ଆର,ଉଦୟଗିରି (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଗଜପତି ଜିଲ୍ଲା ଏକ ଆଦିବାସୀ ବହୁଳ ଅଞ୍ଚଳର । ରା,ଉଦୟଗିରି ସରକାରୀ ଯୋଜନା ବାଟବଣା ହେବାରେ ଲାଗିଛି ଯାହାକୁ ନେଇ ଅଞ୍ଚଳର ଜନସାଧାରଣଙ୍କ ମଧ୍ୟରେ ତିବ୍ର ଅସନ୍ତୋଷ ତେଜିବାରେ ଲାଗିଛି । ରା,ଉଦୟଗିରି ବ୍ଳକର ପ୍ରତ୍ୟେକ ପଞ୍ଚାୟତରେ ପରିମଳ ବ୍ୟବସ୍ଥାରେ ସୁଧାର ଆଣିବା ପାଇଁ ଗାଁ କଲ୍ୟାଣ ସମିତିକୁ ଦାୟିତ୍ବ ଦିଆଯାଇଛି ।
ତଦରଖ ଅଭାବରୁ ଅନେକ ସମିତି ଠିକ୍ ? ଭାବେ କାର୍ଯ୍ୟ କରୁନଥିବା ଅଭିଯୋଗ ହେଉଛି ଗ୍ରାମଗୁଡିକରେ କୁଢ କୁଢ ଆବର୍ଜନା ଜମା ହୋଇ ରହିଛି । ନଳକୂପ ମଳରେ ପାଣି ଜମା ହୋଇ ରହିବାରୁ ଦୁର୍ଗନ୍ଧ ହେଉଛି । ଗ୍ରାମବାସୀ ସେହି ଜଳ ବ୍ୟବହାର କରି ବିଭିନ୍ନ ରୋଗରେ ଆକ୍ରାନ୍ତ ହେଉଛନ୍ତି । ପ୍ରତ୍ୟେକ ଗାଁ କଲ୍ୟାଣ ସମିତିକୁ ବାଷିକ ୧୦ ହଜାର ଟଙ୍କା ଅନୁଦାନ ମିଳୁଛି । ଅନେକ ସ୍ଥାନରେ ଏହାର ବିନିଯୋଗ ହେଉନଥିବା ଅଭିଯୋଗ ହେଉଛି ।
ଗାଁ କଲ୍ୟାଣ ସମିତି କେବଳ ଫଂଳକ ଲେଖି ନିଜର ଦାୟିତ୍ବ ସାରିଦେଉଛନ୍ତି ଓ ଲେଖା ଯାଉଥିବା ଫଳକକୁ ପ୍ରତିବର୍ଷ ଲିଭାଇ ଦିଆଯାଇ ପୁନଶ୍ଚ ଲେଖା ଦିଆଯାଇଛି । ଯୋଜନାର ଲକ୍ଷ ଓ କାର୍ଯ୍ୟ ସମ୍ପର୍କରେ ଦୀର୍ଘ ବର୍ଷ ବିତି ଯାଇଥିଲେ ମଧ୍ୟ ଅନେକ ଗ୍ରାମବାସୀ ଜାଣିପାରୁ ନଥିବା ଅଭିଯୋଗ ହେଉଛି । ଅନୁଦାନର ସଠିକ ବିନିଯୋଗ ପତ୍ର (ୟୁସି) ପ୍ରଦାନ ପ୍ରତି ଗୁରୁତ ଦିଗରେ ଅଧିକାରୀ ନିଜ ମଣ୍ଡରୁ ଦାୟିତ୍ବ ଖସାଇ ଦେଉଥିବା ଜଣାପଢିଛି ଓ ଜିଲ୍ଲାପାଳ ଏଥିପ୍ରତି ଦୃଷ୍ଟି ଦେବାକୁ ରା,ଉଦୟଗିରି ଅଞ୍ଚଳର ବୃଦ୍ଧିଜୀବୀମାନେ ଦାବି କରିଛନ୍ତି ।
