ରଣପୁର ବିକାଶ କାର୍ଯ୍ୟର ଗତି ଦେବା ପାଇଁ – ଅଧ୍ୟକ୍ଷା ରଙ୍ଗୀନ ମହାନ୍ତି

669 ଗୋଟି ଷ୍ଟ୍ରୀଟ ଲାଇଟ୍ ଏବଂ 8 ଗୋଟି ହାଇ ମାଷ୍ଟ୍ ଲାଇଟ୍ ର ଲୋକାର୍ପଣ କାର୍ଯ୍ୟ ମଧ୍ୟ ହୋଇଥିଲା, ଯାହାକି 2 ସପ୍ତାହ ମଧ୍ୟରେ ରାସ୍ତା ଆଲୋକିକରଣ କାର୍ଯ୍ୟ ସମାପ୍ତ ହେବ ବୋଲି ଅଧ୍ୟକ୍ଷା ରଙ୍ଗୀନ୍ ମହାନ୍ତି କହିଥିଲେ ।

ରଣପୁର  (ଓଡ଼ିଶା ତାଜା ନ୍ୟୁଜ୍) ନି. ପ୍ର  :- ରଣପୁର ବିଜ୍ଞାପିତ ଅଞ୍ଚଳ ପରିଷଦ ବିକାଶ କାର୍ଯ୍ୟର ଗତି ଦେବା ପାଇଁ ଅଧ୍ୟକ୍ଷା ରଙ୍ଗୀନ ମହାନ୍ତିଙ୍କ ପୌରହିତ୍ୟରେ ଉନ୍ନତି ଯୋଜନାର ଅନେକ ଗୁଡିଏ ପ୍ରକଳ୍ପର ଶୁଭପ୍ରଦାନ କରାଯାଇଛି ।ବିଜ୍ଞାପିତ ଅଞ୍ଚଳ ପରିଷଦ, ରଣପୁର ଅନ୍ତର୍ଗତ 15ଗୋଟି ୱାର୍ଡ ମଧ୍ୟରୁ 12ଟି ୱାର୍ଡର ବିଭିନ୍ନ ପ୍ରକଳ୍ପ ଯଥା ଗୋଷ୍ଠି କେନ୍ଦ୍ରର ଉନ୍ନତିକରଣ, ରାସ୍ତା ମାନଙ୍କରେ ପେଭର ବିଛାଇବା କାର୍ଯ୍ୟର ଶୁଭପ୍ରଦାନ କରାଗଲା ।ଏହି ଅବସରରେ ସମସ୍ତ ସ୍ଥାନୀୟ କାଉନସିଲର ମାନେ ସକ୍ରିୟ ଯୋଗଦାନ ଦେଲେ, ସ୍ଥାନୀୟ ଲୋକଙ୍କ ସ୍ୱାର୍ଥରେ ଶୀଘ୍ର କାର୍ଯ୍ୟ ସମ୍ପାଦନ କରିବାକୁ ନିବେଦନ ରଖିଥିଲେ । ସ୍ଥାନୀୟ ବିଧାୟକ ତଥା ବାଚସ୍ପତି ଶ୍ରୀମତୀ ସୁରମା ପାଢ଼ୀ ଏ ସମସ୍ତ କାର୍ଯ୍ୟର ମୁଖ୍ୟ ଅତିଥି ଭାବରେ ଯୋଗଦେଇ ନଗର ବାସୀଙ୍କ ଅନ୍ୟାନ ଅସୁବିଧା ସଂପର୍କରେ ଆଲୋଚନା କରିଥିଲେ ।ଉନ୍ନତି ଯୋଜନାର ଆସିଥିବା 31ଗୋଟି ଯାହାର ଆନୁମାନିକ ବ୍ୟୟ ଅଟକଳ 84ଲକ୍ଷ୍ୟ ଟଙ୍କା । ଏହି ସମସ୍ତ ପ୍ରୋଜେକ୍ଟ କୁ ଖୁବଶୀଘ୍ର ସମାପ୍ତ କରିବା ସହିତ ଆଗାମୀ ଦିନରେ ନୂତନ ବସ ଷ୍ଟାଣ୍ଡ ନିର୍ମାଣ, ପରିବା ବଜାର ଏବଂ ଆମିଷ ବଜାର, ତଥା ବିଭିନ୍ନ ଖେଳପଡ଼ିଆର ଉନ୍ନତିକରଣ ଏବଂ ବଧୀ ତଥା ଅନ୍ୟାନ୍ୟ 12ଗୋଟି ପୁଷ୍କରିଣୀ ର ପୁନରୁଦ୍ଧାର ଏବଂସୌନ୍ଦର୍ଯ୍ୟକରଣ କାର୍ଯ୍ୟ ହାତକୁ ନିଆଯିବ ନେଇ କହିଥିଲେ । ସୂଚନାଯୋଗ୍ୟ ଯେ 669 ଗୋଟି ଷ୍ଟ୍ରୀଟ ଲାଇଟ୍ ଏବଂ 8 ଗୋଟି ହାଇ ମାଷ୍ଟ୍ ଲାଇଟ୍ ର ଲୋକାର୍ପଣ କାର୍ଯ୍ୟ ମଧ୍ୟ ହୋଇଥିଲା , ଯାହାକି 2 ସପ୍ତାହ ମଧ୍ୟରେ ରାସ୍ତା ଆଲୋକିକରଣ କାର୍ଯ୍ୟ ସମାପ୍ତ ହେବ ବୋଲି ଅଧ୍ୟକ୍ଷା ରଙ୍ଗୀନ୍ ମହାନ୍ତି କହିଥିଲେ ।

ଏହା ସହିତ ଅନ୍ୟାନ୍ୟ ଅନୁମୋଦିତ ପ୍ରକଳ୍ପ ଗୁଡ଼ିକ ଖୁବ୍ ଶୀଘ୍ର ଆରମ୍ଭ କରାଯିବ କଥା କହିଥିଲେ । ଆଜିର କାର୍ଯ୍ୟକ୍ରମରେ ଯୋଗଦେଇ ସହଯୋଗ କରିଥିବା ସମସ୍ତ କାଉନସିଲର, ସାମ୍ବାଦିକ ବନ୍ଧୁ ଏଵଂ ନଗର ବାସୀଙ୍କୁ ରଣପୁର ବିଜ୍ଞାପିତ ଅଞ୍ଚଳ ର ଅଧ୍ୟକ୍ଷା ଶ୍ରୀମତୀ ରଙ୍ଗୀନ୍ ମହାନ୍ତି ଧନ୍ୟବାଦ ଜଣାଇଛନ୍ତି l