ପାରଳାଖେମୁଣ୍ଡିପୁରୀ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଗଜପତି ଜିଲ୍ଲା ଅବକାରୀ ବିଭାଗ ଏବଂ ବ୍ରହ୍ମପୁର ଅବକାରୀ ଗୁଇନ୍ଦା ଅଧୀକ୍ଷକ ସ୍ମୃତିକାନ୍ତ ରାଉତଙ୍କ ନେତୃତ୍ବରେ ବିପୁଳ ପରିମାଣର ଚୋରା ଦେଶୀ ଓ ବିଦେଶୀ ମଦ ଜବତ କରିବା ସହ ମଦ ଚୋରା କାରବାରରେ ସମ୍ପୃକ୍ତ ୭ ଜଣଙ୍କୁ ଗିରଫ କରିଥିବା ସୂଚନା ମିଳିଛି l
ଘଟଣାରୁ ପ୍ରକାଶ, ଗାରାବନ୍ଧ ଥାନା ଅନ୍ତର୍ଗତ ବଡ଼ହଂସା ଓ ପାରଳାଖେମୁଣ୍ଡି ଥାନାର ଦେବୀତି ଗ୍ରାମରେ ଚଢ଼ଉ କରାଯାଇ ୪୭ ଲିଟର ବିଅର, ୧୯ ଲିଟର ବିଦେଶୀ ମଦ, ୧୨୭ ଲିଟର ଦେଶୀମଦ ଜବତ କରାଯାଇଛି l
ବେଆଇନ ଭାବେ ରଖିଥିବା ଅଭିଯୋଗରେ କୃପାସିନ୍ଧୁ ଚୌଧୁରୀ (୫୨), ଭୀଷ୍ମାନନ୍ଦ ପୁରା (୪୨), କେ. ରାମ(୪୦), ସୁଜିତ ନାଗବଂଶ (୩୩), ଜି. ଗୌରୀ ଆମ୍ମା (୫୮), ଏ. ରାମାଲୁ ଆମ୍ମା (୬୦), ଭୂଦେବୀ ନାଗବଂଶ (୫୦)ଙ୍କୁ କୋର୍ଟ ଚାଲାଣ କରାଯାଇଛି । ଏହି ଚଢ଼ଉରେ ନାରାୟଣ ଜେନା, ଅଜିତ ନାୟକ, ନର୍ମତା ନାହାକ, ଉମାରାଣୀ ମହାନ୍ତି ପ୍ରମୁଖ ସାମିଲ ହୋଇଥିଲେ ।
