ବେଲପଡ଼ା (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଓଡିଶା ସରକାର ଅନ୍ତର୍ଗତ ଉଚ୍ଚ ଶିକ୍ଷା ବିଭାଗ ସଚିବ ଙ୍କ ଦ୍ୱାରା 17 ତାରିଖରେ”ମା ପାଇଁ ଗଛଟିଏ”କାର୍ଯ୍ୟକ୍ରମ ସମଗ୍ର ଓଡ଼ିଶାର ଉଚ୍ଚ ଶିକ୍ଷା ଅନୁଷ୍ଠାନ ମାନଙ୍କରେ କାର୍ଯ୍ୟକାରୀ କରିବାପାଇଁ ନିର୍ଦେଶ ଦିଆଯାଇଥିଲା!ଏହି ଆଧାରରେ ମହିଳା ସ୍ନାତକ ମହାବିଦ୍ୟାଳୟ କଣ୍ଟାବାଞ୍ଜି ର ଛାତ୍ରୀମାନଙ୍କ ଦ୍ୱାରା ସାମୁହିକ ବୃକ୍ଷ ରୋପଣ କାର୍ଯ୍ୟକ୍ରମ ମହାବିଦ୍ୟାଳୟ ର ଅଧକ୍ଷ ଶ୍ରୀ ରାଜେନ୍ଦ୍ର ପୁରୋହିତଙ୍କ ସଭାପତିତ୍ୱରେ ଚଟୁଅନକା ଗ୍ରାମ ପଞ୍ଚାୟତ ଅନ୍ତର୍ଗତ ଚଟୁଅନକା ଓ ବେହେରେନସିଲେଟ ଗ୍ରାମରେ ଅନୁଷ୍ଠିତ ହୋଇଯାଇଛି l
କାର୍ଯ୍ୟକ୍ରମ ରେ ଚଟୁଅନକା ଗ୍ରାମ ପଞ୍ଚାୟତ ସରପଞ୍ଚ ଶ୍ରୀ ଜ୍ଞାନ ରଞ୍ଜନ ତାଣ୍ଡି, ସମସ୍ତ ୱାର୍ଡ ମେମ୍ବର ଓ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ l ମହାବିଦ୍ୟାଳୟ ର ପ୍ରାୟ 250 ରୁ ଉର୍ଦ୍ଧ ଛାତ୍ରୀ ସକ୍ରିୟ ଅଂଶଗ୍ରହଣ କରି ମା ପାଇଁ ଗଛଟିଏ ରୋପଣ କରିଥିଲେ l ଏହି କାର୍ଯ୍ୟକ୍ରମ ଆଗରୁ ଚଟୁଅନକା ଗ୍ରାମ ପଞ୍ଚାୟତ ପରିସରରେ ମହିଳା ସ୍ନାତକ ମହାବିଦ୍ୟାଳୟ ର ଛାତ୍ରୀମାନେ ଏକାଠି ହୋଇ ସରପଞ୍ଚ, ୱାର୍ଡ ମେମ୍ବର, ଅଧ୍ୟାପକ,ଅଧ୍ୟାପିକା ମାନଙ୍କର ଉପସ୍ଥିତିରେ ପରିବେଶ ସୁରକ୍ଷା କରିବା ସହିତ ପ୍ରତେକ ବର୍ଷ ବୃକ୍ଷ ରୋପଣ କରିବା ପାଇଁ ସାମୁହିକ ଶପଥ ପାଠ କରିଥିଲେ l
ଏହା ପରେ ବୃକ୍ଷରୋପଣ କାର୍ଯ୍ୟକ୍ରମ ଆରମ୍ଭ ହୋଇଥିଲା l ଏହି ସମୟରେ ଛାତ୍ରୀମାନଙ୍କର ମନରେ ଆନନ୍ଦ ଉତ୍ସାହ ପରିଲିକ୍ଷିତ ହୋଇଥିଲା l ଚଟୁଅନକା ଓ ବେହେରେନସିଲେଟ ଗ୍ରାମରେ ବୃକ୍ଷରୋପଣ କାର୍ଯ୍ୟକ୍ରମ ପରେ ପରିଶେଷରେ ମହିଳା ସ୍ନାତକ ମହାବିଦ୍ୟାଳୟ ପରିସରରେ ବୃକ୍ଷ ରୋପଣ କାର୍ଯ୍ୟକ୍ରମ ହୋଇଥିଲା. ଏହି କାର୍ଯ୍ୟକ୍ରମ ରେ ମହାବିଦ୍ୟାଳୟ ର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଉପସ୍ଥିତ ରହି ଛାତ୍ରୀମାନଙ୍କୁ ଉତ୍ସାହ କରିବା ସହିତ ସକ୍ରିୟ ଅଂଶ ଗ୍ରହଣ କରିଥିଲେ ।
