ରଣପୁର ରେ ନିଖିଳ ଭାରତ ସ୍ବାୟତ୍ତ ଶାସନ ଦିବସ ପାଳିତ

ରଣପୁର ଏନ୍ଏସି କୁ ସ୍ୱଚ୍ଛ ଓ ସୁନ୍ଦର କରି ଗଢି ତୋଳିବା ନିମନ୍ତେ ସଧାରଣ ଜନତା ଙ୍କ ସହୋଯୋଗ ନିତ୍ୟାନ୍ତ ଆବଶ୍ୟକ

ରଣପୁର ଏନ୍ ଏ ସି (ଓଡ଼ିଶା ତାଜା ନ୍ୟୁଜ୍) ନି: ପ୍ର :- ଅଗଷ୍ଟ ୩୧ ତାରିଖ ଅବସରରେ ରଣପୁର ଏନ୍ ଏ ସି ରେ ନିଖିଳ ଭାରତ ସ୍ବାୟତ୍ତ ଶାସନ ଦିବସ ମହାସମାରୋହରେ ପାଳିତ ହୋଇଯାଇଛି । ସକାଳୁ ସକାଳୁ ସାମୁହିକ ହରିଧ୍ବନି କରାଯାଇଥିବା ବେଳେ ଜାତୀୟ ପତାକା ଉତ୍ତୋଳନ କରି ଏନଏସି ଅଧ୍ୟକ୍ଷା ଶ୍ରୀମତୀ ରଙ୍ଗୀନ୍ ମହାନ୍ତି ଙ୍କ ଦ୍ଵାରା ସହିଦ୍ ରଘୁ, ଦିବାକର ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରାଯାଇଥିଲା ।ଉକ୍ତ କାର୍ଯ୍ୟକ୍ରମରେ ରଣପୁର ଏନ୍ଏସିର କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ସାମନ୍ତ ବିଶ୍ବମ୍ବର ମହାପାତ୍ର , ଏନଏସି ଅଧ୍ୟକ୍ଷା ଶ୍ରୀମତୀ ରଙ୍ଗୀନ୍ ମହାନ୍ତି ଙ୍କ ସହିତ ଏନଏସିର ଅନ୍ୟ ଅଧିକାରୀ ବୃନ୍ଦ , ସମାଜସେବୀ ସ୍ଵରାଜ ମହାନ୍ତି ଏବଂ କିଛି କାଉନସିଲର ମାନେ ଯୋଗ ଦେଇଥିଲେ । ପରେ ପରେ ରଣପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଠାରେ ଫଳ ବଣ୍ଟନ କରାଯାଇଥିଲା ।ରଣପୁରର ଶ୍ରୀ ଜଗନ୍ନାଥ ମନ୍ଦିର ଠାରୁ ଏକ ସ୍ୱଚ୍ଛତା ରାଲି ବାହାରି ଏନ୍ଏସି କାର୍ଯ୍ୟାଳୟ ନିକଟରେ ପହଞ୍ଚିଥିଲା । ସଭାରେ ମୁଖ୍ୟ ଅତିଥି ରୂପେ ସ୍ଥାନୀୟ ବିଧାୟିକା ତଥା ବାଚସ୍ପତି ଶ୍ରୀମତୀ ସୁରମା ପାଢ଼ୀ ଏବଂ ଉପରୋକ୍ତ ଅଧିକାରୀ ଙ୍କ ଯୋଗଦାନରେ ସ୍ବାୟତ ଶାସନ ଦିବସ ଓ ବ୍ୟବସ୍ଥା ଉପରେ ପୁଂଖାନୁପୁଂଖ ଭାବରେ ଆଲୋଚନା କରାଯାଇଥିଲା ।ଏବଂ ପୂର୍ବାହ୍ନରେ ଏନ୍ଏସି ପରିସରରେ ଆୟୋଜିତ ସାଧାରଣ ସଭାରେ ଓଡିଶାର ସୁନାମଧନ୍ୟ କଣ୍ଠଶିଳ୍ପୀ ସୁଶ୍ରୀ ନୟାଗଡ ଜିଲ୍ଲାର ଝିଅ ବର୍ଣ୍ଣାଳୀ ହୋତାଙ୍କୁ ବାଚସ୍ପତିଙ୍କ ଦ୍ୱାରା ସମ୍ବର୍ଦ୍ଧନା ଦିଆଯାଇଥିଲା । ବିଭିନ୍ନ ପ୍ରତିଯୋଗିତା ଗୁଡିକରେ ସଫଳତା ହାସଲ କରି ୧୯ ଟି ମେଡାଲ୍ ପାଇଥିବା ରଣପୁର ଚାରିଅଟ୍ ପବ୍ଳିକ୍ ସ୍କୁଲ୍ ର ଛାତ୍ର ଛାତ୍ରୀଙ୍କୁ ସ୍ବାୟତଶାସନ ଦିବସ ସମାରୋହରେ ପୁରସ୍କାର ବଣ୍ଟନ କରାଯାଇଥିଲା ।‘ ମାଟି ପାଇଁ “ମା” ଟିଏ ‘ ର ସ୍ଲୋଗାନ ସହିତ ବାଚସ୍ପତିଙ୍କ କର କମଳରେ ବୃକ୍ଷ ରୋପଣ କରାଯାଇଥିଲା । ଅଧ୍ୟକ୍ଷା ଓ ପ୍ରଶାସନିକ ଅଧିକାରୀଙ୍କ ଦ୍ଵାରା ବୃକ୍ଷ ରୋପଣ କରାଯାଇ ବୃକ୍ଷ ରୋପଣ ନିମନ୍ତେ ଜନସାଧାରଣ ଙ୍କୁ ଜାଗୃତ କରାଯାଇଥିଲା । ଏନ୍ଏସି ପକ୍ଷରୁ ନିଖିଳ ଭାରତ ସ୍ବାୟତ୍ତ ଶାସନ ଦିବସ ଉପଲକ୍ଷେ ଏକ ସଚେତନ ବାର୍ତ୍ତା ଜାରି କରାଯାଇଥିଲାଯେଉଁଥିରେ ରଣପୁରର ଜନ ସାଧାରଣଙ୍କୁ ତାଙ୍କ ସହରକୁ ସ୍ୱଚ୍ଛ ସୁନ୍ଦର ଭାବରେ ଗଢି ତୋଳିବାର ସହଯୋଗ କାମନା କରିବା ସହିତ ସାଧାରଣ ଜନତା ଙ୍କୁ ସତର୍କ ଓ ସଚେତନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ , ଜ୍ଞାନରଞ୍ଜନ ପାଢୀ , ଆଲୋକ ଶତପଥୀ , ସରୋଜ କୁମାର ମହାନ୍ତି ,ବାଉରୀ ବନ୍ଧୁ ପଣ୍ଡା , ଶିବ ପ୍ରସାଦ ଦେବ ,ଜ୍ୟୋତିରଞ୍ଜନ ପଟ୍ଟନାୟକ ,ଦେବକି ନନ୍ଦନ ସାହୁ , ସୁଶ୍ରୀ ମିଶ୍ର ,ଅନିତା ବଳିଆରସିଙ୍ଘ , ଶ୍ରଦ୍ଧାଞ୍ଜଳି ନାୟକ , କୁମାର ସୁଜିତ , ଶୁଭମ ମହାପାତ୍ର ପ୍ରମୁଖ ଏନଏସି କାର୍ଯ୍ୟକର୍ତ୍ତା ଯୋଗ ଦେଇଥିଲେ । ବର୍ଣ୍ଣାଳୀ ହୋତା ଙ୍କ କଣ୍ଠ ରୁ “ ଉଠ କଙ୍କାଳ “ ସଙ୍ଗୀତ ଗାନ କରି ସମସ୍ତ ଦର୍ଶକଙ୍କ ମନ ମୋହିଥିଲେ ।