ଖୋର୍ଦ୍ଧା-ଜଟଣୀ (ଓଡ଼ିଶା ତାଜା ନ୍ୟୁଜ୍) :- ପବିତ୍ର ଗଣେଷ ପୂଜା ଉପଲକ୍ଷେ ଜଟଣୀ ଏବେ ଚଳ ଚଞ୍ଚଳ, ବିଭିନ୍ନ ପୂଜା ମଣ୍ଡପରେ ବିରାଟକାୟ ମୂର୍ତ୍ତୀ ସାଙ୍ଗକୁ ଆକର୍ଷଣୀୟ ତୋରଣ,ମେଢ଼, ଲାଇଟ୍,ସାଜ ସଜାରେ ଦୂଲୁକୁଛି ଜଟଣୀ । ସମଗ୍ର ଭାରତ ବର୍ଷରେ ଦେଖିବାକୁ ଗଲେ ଗଣେଷ ପୂଜା ପାଇଁ ମୁମ୍ବାଇ ପ୍ରସିଦ୍ଧି ଲାଭ କରିଥିବା ବେଳେ ଦ୍ୱିତୀୟ ମୁମ୍ବାଇ ଭାବେ ସ୍ଥାନ ଅଧିକାର କରିଛି ଜଟଣୀ ।
ସୀତାରାମ ଛକ,ବଡ଼ ବଜାର,ରାଜା ବଜାର,ମାଛ ମାର୍କେଟ, ନୀଳଚକ୍ର ମାର୍କେଟ,ହାଟ ବଜାର, ଗୋଲେଇ ମର୍କେଟ, ମାଲଗୋଦମ୍ ଛକ ଓ ରେତଙ୍ଗ କଲୋନୀ ପ୍ରଭୃତି ବଡ଼ବଡ଼ ଏବଂ ପୁରୁଣା ପୂଜା ମଣ୍ଡପ ସମେତ ପ୍ରାୟ ଦୁଇଶହ ପଚାଶରୁ ଉର୍ଦ୍ଧ ସ୍ଥାନରେ ପ୍ରଭୁ ଗଜାନନଙ୍କ ପୁଜା ଚାଲିଛି । ବିଘ୍ନ ବିନାଶକ ପ୍ରଭୁ ଗଣେଷଙ୍କ ପୂଜା ତ’ସବୁଠାରେ ହେଉଛି ମାତ୍ର ଜଟଣୀର ପରମ୍ପରା ସମ୍ପୂର୍ଣ୍ଣ ଅଲଗା ଏଠାରେ ପ୍ରଭୁ ଗଣେଷଙ୍କ ସହିତ ମାତା ଲକ୍ଷ୍ମୀ ଓ ସରସ୍ଵତୀ ଏକତ୍ର ପୁଜା ପାଆନ୍ତି ।
ପୁଜା ମଣ୍ଡପ ସାଙ୍ଗକୁ ଖୁଦୁପୁର ୟୁଥ୍ କ୍ଳବ୍,କଳିଙ୍ଗ ଯୁବ ପରିଷଦ ଓ କୁଦିଆରି ବଜାର ସିଦ୍ଧେଶ୍ୱର ପୂଜା କମିଟି ପକ୍ଷରୁ ଆୟୋଜିତ ମିନା ବଜାର ଓ ଯାତ୍ରା ବେଶ୍ ମନଲାଖି ହୋଇଥିବା ବେଳେ ହଜାର ହଜାର ଲୋକଙ୍କ ସମାଗମ ହେଉଛି । ସେହିପରି ଜଟଣୀ ଗଣେଷ ପୂଜାର ମୁଖ୍ୟ ଆକର୍ଷଣ ହେଉଛି “ଗଣେଷ ମହୋତ୍ସବ” କଳିଙ୍ଗ ଯୁବ ପରିଷଦ ଆନୁକୁଲ୍ୟରେ ଚଳିତ ବର୍ଷ ୧୩ତମ ମହୋତ୍ସବ ସମାରୋହ ସହକାରେ ଉଦଘାଟିତ ହୋଇଯାଇଛି।
