କଣ୍ଟାବାଞ୍ଜି (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଥାନା ହିଆଁଲ ସ୍ଥିତ ଅନ୍ବେଷା ହଷ୍ଟେଲର ଛାତ୍ର ନିବାସରେ ଜଣେ ଛାତ୍ର ଆତ୍ମହତ୍ୟା କରିଛି । ମୃତ ଛାତ୍ର ଜଣକ ହେଲେ ପାଟଣାଗଡ଼ ଉପଖଣ୍ଡ ବେଳପଡାର ଆଦର୍ଶ ସେଠ । ଅନ୍ୱେଷା ହଷ୍ଟେଲରେ ରହି କଣ୍ଟାବାଞ୍ଜି ସ୍ଥିତ ଲାୟନ୍ସ ପବ୍ଲିକ ସ୍କୁଲରେ ନବମ ଶ୍ରେଣୀରେ ପାଠ ପଢୁଥିଲେ । ନୂଆଁଖାଇ ଛୁଟିରେ ଗାଁ କୁ ଯାଇଥିବା ବେଳେ ଗତ ୩ ତାରିଖ ଦିନ ହଷ୍ଟେଲ କୁ ଆସିଥିଲେ । ଶନିବାର ଦିନ ଛାତ୍ର ଜଣକର ସନ୍ଦେହ ଜନକ ଅବସ୍ଥାରେ ମୃତ ଦେହ ଉଦ୍ଧାର କରାଯାଇଛି ।
ଏଡବ୍ଲୁ ମଧ୍ୟ ଟିଟିଲାଗଡ଼ ରୁ ଆସି ଏହାର ତଦନ୍ତ କରିଛନ୍ତି । ବଲାଙ୍ଗୀର ରୁ ଏକ ସାଇଣ୍ଟିଫିକ ଦଳ ଆସି ଘଟଣା ସ୍ଥଳରେ ପହଞ୍ଚି ନମୁନା ସଂଗ୍ରହ କରିଛନ୍ତି । ଝୁଲନ୍ତା ଅବସ୍ଥାରେ ଆଦର୍ଶ ଙ୍କ ଶବ କୁ ପୁଲିସ ଜବତ କରିଛି । ଏକ ଗାମୁଛା ସାହାଯ୍ୟରେ ଆଦର୍ଶ ଫ୍ୟାନ ରେ ଫାସ ଲଗାଇ ଝୁଲି ପଡିଥିବା ଜଣାପଡିଛି । ଏହାକୁ ନେଇ ପୁଲିସ ଆଜି କଣ୍ଟାବାଞ୍ଜି ଡାକ୍ତର ଖାନାରେ ଶବକୁ ରଖିଛନ୍ତି । ଆସନ୍ତା କାଲି ରବିବାର ସକାଳୁ ଶବ ବ୍ୟବଚ୍ଛେଦ ହେବ ବୋଲି କହିଛନ୍ତି ଥାନା ଅଧିକାରୀ ରଶ୍ମିତା ବେହେରା ।
