ଚାନ୍ଦପୁର (ଓଡ଼ିଶା ତାଜା ନ୍ୟୁଜ୍) ନି:ପ୍ର :- ଭାରତର ଦ୍ବିତୀୟ ରାଷ୍ଟ୍ରପତି ସାର ସର୍ବପଲ୍ଲୀ ରାଧାକ୍ରୀଷ୍ଠାନ୍ଙ୍କ ଜନ୍ମଦିବସ ଅବସରରେ ପବିତ୍ର ଗୁରୁଦିବସ ଉପଲକ୍ଷେ ଏ.ଜି. ମିଶନ୍ ବିଦ୍ୟାଳୟ,ଚାନ୍ଦପୁର ଶିକ୍ଷକମାନଙ୍କର ଉତ୍ସବକୁ ଆଡମ୍ବର ସହିତ ପାଳନ କରିଥିବାବେଳେ ଆଜିର ଏହି ମହନୀୟ ଦିବସ ଉପଲକ୍ଷେ (ରକ୍ତଦାନ ମହତ ଦାନ) ଏହି ବଳିଷ୍ଠ ସତ୍ୟକୁ ପାଳନ କରି ଏକ ରକ୍ତଦାନ ଶିବିର ଆୟୋଜିତ କରିଥିଲା ।
ଏହି କାର୍ଯ୍ୟକ୍ରମରେ ମହିଳା ଏବଂ ପୁରୁଷ ମୋଟ ୨୭ଜଣ ରକ୍ତଦାନ କରି ଏହି ମହତ କାର୍ଯ୍ୟକୁ ସଫଳ କରିଥିଲେ । ବିଦ୍ୟାଳୟର ଛାତ୍ରଛାତ୍ରୀମାନଙ୍କ ପାଇଁ ଇଂରାଜୀ ଭାଷାର ସୁନ୍ଦର ଉଚ୍ଚାରଣ ବୃଦ୍ଧି ନିମନ୍ତେ ବିଦ୍ୟାଳୟ ପରିସରରେ (ଇଂରାଜୀ ଲ୍ୟାବ୍) ଉଦ୍ଘାଟନ କରାଯାଇଛି । ଏହି କାର୍ଯ୍ୟକ୍ରମକୁ ବିଦ୍ୟାଳୟର ଶିକ୍ଷକ ଜିତେନ୍ ନାୟକ, ଶିକ୍ଷୟିତ୍ରୀ ରାଖୀ ନାୟକ, ସ୍ମିତା ପଟ୍ଟନାୟକ ପରିଚାଳନା କରିଥିଲେ ।
ଏତଦ୍ୱାରା ଜଣାଉଅଛି କି ଆଜିର ଏହି ମହନୀୟ କାର୍ଯ୍ୟକ୍ରମକୁ ବିଦ୍ୟାଳୟର ପ୍ରଧାନ ଶିକ୍ଷକ ଏମ୍. ମାର୍ଟିନ୍ ସୂଚାରୁ ଭାବରେ ପର୍ଯ୍ୟବେକ୍ଷଣ କରିଥିଲେ । ବିଦ୍ୟାଳୟର ଚେୟାରମ୍ୟାନ ବିନୁ ଗାବ୍ରିଏଲ, ମ୍ୟାନେଜର ସାଇନି ବିନୁ ସହଯୋଗ ସ୍ୱାଗତଯୋଗ୍ୟ । ବିଶେଷ ଭାବରେ ରକ୍ତଦାନ ଶିବିରକୁ ସମ୍ବାଦ ସାହିତ୍ୟ ଘର (ଟାଙ୍ଗି) ସହଯୋଗର ହାତ ବଢାଇ ସାସ୍ଥ୍ୟରକ୍ଷାର ଅନୁଷ୍ଠାନ (TRUE CARE) କୁ ସଂଶ୍ଳିଷ୍ଟ କରିଥିଲେ ।
ଏ.ଜି. ମିଶନରେ ରକ୍ତଦାନ ଶିବିରର ଆୟୋଜକମାନେ ଚାନ୍ଦପୁରର ଟ୍ରୁ କେୟାର ଡାଇଗ୍ନୋଷ୍ଟିକ୍ ପ୍ରତି ସେମାନଙ୍କର ଉଦାର ପ୍ରାୟୋଜକତା ପାଇଁ ହୃଦୟର ସହିତ କୃତଜ୍ଞତା ଜ୍ଞାପନ କରୁଛନ୍ତି । ସେମାନଙ୍କର ସମର୍ଥନ ଅନେକଙ୍କ ଜୀବନରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଆଣିବାର ଆଶା କରାଯାଉଛି, ଏବଂ ଏହି ମହତ କାର୍ଯ୍ୟରେ ସେମାନଙ୍କର ଅବଦାନକୁ ଅତ୍ୟନ୍ତ ପ୍ରଶଂସା କରାଯାଉଛି ।
