କଟକ (ଓଡ଼ିଶା ତାଜା ନ୍ୟୁଜ୍) ନି. ପ୍ର :- କଟକ କଟକ ଜିଲ୍ଲା କଣ୍ଟାପଡ଼ା ବ୍ଲକ ଅନ୍ତର୍ଗତ ସୁନ୍ଦରଗ୍ରାମ ସ୍ଥିତ ଦଧିଚି ଆଇଟିସିରେ ୨୦୨୫-୨୬ ଶିକ୍ଷା ବର୍ଷରେ ନାମ ଲେଖାଇଥିବା ଛାତ୍ରଛାତ୍ରୀ ମାନଙ୍କ ଦ୍ଵାରା ସ୍ବାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି । ଅନୁଷ୍ଠାନର ଅଧ୍ୟକ୍ଷା ଶ୍ରୀମତୀ ନିବେଦିତା ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଦଧିଚି ଶିକ୍ଷାନୁଷ୍ଠାନ ସମୁହର ଚେୟାରମେନ ଡକ୍ଟର ମନୋଜ କୁମାର ଦାଶ ଏଵଂ ସମ୍ମାନୀତ ଅତିଥି ଭାବେ ମ୍ୟାନେଜିଂ ଟ୍ରଷ୍ଟି ଶ୍ରୀମତୀ ବବିତା ଦାଶ ଯୋଗ ଦେଇଥିଲେ ।
ଦଧିଚି ଶିକ୍ଷାନୁଷ୍ଠାନ ସମୁହର ପ୍ରଶାସନିକ ଅଧିକାରୀ ଶ୍ରୀଯୁକ୍ତ ସିମାଞ୍ଚଳ ପଣ୍ଡା, ଉକ୍ତ ସଭାରେ ଉପସ୍ଥିତ ଥିଲେ । ମୁଖ୍ୟ ଅତିଥି ଶ୍ରୀ ଦାଶ ନବାଗତ ଛାତ୍ରଛାତ୍ରୀଙ୍କୁ କୁଶଳୀ ହେବା ସହିତ ଉତ୍ତମ ଚରିତ୍ର ଗଠନ ଉପରେ ଗୁରୁତ୍ୱାରୋପ କରିଥିଲେ । ମ୍ୟାନେଜିଙ୍ଗିଂ ଟ୍ରଷ୍ଟି ଶ୍ରୀମତୀ ଦାଶ ଛାତ୍ରଛାତ୍ରୀମାନଙ୍କୁ ଜୀବନରେ ଶୃଙ୍ଖଳିତ ଏବଂ ସଂସ୍କାରି ହେବା ପାଇଁ ଉପଦେଶ ଦେଇଥିଲେ ଏବଂ ଶ୍ରୀଯୁକ୍ତ ପଣ୍ଡା ଛାତ୍ରଛାତ୍ରୀଙ୍କୁ କୁଶଳୀ ହେବା ସହ ଜୀବନକୁ ସୁଚାରୁପେ ପରିଚାଳନା କରିବାର କୌଶଳର ଆବଶ୍ୟକତା ସମ୍ବଧରେ ଛାତ୍ର ଛାତ୍ରୀମାନଙ୍କୁ ଦିଗଦର୍ଶନ ଦେଇଥିଲେ ।
ଅନୁଷ୍ଠାନର ଅଧ୍ୟକ୍ଷା ଶ୍ରୀମତୀ ନିବେଦିତା ମହାନ୍ତି ଆଇଟିଆଇ ଶିକ୍ଷାର ଗୁରୁତ୍ୱ ଉପରେ ଆଲୋକପାତ କରିଥିଲେ । ଅନୁଷ୍ଠାନର ସମସ୍ତ ସହକାରୀ ତାଲିମ ଅଧିକାରୀ କର୍ମକର୍ତ୍ତା ଏଵଂ ଦ୍ୱିତୀୟ ବର୍ଷ ଛାତ୍ର ଛାତ୍ରୀମାନେ ଉପସ୍ଥିତ ଥିଲେ । ଦ୍ଵିତୀୟ ବାର୍ଷିକ ଛାତ୍ର ଅଭିଳାଷ ପଟ୍ଟନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
