Home ଓଡ଼ିଶା ମୁଡ଼ୁମୁଡ଼ିଆରେ ଜିଲ୍ଲାସ୍ତରୀୟ ନନ୍ଦ ଉତ୍ସବ-୨୦୨୫ by Proprietor Abhimanyu Maharana 1 year ago Share on FacebookShare on TwitterWhatsapp ଆର,ଉଦୟଗିରି (ଓଡ଼ିଶା ତାଜା ନ୍ୟୁଜ୍) :- ଗଜପତି ଜିଲ୍ଲା ମୋହନା ବ୍ଲକ ଶିକୁଳିପଦର ପଞ୍ଚାୟତ ଅନ୍ତର୍ଗତ ମୁଡ଼ୁମୁଡ଼ିଆ ଗ୍ରାମଠାରେ ଷୋହଳଖଣ୍ଡ ଗୋପାଳ ସମାଜର ଜିଲ୍ଲା ସ୍ତରୀୟ ଶ୍ରୀକୃଷ୍ଣ ଜନ୍ମ ମହୋତ୍ସବ ଓ ନନ୍ଦ ଉତ୍ସବ-୨୦୨୫ ମହାସମାରୋହରେ ପାଳିତ ହୋଇଯାଇଛି । ଶହ ଶହ ଯାଦବ ମହିଳାମାନଙ୍କ ଦ୍ୱାରା କଳସ ଯାତ୍ରା, ନଗର ପରିକ୍ରମା କରାଯିବା ପରେ ଶ୍ରୀକୃଷ୍ଣଙ୍କୁ କ୍ଷୀର, ଦହି, ମହୁ ଓ ଜଳଦ ମିଶ୍ରଣ କରି ସ୍ନାନ କରାଯାଇଥିଲା । ପୁରୋହିତଙ୍କ ଦ୍ୱାରା ପୂଜାର୍ଚ୍ଚନା, ହୋମ,ଯଜ୍ଞ, ପାରମ୍ପରିକ ସଂକୀର୍ତ୍ତନ କରାଯାଇଥିଲା । ଜୟ ଯାଦବ, ଜୟ ମାଧବ ନାରାରେ ସଭାସ୍ଥଳ ଫାଟି ପଡ଼ୁଥିଲା| ଶ୍ରୀକୃଷ୍ଣଙ୍କ ପାଇଁ ସ୍ୱତନ୍ତ୍ର ଦୋଳନ ପ୍ରସ୍ତୁତ କରି ଝୁଲଣ ଉତ୍ସବ ପାଳନ କରାଯାଇଥାଏ । ମାଧବଙ୍କ ଦହି ହାଣ୍ଡି ଭଙ୍ଗା ଯିବା ଦୃଶ୍ୟ ଦେଖିବା ଲାଗି ଶହ ଶହ ମହିଳା, ପୁରୁଷ ରୁଣ୍ଢ ହୋଇଥିଲେ । ଏହା ବେଶ ଚିତ୍ତାବର୍ଷକ ଥିଲା । ଷୋଳଶଖଣ୍ଡ ଗୋପାଳ ସମାଜର ଜିଲ୍ଲା ସଭାପତି ଖଦାଳ ଗୌଡ଼ଙ୍କ ସଭାପତିତ୍ଵରେ ଅନୁଷ୍ଠିତ ଏହି ଉତ୍ସବକୁ ମୁଖ୍ୟ ଅତିଥି ଭାବେ ରାଜ୍ୟ ଯାଦବ ମହାସଂଘର ଉପ ସଭାପତି ହୃଷିକେଶ ଗୌଡ଼, ଜଗବନ୍ଧୁ ଦାଶ,ତରଣୀସେନ ଦାଶ, କୃଷ୍ଣଚନ୍ଦ୍ର ଦୋରା , ରାଜେନ୍ଦ୍ର ଗୌଡ଼, କୈଳାସ ଗୌଡ଼, ନରସିଂହ ଗୌଡ଼, ବିଜୟ ଗୌଡ଼, ତାରିଣୀ ଗୌଡ଼ ପ୍ରମୂଖ ନିମନ୍ତ୍ରୀତ ଅତିଥି ଭାବେ ଯୋଗଦେଇଥିଲେ । ବିଭିନ୍ନ ମୁଠାରୁ ଆସିଥିବା ତାଲୁକା କର୍ମକର୍ତ୍ତାମାନଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା । ମଞ୍ଚାସୀନ ଅତିଥିମାନେ ଶ୍ରୀକୃଷ୍ଣଙ୍କ କଥାମୃତ, ଶିକ୍ଷା,ଦୀକ୍ଷା, ବାଲ୍ୟଲୀଳା, ରାସଲୀଳା ପରାକ୍ରମ , ଜୀବନଶୈଳୀ ଓ ବୃତ୍ତାନ୍ତ ଉପରେ ମତବ୍ୟକ୍ତ କରିଥିଲେ । କୁନି କୁନି ଶିଶୁମାନେ ରାଧାକୃଷ୍ଣ ବେଶରେ ସଜ୍ଜିତ ହୋଇ ନୃତ୍ୟ ପରିବେଷଣ କରିଥିଲେ । ଶେଷରେ ଅତିଥିମାନଙ୍କ ଦ୍ୱାରା କୃତୀ ଶିଶୁମାନଙ୍କୁ ପୁରଷ୍କୃତ କରାଯାଇଥିଲା । ଏହି ଉତ୍ସବକୁ ରାୟଗଡ଼,କନ୍ଧମାଳ, ଗଞ୍ଜାମ ଓ ଆନ୍ଧ୍ର ପ୍ରଦେଶ ସୀମାନ୍ତବର୍ତ୍ତୀ ଅଞ୍ଚଳରୁ ଶହ ଶହ ଯାଦବ ଯୋଗ ଦେଇଥିଲେ । Categories: ଓଡ଼ିଶା, ଗଜପତି, ହୋମ୍ Related Content VAML, Sijimali Bauxite Mines Organises Cancer Screening Camp, Benefits 350 Community Members Across Kalahandi and Rayagada by Proprietor Abhimanyu Maharana November 21, 2026 ଭିଏଏମ୍ଏଲ୍ ସିଜିମାଳି ବକ୍ସାଇଟ୍ ଖଣି ପକ୍ଷରୁ କର୍କଟ ଚିହ୍ନଟ ଶିବିର ଆୟୋଜିତ, କଳାହାଣ୍ଡି ଓ ରାୟଗଡ଼ାର ୩୫୦ରୁ ଅଧିକ ଗୋଷ୍ଠୀ ସଦସ୍ୟ ଉପକୃତ by Proprietor Abhimanyu Maharana November 21, 2026 ନଭେମ୍ବର ୨୨ରେ ଜୀ ସାର୍ଥକରେ ୱାର୍ଲ୍ଡ ଟେଲିଭିଜନ ପ୍ରିମିୟର ହେବ ବହୁଚର୍ଚ୍ଚିତ ଓଡ଼ିଆ ଚଳଚ୍ଚିତ୍ର ‘ଦି ମିଲେଟ୍ ଡାଏରୀ’ by Proprietor Abhimanyu Maharana November 20, 2026 ମମତା ଚାରିଟେବୁଲ ଟ୍ରଷ୍ଟ ର ୨୬ତମ ପ୍ରତିଷ୍ଠା ଦିବସ ପାଳିତ by Proprietor Abhimanyu Maharana November 20, 2026 ସଡ଼କ ଦୁର୍ଘଟଣାରେ ବର୍ଷକୁ ଯାଉଛି ୫,୭୮୨ ଜୀବନ : ବିଭୂତି ଜେନା by Proprietor Abhimanyu Maharana November 20, 2026 ସାଇବର ଠକେଇ ମାମଲାରେ ୧୬ ଗିରଫ, ୩ ମହିଳା ସାମିଲ by Proprietor Abhimanyu Maharana November 20, 2026