ଚଳିତ ବର୍ଷ ସଂସ୍କରଣରେ ମହିଳା ଉଦ୍ୟୋଗୀ ଏବଂ ଗ୍ରାମାଞ୍ଚଳ ହସ୍ତତନ୍ତ ବୁଣାକାରଙ୍କ ଦ୍ଵାରା ୩୫ଟି ଷ୍ଟଲ ସ୍ଥାନ ପାଇଛି, ଯେଉଁଥିରେ ହସ୍ତତନ୍ତ, ହସ୍ତଶିଳ୍ପ, ୱେଲନେସ ଉତ୍ପାଦ ଏବଂ ସୋନ୍ଦର୍ୟ୍ଯ ସାମଗ୍ରୀ ଗୁଡିକର ଆକର୍ଷଣୀୟ ସମ୍ଭାର ପ୍ରଦର୍ଶିତ ହେଉଛି । ଏହି ଅବସରରେ ପ୍ରକାଶ କରି ଶ୍ରୀ ମଲ୍ଲିକ ଏଫ୍ଏଲ୍ଓ ଭୁବନେଶ୍ଵରର ପ୍ରୟାସକୁ ପ୍ରଶଂସା କରିଥିଲେ ଏବଂ ମହିଳା ଉଦ୍ୟୋଗୀଙ୍କୁ ସଶକ୍ତ କରିବାକୁ ଏକ ପ୍ରଭାବଶାଳୀ ମଞ୍ଚ ସୃଷ୍ଟି କରିବା ପାଇଁ ଚେୟାରପର୍ସନ ଡ଼ ପ୍ରଜ୍ଞା ପାରମିତା ମିଶ୍ରଙ୍କୁ ଅଭିନନ୍ଦନ ଜଣାଇଥିଲେ।
ଓଡ଼ିଶାର ଅଭିବୃଦ୍ଧିକୁ ଆଗେଇନେବ କ୍ଷେତ୍ରରେ ମହିଳା ମାନଙ୍କର ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କରେ ସେ ଜୋର୍ ଦେବା ସହିତ ଓଡ଼ିଶା ସରକାରଙ୍କ ଏମଏସଏମଇ ଯୋଜନା ଗୁଡିକ ଏବଂ ମହିଳା ଉଦ୍ୟୋଗୀଙ୍କ ନିମନ୍ତେ ସିଙ୍ଗଲ – ୱିଣ୍ଡୋ ସୁବିଧା ସମ୍ପର୍କରେ ଆଲୋକପାତ କରିଥିଲେ । ଏଫ୍ଏଲ୍ଓର ପ୍ରତିଷ୍ଠାତା ଚେୟାରପର୍ସନ ଧରିତ୍ରୀ ପଟ୍ଟନାୟକ ମହିଳା ଉଦ୍ୟୋଗୀମାନେ ସମ୍ମୁଖୀନ ହେଉଥିବା ଚାଲେଞ୍ଜ ସମ୍ପର୍କରେ ଏବଂ ଆଗକୁ ରହିଥିବା ପଥ ସମ୍ପର୍କରେ ଉଲ୍ଲେଖ କରିଥିଲେ।
ଓଡ଼ିଶାର ସମଗ୍ର ଗ୍ରାମାଞ୍ଚଳ, ସହରାଞ୍ଚଳ, ଆଦିବାସୀ ଏବଂ ଉପକୂଳ ଅଞ୍ଚଳରେ ମହିଳା ମାନଙ୍କୁ ସଶକ୍ତ କରିବାକୁ ଏଫ୍ଏଲ୍ଓର ନିରନ୍ତର ପ୍ରୟାସ ସମ୍ପର୍କରେ ସେ ଉଲ୍ଲେଖ କରିଥିଲେ ।
ଚେୟାରପର୍ସନ ଡ଼ ପ୍ରଜ୍ଞା ପାରମିତା ମିଶ୍ର ନୂତନ ଶିଖରରେ ପହଞ୍ଚିବା ନିମନ୍ତେ ମହିଳା ମାନଙ୍କୁ ସମର୍ଥନ କରିବା ନେଇ ଏଫ୍ଏଲ୍ଓ ଭୁବନେଶ୍ଵରର ପ୍ରତିବଦ୍ଧତା ସମ୍ପର୍କରେ ଉଲ୍ଲେଖ କରି କହିଥିଲେ ଯେ,
“ଏଫ୍ଏଲ୍ଓ ଏକ ମଜଭୁତ ପରିବ୍ୟବସ୍ଥା ସୃଷ୍ଟି କରିବାକୁ ଲକ୍ଷ୍ୟ ରଖିଛି ଯେଉଁଠାରେ ଅଧିକ ମହିଳା ଉଦ୍ୟୋଗୀ ଯୋଗ ଦେଇ ସେମାନଙ୍କର ଦକ୍ଷତାରେ ବୃଦ୍ଧି ଘଟାଇ ପାରିବେ ଏବଂ ଦୀର୍ଘସ୍ଥାୟୀ ବ୍ୟବସାୟ ନିର୍ମାଣ କରିବେ ।” ଉଦ୍ଘାଟନୀ ଦିବସରେ ବିପୁଳ ସଂଖ୍ୟାରେ ଜନସାଧାରଣଙ୍କୁ ଦେଖିବାକୁ ମିଲିଥିଲା ଏବଂ ଦର୍ଶକମାନେ ଆଗ୍ରହର ସହିତ ଆଗାମୀ ଦଶହରା ପାର୍ବଣ ନିମନ୍ତେ କିଣାକିଣି କରିଥିଲେ, ଏବଂ ଏଫ୍ଏଲ୍ଓ ବଜାରକୁ ମହିଳାଙ୍କ ନେତୃତ୍ୱରେ ପରିଚାଳିତ ଉଦ୍ୟୋଗ, ପରମ୍ପରା ଓ ସୃଜନଶୀଳତାର ଏକ ଚଳଚଞ୍ଚଳ ଉତ୍ସବ ପାଳନ କରି ଗଢି ତୋଲିଥିଲେ ।
