ଚୋରି ଉଦ୍ୟମ ବେଳେ ବନ୍ଧୁକ ସହ ଜଣେ ଗିରଫ

ପୁରୀ  (ଓଡ଼ିଶା ତାଜା ନ୍ୟୁଜ୍) :-  ସତ୍ଯବାଦୀ ଥାନା ବୀରଗୋବିନ୍ଦପୁର ଛକରେ ଶୁକ୍ରବାର ମଧ୍ଯ ରାତିରେ ଦୁଇଜଣ ବ୍ଯକ୍ତି କାରରେ ଆସି ଚୋରି ଉଦ୍ଦେଶ୍ଯରେ ଅଟକି ଥିଲେ । ଏ ସମ୍ପର୍କରେ ଖବର ପାଇ ସତ୍ଯବାଦୀ ଥାନା ପୋଲିସ ଜଣକୁ ଧରିବା ସହ ତାପାଖରୁ ଦେଶୀ ବନ୍ଧୁକ ଜବତ କରିଥିଲା ।ଏହାସହ ଚୋରି ପାଇଁ ବ୍ଯବହୃତ ହୋଇଥିବା ହୋଣ୍ଡା ସିଟି କାର ଜବତ କରିଛି ଅଭିଯୁକ୍ତ ଜଣକ ହେଲେ ଚନ୍ଦନପୁର ଥାନା ଅର୍ନ୍ତଗତ ଜୀରାଖଣ୍ଡି ଗ୍ରାମର ଅକ୍ଷୟ କୁମାର ରାଉତ (୨୯) । ଏ ସମ୍ପର୍କରେ ସତ୍ଯବାଦୀ ଥାନାରେ ୨୯୩/୨୫ରେ ମାମଲା ରୁଜୁ ହୋଇ ବିଏନଏସ ୩୧୨ ଧାରା ଓ ୨୫ ଆର୍ମ ଆକ୍ଟ ଲାଗୁ କରାଯାଇଛି । ଅଭିଯୁକ୍ତଙ୍କ ପୂର୍ବରୁ ସତ୍ଯବାଦୀ ଥାନା, ଚନ୍ଦନପୁର ଥାନା ଓ ବାସେଳି ସାହି ଥାନାରେ ମାମଲା ରହିଛି ଆଜି ଅଭିଯୁକ୍ତକୁ ଗିରଫ କରାଯାଇ କୋର୍ଟଚାଲାଣ କରାଯାଇଛି l