ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) :- ବିଶ୍ବହିନ୍ଦୁ ପରିଷଦର ପ୍ରତିଷ୍ଠା ଦିବସ ଉତ୍ସବ କାର୍ଯ୍ୟକ୍ରମ ଜିଲ୍ଲା ବିଶ୍ବହିନ୍ଦୁ ପରିଷଦର ସଭାପତି ରାଜେନ୍ଦ୍ର ପ୍ରସାଦ ମହାନ୍ତିଙ୍କ ଅଧ୍ୟକ୍ଷତାରେ ପୁରୀ ମର୍ଚିକୋଟ ଗଳି ସ୍ଥିତ ସୁନ୍ଦରଦାସ ମଠ ଠାରେ ମହାସମାରୋହରେ ଅନୁଷ୍ଠିତ ହୋଇଯାଇଛି । ମଠାଧୀଶ ଡ’ ପର୍ଶୁରାମ ଦାସ ଓ ନିଗମାନନ୍ଦ ସରସ୍ଵତୀ ଆଶ୍ରମର ସନ୍ଥ ଶ୍ରୀ ଶଙ୍କରାନନ୍ଦ ସରସ୍ଵତୀଙ୍କ ଦ୍ବାରା ପ୍ରଦୀପ ପ୍ରଯୋଳନ ସହିତ କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା ।
ଅନ୍ୟମାନଙ୍କ ମଧ୍ୟରେ ବିଶ୍ୱହିନ୍ଦୁ ପରିଷଦର ପୂର୍ବତନ ବରିଷ୍ଠ କର୍ମକର୍ତ୍ତା ରାଜକିଶୋର ସାହୁ , ଡ ମହେଶ୍ୱର ଦାଶ, ପ୍ରଫେସର ସୁକାନ୍ତ କୁମାର ମହାନ୍ତି, ପ୍ରାକ୍ତନ ପ୍ରଶାସନିକ ଅଧିକାରୀ ବିନୋଦ କୁମାର ପଣ୍ଡା, ସାମ୍ୱାଦିକ ନାରାୟଣ ଦାଶ, ବିଶ୍ବରଂଜନ ହୋତା, ଅବସରପ୍ରାପ୍ତ ପ୍ରିନ୍ସିପାଲ ମନୋଜ କୁମାର ସାମନ୍ତରାୟ, ଶୁଭ୍ର ପ୍ରକାଶ ପଣ୍ଡା, ପ୍ରମୁଖଙ୍କ ସମେତ ବିଶ୍ବହିନ୍ଦୁ ପରିଷଦର ଅନେକ କର୍ମକର୍ତ୍ତା ଯୋଗ ଦେଇ ସେମାନଙ୍କର ଅଭିଭାଷଣ ପ୍ରଦାନ କରିଥିଲେ । ଶେଷରେ ସଭାପତିଙ୍କୁ ଧନ୍ୟବାଦ୍ ଦେଇ ସଭାସଙ୍ଗ କରାଯାଇଥିଲା ।
