ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) :- ସୈନିକ ସ୍କୁଲ, ଭୁବନେଶ୍ୱର “ ଭାରତୀୟ ସୈନିକ ସ୍କୁଲ ଜାତୀୟ କ୍ରୀଡା ଓ ସାଂସ୍କୃତିକ ମିଳନ ୨୦୨୫”Group-F ଅନ୍ତର୍ଗତ ପ୍ରତିଯୋଗିତା ଉଦଯାପିତ ହୋଇଯାଇଛି । ଏହି ପ୍ରତିଯୋଗିତାଟି ୧୯ ରୁ ୨୨ ଅଗଷ୍ଟ ୨୦୨୫ ପର୍ଯ୍ୟନ୍ତ ଆୟୋଜିତ ହୋଇଥିଲା ।
ଏଥିରେ ଦେଶର ୪ଟି ପ୍ରତିଷ୍ଠିତ ସୈନିକ ସ୍କୁଲର କ୍ୟାଡେଟମାନେ ଅଂଶଗ୍ରହଣ କରିଥିଲେ :-
ସୈନିକ ସ୍କୁଲ, ଅମ୍ବିକାପୁର (ଛତିଶଗଡ଼)
ସୈନିକ ସ୍କୁଲ, କୋରୁକୋଣ୍ଡା (ଆନ୍ଧ୍ର ପ୍ରଦେଶ)
ସୈନିକ ସ୍କୁଲ, ସମ୍ବଲପୁର (ଓଡିଶା)
ସୈନିକ ସ୍କୁଲ, ଭୁବନେଶ୍ୱର (ଓଡିଶା)
ଏହି ପ୍ରତିଯୋଗିତା କ୍ୟାଡେଟମାନଙ୍କୁ କ୍ରୀଡା, ସାଂସ୍କୃତିକ ଓ ସହ-ପାଠ୍ୟକ୍ରମୀୟ କାର୍ଯ୍ୟକ୍ରମ ରେ ତାଙ୍କର କୁଶଳତା ପ୍ରଦର୍ଶନ କରିବା ପାଇଁ ଏକ ସୁଦୃଢ଼ ମଞ୍ଚ ପ୍ରଦାନ କରିଥିଲା । ଉଦଯାପନୀ ଉତ୍ସବରେ ବିଦ୍ୟାଳୟର ଅଧ୍ୟକ୍ଷ କର୍ଣ୍ଣେଲ ପଙ୍କଜ କୁମାର ମୁଖ୍ୟ ଅତିଥି ଭାବରେ ଯୋଗଦେଇ
ବିଜୟୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରିବାକୁ ସଙ୍ଗେ ସଙ୍ଗେ କ୍ୟାଡେଟ ମାନଙ୍କୁ ଉଦବୋଧନ ଦେଇଥିଲେ ତାଙ୍କ ଉଦବୋଧନରେ ସେ ସୈନିକ ସ୍କୁଲମାନଙ୍କର କ୍ୟାଡେଟମାନଙ୍କୁ ଶୃଙ୍ଖଳା,ନେତୃତ୍ୱ ଓ ସମଗ୍ର ବିକାଶରେ ଉଲ୍ଲେଖନୀୟ ଭୂମିକା ପାଇଁ ପ୍ରଶଂସା କଲେ ।
ସେ କ୍ରୀଡା ଓ ସାଂସ୍କୃତିକ ଆଦାନପ୍ରଦାନର ମାଧ୍ୟମରେ ସହଭାଗିତା, ସମ୍ପ୍ରୀତି ଓ ଜାତୀୟ ଏକତାକୁ ଶକ୍ତିଶାଳୀ କରିବାର ଆବଶ୍ୟକତା ଅଛି ବୋଲି କହିଥିଲେ । ଏହି ପ୍ରତିଯୋଗିତା ରେ ସୈନିକ ସ୍କୁଲ ସମ୍ବଲପୁର ଭଲିବଲ ବାଳକ ବର୍ଗରେ ପ୍ରଥମ ସ୍ଥାନ ଅଧିକାର କରିଛି ଓ ସୈନିକ ସ୍କୁଲ ଭୁବନେଶ୍ୱର କ୍ରୀଡ଼ା,
ସାଂସ୍କୃତିକ କାର୍ଯ୍ୟକ୍ରମ, ବାସ୍କେଟ ବଲ (କନିଷ୍ଠ ବର୍ଗ ବାଳିକା ଏବଂ କନିଷ୍ଠ ବର୍ଗ ବାଳକ) ରେ ଚମ୍ପିୟାନ ହୋଇଛି । ସର୍ବମୋଟ ୫ଟି ବିଭାଗରୁ ୪ଟି ବିଭାଗରେ ସୈନିକ ସ୍କୁଲ ଭୁବନେଶ୍ୱର ଚମ୍ପିୟାନ ହୋଇଛି । ସୈନିକ ସ୍କୁଲ ଭୁବନେଶ୍ୱରର ଅଧ୍ୟକ୍ଷ ତାଙ୍କର ଉଦବୋଧନରେ ସମସ୍ତ ଅତିଥି,
ଶିକ୍ଷକ ସେ କ୍ୟାଡେଟମାନଙ୍କ ମଧ୍ୟରେ ସ୍ୱସ୍ଥ ପ୍ରତିଷ୍ପର୍ଦ୍ଧା, ଧୈର୍ଯ୍ୟ, ଓ ଦଳୀୟ ମନୋଭାବକୁ ପ୍ରସାରିତ କରିବାରେ ଏହି ପ୍ରତିଯୋଗିତାର ଗୁରୁତ୍ୱକୁ ଉଲ୍ଲେଖ କରିଥିଲେ, ଯାହା ସୈନିକ ସ୍କୁଲ ସୋସାଇଟିର ମୂଳ ଆଦର୍ଶ ସହ ସମ୍ବନ୍ଧିତ । ଚାରିଦିନିଆ ଏହି କାର୍ଯ୍ୟକ୍ରମରେ କ୍ୟାଡେଟମାନଙ୍କର ପ୍ରତିଭା,
ଉତ୍ସାହ ଓ କ୍ରୀଡାସ୍ପୃହାର ଜୀବନ୍ତ ସମାଗମ ଦେଖିବାକୁ ମିଳିଥିଲା ପ୍ରତିଯୋଗିତାମାନେ କେବଳ କୁଶଳତାର ଉତ୍ସବ ନୁହେଁ, ବରଂ ସୈନିକ ସ୍କୁଲମାନଙ୍କର ଭବିଷ୍ୟତ୍ ସେନାନାୟକ ଓ ଜାତୀୟ ନେତାମାନଙ୍କୁ ଗଢ଼ି ତୋଳିବାର ଏକ ମିଶ୍ରଣ ଆଶ୍ୱାସନା ମଧ୍ୟ l
