ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) ନି.ପ୍ର :- କୋଲକାତାରେ କ୍ୱାଲିଟି ସର୍କଲ ଫୋରମ୍ ଅଫ୍ ଇଣ୍ଡିଆ (କ୍ୟୁସିଏଫ୍ଆଇ) କୋଲକାତା ଚାପ୍ଟର ଦ୍ୱାରା ଆୟୋଜିତ ୩୮ତମ ଚାପ୍ଟର କନଭେନସନ୍ ଅନ୍ କ୍ୱାଲିଟି କନସେପ୍ଟ (ସିସିକ୍ୟୁସି ୨୦୨୫)ରେ ଆର୍ସଲରମିତ୍ତଲ ନିପ୍ପନ୍ ଷ୍ଟିଲ୍ ଇଣ୍ଡିଆ (ଏଏମ୍/ଏନ୍ଏସ୍ ଇଣ୍ଡିଆ)ର ଓଡ଼ିଶା ଅପରେସନ୍ସ ୪ଟି ଗୋଲ୍ଡ ପୁରସ୍କାର ହାସଲ କରିଛି । ଦୁଇଟି ଦଳ – ଟେକ୍ ଟାଇଟନ୍ସ ଏବଂ ସିଙ୍କ୍ରୋନ୍ସ, କ୍ୱାଲିଟି ସର୍କଲ ବର୍ଗରେ ପ୍ରତିଦ୍ୱନ୍ଦ୍ୱିତା କରି ପ୍ରଭାବଶାଳୀ ଏବଂ ଅଭିନବ ପ୍ରକଳ୍ପ ଉପସ୍ଥାପନ କରିଥିଲେ ।
ଏହି ଅବସରରେ ଏଏମ୍/ଏନ୍ଏସ୍ ଇଣ୍ଡିଆ ଓଡ଼ିଶା ଅପରେସନ୍ସ ମୁଖ୍ୟ ଶ୍ରୀ ସୁରେଶା ଜି କହିଛନ୍ତି, “ଏହି ସଫଳତା ଆମ ସଂଗଠନକୁ ପରିଭାଷିତ କରୁଥିବା କଠିନ ପରିଶ୍ରମ ଏବଂ ସହଯୋଗର ଭାବନାକୁ ପ୍ରତିଫଳିତ କରୁଛି। ଆମେ ନିଜ ଟିମ୍ ର ଅନୁକରଣୀୟ ପ୍ରଦର୍ଶନକୁ ପ୍ରଶଂସା କରୁଛୁ ଏବଂ ଉତ୍କର୍ଷତା ଆଡ଼କୁ ଆମର ଯାତ୍ରା ଜାରି ରଖିବା ସହିତ ସେମାନଙ୍କ ସଫଳତାରୁ ପ୍ରେରଣା ନେଉଛୁ।” ସିସିକ୍ୟୁସି ୨୦୨୫ ପ୍ରତିଯୋଗିତାରେ ଉଚ୍ଚ ପ୍ରତିଷ୍ଠିତ ସଂଗଠନଗୁଡ଼ିକର ୭୪ ଟି ଟିମ୍ ଅଂଶଗ୍ରହଣ କରିଥିଲେ ।
