ଖୋର୍ଦ୍ଧା (ଓଡ଼ିଶା ତାଜା ନ୍ୟୁଜ୍) ନି : ପ୍ର :- ଜିଲ୍ଲା ଅଧିକାରୀ ତଥା ଜିଲ୍ଲା ଜୁନିୟର ରେଡ଼କ୍ରସ ର ଚେୟାରମ୍ୟାନ ଶ୍ରୀମତୀ ସୋନାମିକା ରାୟ ଙ୍କ ତତ୍ତ୍ୱ୍ୱାବଧାନରେ ୮ ଜିଲ୍ଲାର ବ୍ଲକ ସଂଯୋଜକ ମାନଙ୍କ ତିନିଦିନିଆ ଦକ୍ଷତାବୃଦ୍ଧି କର୍ମଶାଳା ଭୁବନେଶ୍ୱରସ୍ଥିତ ରେଡ଼କ୍ରସ ଭବନରେ ଅନୁଷ୍ଠିତ ହୋଇଯାଇଛି l ବ୍ୟକ୍ତି ସତ୍ୟନିଷ୍ଠ ହୋଇ ସେବା କଲେ ସମାଜରେ ମାନବବାଦର ଉପଲବ୍ଧି ସହ ସ୍ୱାସ୍ଥ୍ୟ, ସେବା ଓ ବନ୍ଧୁତା ରେ ପରିପୂର୍ଣ୍ଣ ହୋଇଥାଏ I ୮ ଗୋଟି ଜିଲ୍ଲାଯଥା ଅନଗୁଳ, ଢେଙ୍କାନାଳ, କଟକ, ଖୋର୍ଦ୍ଧା, କେନ୍ଦ୍ରାପଡ଼ା, ଜଗତସିଂହପୁର, ପୁରୀ, ନୟାଗଡ଼ ସମସ୍ତ ୮୦ ଜଣ ଜୁନିୟର ରେଡକ୍ରସର ବ୍ଲକ୍ ସଂଯୋଜକ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ l
ଉଦ୍ଘାଟନୀ ଉତ୍ସବରେ ବେଗୁନିଆ ବରିଷ୍ଠ ଗୋଷ୍ଠୀ ଅଧିକାରୀ ତଥା ଜିଲ୍ଲା ରେଡକ୍ରସ ସମ୍ପାଦକ ଭାସ୍କର ଲେଙ୍କା , ଅତିରିକ୍ତ ଜିଲ୍ଲା ଶିକ୍ଷଧୂକାରୀ ରଶ୍ମିବାଳା ପରିଡ଼ା,ରାଜ୍ୟ ରେଡ଼କ୍ରସ ଓଡିଶା ଶାଖାଙ୍କ ଜୁନିୟର ରେଡକ୍ରସ ଅଧିକାରୀ ଲକ୍ଷ୍ମଣ ସ୍ୱାଇଁ ପ୍ରମୁଖ ଶିବିରାର୍ଥ ମାନଙ୍କୁ ରେଡକ୍ରସର ସେବା ମୂଳକ କାର୍ଯ୍ୟକ୍ରମରେ ଯୋଡ଼ି ହେବାକୁ ଆହ୍ଵାନ ଦେଇଥିଲେ । ସାଧନ କର୍ମୀ ଲକ୍ଷ୍ମଣ ସ୍ଵାଇଁ, ସୁରେନ୍ଦ୍ରନାଥ ସାମଲ, ଗୋପାଳ କୃଷ୍ଣ ମିଶ୍ର, ସ୍ମୃତି ସାଗରୀକା କାନୁନଗୋ, ରବୀନ୍ଦ୍ର ନାଥ ଜେନା, ଦିଲ୍ଲୀପ ଦୋରା, ଗୁଲସନ ଦାସ ତାଲିମ ପ୍ରଦାନ କରିଥିଲେ l ଓଡିଶାର ଅନୁଗୁଳ, ଢେଙ୍କାନାଳ ,କଟକ ଖୋର୍ଦ୍ଧା , ଜଗତସିଂହପୁର, କେନ୍ଦ୍ରାପଡ଼ା ,
ପୁରୀ , ନୟାଗଡ, ସହ ବରଗଡ଼, ଗଞ୍ଜାମ, କନ୍ଧମାଳ ଜିଲ୍ଲାର ୮0 ଜଣ ଶିବାରାର୍ଥଙ୍କୁ ଦକ୍ଷତା ବୃଦ୍ଧି, ମୁର୍ଚ୍ଛା, ହାର୍ଟ ଆଟାକ୍, ବ୍ରେନ୍ ଷ୍ଟ୍ରୋକ,ପାଣିରେ ବୁଡିଯିବା, ବିଦ୍ୟୁତ ଧକ୍କା, ବିଜୁଳି ଓ ଘଡଘଡି, ସାପ କାମୁଡା ଆଦିର ପ୍ରାଥମିକ ଚିକିତ୍ସା, ପ୍ରାକୃତିକ ବିପର୍ଯ୍ୟୟ ପରିଚାଳନା, ସ୍ୱେଛାକୃତ ରକ୍ତ ଦାନ, ସାଇବର ସୁରକ୍ଷା, ସଡ଼କ ସୁରକ୍ଷା, ବିଦ୍ୟାଳୟରେ ରେଡ଼କ୍ରସ ସମ୍ବନ୍ଧୀୟ କାର୍ଯ୍ୟକ୍ରମ, ରେଡ଼କ୍ରସ ପାଇଁ ଏଆଇ ର ଗୁରୁତ୍ୱ, ସୋସିଆଲ ମେଡ଼ିଆ ସହାର୍ଯ୍ୟରେ ସାମାଜିକ ସେବା ଇତ୍ୟାଦି ସମ୍ପର୍କରେ ତାଲିମ ଦେଇଥିଲେ । ଜିଲ୍ଲା ଜୁନିୟର ରେଡ କ୍ରସ ଅଫିସର ଶ୍ରୀ ରାଉତରାୟ ଶିବିରକୁ ପରି ଚାଳନା କରିଥିଲେ ।
ରଶ୍ମିରଂଜନ ଜେନା, ପାୟଲ ପ୍ରିୟଦର୍ଶିନୀ, ରମlମଣୀ ସେନାପତି, ଅମରେନ୍ଦ୍ର ନାୟକ, ପ୍ରେମ ସାଗର, ସନ୍ତୋଷ କୁମାର ସାହୁ କାର୍ଯ୍ୟକ୍ରମକୁ ପରିଚାଳନାରେ ସହାୟତା ଦେଇଥିଲେ l ଏହି ଅବସରରେ ଆୟୋଜିତ ରକ୍ତଦାନ ଶିବିରରେ ୨୫ ଜଣ ପ୍ରଶିକ୍ଷାର୍ଥୀ ରକ୍ତଦାନ କରିଥିଲେ l ସମସ୍ତଙ୍କୁ ପ୍ରମାଣ ପତ୍ର ପ୍ରଦାନ କରାଯାଇଥିଲା l ଭାରତୀୟ ରେଡ଼କ୍ରସ ସମିତି ଓଡିଶା ଶାଖା ତରଫରୁ ଅବୈତନିକ ସମ୍ପାଦକ ଶ୍ରୀ ପାତ୍ର, ଜିଲ୍ଲା ଶିକ୍ଷା ଅଧିକାରୀ ଶ୍ରୀମତୀ ରାୟ ଓ ରାଜ୍ୟ ରେଡ଼କ୍ରସ ଓଡିଶା ଶାଖାଙ୍କ ଜୁନିୟର ରେଡକ୍ରସ ଅଧିକାରୀ ଶ୍ରୀ ସ୍ୱାଇଙ୍କୁ ସମ୍ବର୍ଦ୍ଧିତ କରାଯାଇଥିଲା l
