ରଣପୁର (ଓଡ଼ିଶା ତାଜା ନ୍ୟୁଜ୍) :- ନୟାଗଡ଼ ଜିଲ୍ଲା ରଣପୁର ଅବକାରୀ ଥାନା ହାଜତ ଭିତରେ ପୁଅ ଓ ଦୃଷ୍ଟିହୀନ ବାପା ଙ୍କୁ ମାଡମରା ସହିତ ଅଭିଯୁକ୍ତଙ୍କୁ ନିର୍ଯାତନା ଘଟଣାରେ ନୟାଗଡ଼ ଅବକାରୀ ଅଧୀକ୍ଷକଙ୍କୁ ସ୍ପଷ୍ଟୀକରଣ ମାଗିଲେ କୋର୍ଟ । ଦୁଚନା ଅନୁସାରେ ରଣପୁର ଥାନା ଅନ୍ତର୍ଗତ ଲତାର ଗ୍ରାମର ଦୃଷ୍ଟିହୀନ ବାପା ପୁର୍ଣଚନ୍ଦ୍ର ରାୟ ଓ ପୁଅ ସମ୍ବିତ ରାୟଙ୍କୁ ଗତ ଗୁରୁବାର ସ୍ଥାନୀୟ ଅବକାରୀ ବିଭାଗ ଘରୁ ଗିରଫ କରିଥିଲା । ତାଙ୍କ ଠାରୁ ୫ ଲିଟର ସ୍ପିରିଟ ସହିତ କିଛି ଠିପି କାଚ ବୋତଲ କୁ ମଧ୍ୟ୍ୟ ଜବତ କରିଥିଲା । ବାପ ପୁଅ ଙ୍କ ନାମରେ ଅବକାରୀ ଥାନାରେ ମାମଲା ନମ୍ବର ୨ ଏସିସି ୪୨/୨୦୨୫ ରୁଜୁ କରି ଗୁରୁବାର ଅପରାହ୍ଣ ରେ ରଣପୁର କୋର୍ଟ କୁ ଚାଲାଣ କରିଥିଲା l
ତେବେ ହାଜତରେ ଅଭିଯୁକ୍ତ ଦ୍ୱୟଙ୍କୁ ମାଡ ମରାଯାଇଥିବା ଅଭିଯୋଗ ହୋଇଥିଲା । ଅଭିଯୁକ୍ତ ଙ୍କ ପକ୍ଷରୁ ଓକିଲ ନୃସିଂହ କୁମାର ବର୍ଦ୍ଧନ ସାମନ୍ତ ମୋକଡ଼ମ ଦାୟର କରିଛନ୍ତି ଆଇନଜୀବୀ ନୃସିଂହ କୁମାର ବର୍ଧନଙ୍କ ସୂଚନା ଅନୁଯାୟୀ, ରଣପୁର ଅବକାରୀ ଥାନା ହାଜତରେ ତାଙ୍କ ମହକିଲଙ୍କୁ ଅମାନୁଷିକ ଭାବେ ମାଡ ମାରି ଶାରୀରିକ ଓ ମାନସିକ ନିର୍ଯାତନା ଦିଆଯାଇଛି । ଅଭିଯୋଗକୁ ଗ୍ରହଣ କରି ରଣପୁର ମାଜିଷ୍ଟ୍ରେଟ ପୁଣ୍ୟସ୍ଲୋକ ଦାଶ ନୟାଗଡ଼ ଅବକାରୀ ଅଧୀକ୍ଷକଙ୍କୁ ସ୍ପଷ୍ଟୀକରଣ ମାଗିବା ସହ ରଣପୁର ଜେଲ ସୁପରିଣ୍ଟେଣ୍ଡେଣ୍ଟଙ୍କୁ ଅଭିଯୁକ୍ତଙ୍କୁ ଚିକିତ୍ସା କରାଇ ଡାକ୍ତରଙ୍କ ରିପୋର୍ଟ ଦାଖଲ ପାଇଁ ନିର୍ଦେଶ ଦେଇଛନ୍ତି ।
ଅପର ପକ୍ଷରେ ଅବକାରୀ ଥାନା ଉପନିରୀକ୍ଷକ ଅର୍ପିତାରାଣୀ ସାହୁ କୁହନ୍ତି, କଟକ ଅବକାରୀ ସ୍କ୍ୱାଡ୍ ସହ ମିଳିତ ଚଢାଉ ହୋଇଥିଲା । ମୁଁ ହାଜତରେ ନିର୍ଯାତନା କାହାରିକି ଦେଇନାହିଁ। ରଣପୁର ଜେଲ ସୁପରିଣ୍ଟେଣ୍ଡେଣ୍ଟ ବିନାୟକ ସାହୁ କୁହନ୍ତି ଆମ୍ଭେ ବିଚାରାଧୀନଙ୍କୁ ରଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରାଇବା ସହ ଡାକ୍ତର ଦେଇଥିବା ରିପୋର୍ଟ ଅଦାଲତରେ ଦାଖଲ କରିଛୁ । ଅଭିଯୁକ୍ତଙ୍କ ଓକିଲ ଏ ନେଇ ମାନବାଧିକାର କମିଶନଙ୍କ ଦ୍ୱାରସ୍ଥ ହେବେ ବୋଲି କହିଛନ୍ତି । ଏଭଳିସ୍ଥଳେ କୋର୍ଟ ଅଭିଯୁକ୍ତ ବାପା ଓ ପୁଅ ଙ୍କୁ ଜାମିନ ପ୍ରଦାନ କରିଥିବା ଜଣାପଡିଛି ।
