ତୁରେକେଲା (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ତୁରେକେଲା ବ୍ଲକ ସ୍ତରୀୟ ନୁଆଁଖାଇ ଭେଟ ଘାଟ ଉତ୍ସବ ପାଳିତ l ପରମ୍ପରା କଳା ବିକାଶ କେନ୍ଦ୍ର, ସେମଲା ଓ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ, ଓଡିଶା ସରକାରଙ୍କ ମିଳିତ ସହଯୋଗରେ ତା. ୨୭/୦୮/୨୦୨୫ ଠାରୁ ତା. ୩୦/୦୮/୨୫ ଚାରିଦିନ ଧରି ତୁରେକେଲା ବ୍ଲକ ସ୍ତରୀୟ ନୁଆଁଖାଇ ଭେଟ ଘାଟ ଉତ୍ସବ ମହା ସମାରୋହରେ ପାଳିତ ହୋଇ ଯାଇଅଛି l ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ର ବିଧାୟକ ଶ୍ରୀଯୁକ୍ତ ଲକ୍ଷ୍ମଣ ବାଗ, ସମ୍ମାନୀତ ଅତିଥି କୁଇବାହାଲ ଗ୍ରାମ ପଞ୍ଚାୟତ ସରପଞ୍ଚ ବିଳାଶ ପୁଟେଲ,
ସମ୍ମାନୀତ ଅତିଥି ବ୍ଲକ କଳା ସଂସ୍କୃତି ସଂଘ ଉପ-ସଭାପତି ଶ୍ରୀଯୁକ୍ତ କାର୍ତ୍ତିକେଶ୍ୱର ସାହୁ, ସମ୍ମାନୀତ ଅତିଥି ପୂର୍ବତ୍ତନ ନାଏବ ସରପଞ୍ଚ ଶ୍ରୀଯୁକ୍ତ ଗଙ୍ଗାଧର ମେହେର, ସମ୍ମାନୀତ ଅତିଥି ପଶ୍ଚିମ ଓଡିଶା ପୁନଃ ରୁଦ୍ଧାର ପରିଷଦ ଟିକ୍ରାପଡା ସଭାପତି ଶ୍ରୀଯୁକ୍ତ ଅମିଲ ପୁଟେଲ,ବଡବାଙ୍କି ଗ୍ରାମ ପଞ୍ଚାୟତ ପୂର୍ବତନ ସମିତି ସଭ୍ୟ ଶ୍ରୀଯୁକ୍ତ ମକରଧ୍ଵଜ ନିଆଁଲ ପ୍ରମୁଖ ଯୋଗ ଦେଇଥିଲେ l ଅନୁଷ୍ଠାନ ସଭାନେତ୍ରୀ ଶ୍ରୀମତୀ କବିତା ମେହେର, ସମ୍ପାଦକ ଭକ୍ତବନ୍ଧୁ ମେହେର, ଉପ -ସଭାନେତ୍ରୀ ଶ୍ରୀମତୀ ସାବିତ୍ରୀ ଦାସ, ସହ ସମ୍ପାଦିକା ଶ୍ରୀମତୀ ହାରାବତୀ ମେହେର, କୋଷlଧ୍ୟକ୍ଷ୍ୟl ଶ୍ରୀମତୀ ଶୁଭ୍ର ମେହେର,ସଭ୍ୟା ଶ୍ରୀମତୀ ବିଦେଶୀ ରଣା, ରାମା ମେହେର,
ଉର୍ମିଳା ମେହେର, ସୁକୁଲତl ମେହେର, ପ୍ରମିଳା ମେହେର, ସଭ୍ୟ ଶ୍ରୀ ମାନସିଂ ମାଝୀ, ରାମେଶ୍ୱର ରଣା ଏହି କାର୍ଯ୍ୟକ୍ରମ କୁ ନେତୃତ୍ୱ ନେଇ ବହୁତ ସୁନ୍ଦର ଭାବରେ ସାଫଲ୍ୟ ମଣ୍ଡିତ କରିଥିଲେ l ବଲାଙ୍ଗିର ଜିଲ୍ଲା ପରମ୍ପରା କଳା ବିକାଶ କେନ୍ଦ୍ର, ସେମଲା, ଓ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଓଡିଶା ସରକାରଙ୍କ ତରଫରୁ ସମ୍ବର୍ଦ୍ଧିତ ଅତିଥି କଳାକାର କବି ଶ୍ରୀ ବିମ୍ବାଧର ମେହେର ଙ୍କୁ (ଭାବ କବି ) ବିମ୍ବାଧର ମେହେର ନାମରେ ସମ୍ମାନୀତ କରି ଉପାଦ୍ଧି ପ୍ରଦାନ କରି ଅନୁଷ୍ଠାନ ର ସମସ୍ତ ସଦସ୍ୟ ଗର୍ବିତ ହୋଇଥିଲେ l
ଆମ ପଶ୍ଚିମ ଓଡିଶା ଗଣ ପର୍ବ ମୁଖ୍ୟ ଉତ୍ସବ ନୁଆଁଖାଇ ବିଷୟରେ ଅନେକ ପାରମ୍ପରିକ କଥା ବସ୍ତୁ ଆଲୋଚନା କରି କେମିତି ଆଗାମୀ ଦିନରେ ଆମ ପରମ୍ପରା ଓ ସଂସ୍କୃତି ବଜାୟ ରହିବ ଓ ଉନ୍ନତ ମାନର ହୋଇପାରିବ ସେଥିପ୍ରତି ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା l ବହୁତ ସୁନ୍ଦର ଭାବରେ ଶ୍ରୀଯୁକ୍ତ ଗଣପତିପତି ବେହେରା ମଞ୍ଚ ପରିଚାଳନା କରି ଦର୍ଶକ ମାନଙ୍କୁ ଉତ୍ସାହିତ କରିଥିଲେ l ଏହି କାର୍ଯ୍ୟକ୍ରମ ରେ ଶତାଧିକ କଳାକାର ଦଳ ଯଥା ଘୁମୁରା କଳାକାର ଦଳ, ପଞ୍ଚବାଦ୍ୟ କଳାକାର ଦଳ, ସଂକୀର୍ତ୍ତନ୍ୟ, ଖଞ୍ଜଣୀ, ଘୁଡୁକା, ବାଙ୍ଗରି, ସଞ୍ଚାର, କରସାନି,
ନାଟକ, ଡାଲଖାଇ ନୃତ୍ୟ ଗୀତ ଦଳ ଗୁଡିକ ସାମିଲ ହୋଇ ଆମ ଲୋକ କଳା ଲୋକ ଗୀତ, ଲୋକ ନାଟକ, ଲୋକ ନୃତ୍ୟ, ଲୋକଵାଦ୍ୟ ର ପୁନଃ ରୁଦ୍ଧାର କରିବା ସଙ୍ଗେ ବହୁତ ସୁନ୍ଦର କଳା ପରିବେଷଣ କରି ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲେ l ଏକକ କଳା ରେ ମଧ୍ୟ ଅନେକ ପ୍ରକାର କଳାକାର ନିଜ ନିଜ କଳା ପ୍ରଦର୍ଶନ କରିଥିଲେ l ଶେଷରେ ଅନୁଷ୍ଠାନ ସମ୍ପାଦକ ଶ୍ରୀ ଭକ୍ତବନ୍ଧୁ ମେହେର ଉପସ୍ଥିତ ସମସ୍ତ ଅତିଥି ତଥା କଳାପ୍ରେମୀ ମାନଙ୍କୁ ଙ୍କୁ ଧନ୍ୟବାଦ ଅର୍ପଣ କରି ସାଂସ୍କୃତିକ କାର୍ଯ୍ୟକ୍ରମ କୁ ବିରତି ଦେଇଥିଲେ l
