସ କାର୍ତ୍ତିକ ରେ ରାଜ୍ୟ ର ବିଭିନ୍ନ ସ୍ଥାନରୁ ଶହ ଶହ କାର୍ତ୍ତିକ ବ୍ରତଧାରି ହବିଷ୍ୟାଳିମାନେ ପୁରୀ କୁ ଆସି ଏକ ମାସ ବ୍ରତ ପାଳନ କରିବେ | ସେମାନେ ନିର୍ବିଘ୍ନ ଭାବେ ରହିବା ସହିତ ଭକ୍ତିଭାବରେ ପୁଷ୍କରିଣୀ ସ୍ନାନ କରିବା ପାଇଁ ବ୍ୟାପକ ପୋଲିସ ସୁରକ୍ଷା ବ୍ୟବସ୍ଥା କରାଯାଇଛି | ପୁରୀ ସହରର ୫ଟି ସ୍ଥାନରେ ହବିସିଆଳି ମା’ମାନଙ୍କ ପାଇଁ ରହିବା ବ୍ୟବସ୍ଥା କରାଯାଇଛି | ନରେନ୍ଦ୍ରକୋଣ ବୃନ୍ଦାବତୀ ନିବାସ,ରେଲୱେ ପର୍ଯ୍ୟଟକ କମ୍ପ୍ଲେକ୍ସ/ରେଲୱେ କଲ୍ୟାଣ ମଣ୍ଡପ,ବାଗଲା ଧର୍ମଶାଳା ଓ ମୋଚିସାହି ମ୍ୟୁନିସିପାଲିଟି କଲ୍ୟାଣ ମଣ୍ଡପ ରେ ରହିବା ଓ ଖାଇବା ବ୍ୟବସ୍ଥା କରାଯାଇଛି |
ଏହି ସ୍ଥାନଗୁଡ଼ିକରେ ପୋଲିସ୍ ପକ୍ଷରୁ ସୁରକ୍ଷା, ଶୃଙ୍ଖଳା ଓ ସୁବିଧା ନିମନ୍ତେ ସମସ୍ତ ବ୍ୟବସ୍ଥା କରାଯାଇଛି। ନରେନ୍ଦ୍ର ପୁଷ୍କରିଣୀ, ଶେତ୍ୱଗଙ୍ଗା, ମାର୍କଣ୍ଡେଶ୍ୱର, ଇନ୍ଦ୍ରଦୁମ୍ନ ପୁଷ୍କରଣୀ ମାନଙ୍କରେ ସ୍ନାନ ପାଇଁ ଭକ୍ତ ସଂଖ୍ୟା ବଢିବ। ସେଥିପାଇଁ ପ୍ରତ୍ୟେକ ପୁଷ୍କରିଣୀରେ ସ୍ୱତନ୍ତ୍ର ପୋଲିସ୍ ବ୍ୟବସ୍ଥା କରାଯାଇଛି। ଏ ସମ୍ପର୍କରେ ଏସ ପି ପ୍ରତୀକ ସିଂ ଗଣମାଧ୍ୟମ କୁ ସୂଚନା ଦେଇ କହିଛନ୍ତି ଶ୍ରୀମନ୍ଦିର ପରିସରରେ ସମସ୍ତ ଫୋର୍ସ ଓ ଅଫିସରଙ୍କୁ ବ୍ରିଫିଙ୍ଗ କରି, ଆସୁଥିବା ସମସ୍ତ ଭକ୍ତଙ୍କ ସହ ଶିଷ୍ଟାଚାର, ସମ୍ମାନ ଓ ସହାୟତାମୂଳକ ବେବହାର କରିବାକୁ ନିର୍ଦେଶ ଦେଇଛନ୍ତି।ସେଥିସହ ପୁଷ୍କରିଣୀ ସ୍ଥାନଗୁଡ଼ିକୁ ଯାଇ ସୁରକ୍ଷା ଵେବସ୍ତା ପରିଦର୍ଶନ କରିଥିଲେ।
ହବିଷ୍ୟାଳୀ ମାନେ ରହିବା ସ୍ଥାନରେ ୧ ଜଣ ଅତିରିକ୍ତ ଏସପି,ଡ଼ିଏସପି ୬ ଜଣ,ଇନିସ୍ପେକ୍ଟର ୫ ଜଣ,ଏସ ଆଇ/ଏ ଏସ ଆଇ ୬ ଜଣ,କନେଷ୍ଟେବଲ ୬ ଜଣ,ମହିଳା କନେଷ୍ଟେବଲ ୧୮ଜଣ,ଡବ୍ଲୁ ଏଚ ଜି ଏସ ୨୪ ଜଣ,ଫୋର୍ସ ୬ ସେକ୍ସନ ନିୟୋଜିତ ହେବେ |. ଏସପି କହିଛନ୍ତି “ହବିସିଆଳି ମା’ମାନଙ୍କ ପାଇଁ ପୋଲିସ୍ ପକ୍ଷରୁ ସୁରକ୍ଷା, ସୁବିଧା ଓ ଶୃଙ୍ଖଳାପୂର୍ଣ୍ଣ ଵେବସ୍ତା କରାଯାଇଛି। ପୋଲିସ୍ ସର୍ବଦା ଭକ୍ତଙ୍କ ସେବାରେ ପ୍ରତିବଦ୍ଧ।
